Ամերիկյան կոկեր-սպանիել

Ամերիկյան կոկեր-սպանիել
	Ամերիկյան կոկեր-սպանիել ցեղատեսակի շներ
Տեսակ	շան ցեղատեսակ
Բնաշխարհ	ԱՄՆ
Առանձնահատկություններ
Հասակ	37-39 սմ
Գույն	շագանակագույն (շոկոլադ) և սև
Կյանքի տևողություն	12-15 տարի
Կյանքի տևողություն	12-15 տարի
Դասակարգում և տեսականմուշ
	Շուն (Canis lupus familiaris)

Ամերիկյան կոկեր-սպանիել (անգլ.՝ American Cocker Spaniel^[1]^[2]), շների ցեղատեսակ 8-րդ խմբում ՄԿՖ։ Որսորդական շների տեսակ է, որը մշակվել է փետրավոր որս կատարելու համար։

Ծագումը[խմբագրել | խմբագրել կոդը]

Ամերիկյան կոկեր-սպանիելի պատմությունը հարուստ է բազմաթիվ իրադարձություններով։ Այս ցեղատեսակը ամերիկյան ծագում ունի։ Եվ չնայած նրան, որ պաշտոնապես հաստատված տվյալներ չկան, ենթադրաբար, այս ցեղատեսակը բուծվել է 1880 թվականին։ Շատ արագ այն տարածվեց ամբողջ աշխարհում, քանի որ գրավեց շների շատ բուծողների հետաքրքրությունը, որի շնորհիվ ամենակարճ ժամանակահատվածում այն ճանաչում ստացավ շների բուծման առաջատար ակումբներից։ Իհարկե, ժամանակակից կոկեր-սպանիելները զգալիորեն տարբերվում են այս ցեղատեսակի առաջին ներկայացուցիչներից, բայց դրանք շատ ընդհանուր հատկություններ ունեն։

Արտաքին տեսք[խմբագրել | խմբագրել կոդը]

Մորթու տեսակ և գույն

Այս ցեղատեսակը փափուկ է և պահանջում է խնամք, երկար մորթի երկու կողմերի և ոտքերի վրա, ինչպես նաև նմանատիպ մազեր ականջների վրա, կոպիտ և ավելի մուգ մորթի հետևի մասում։ Գույնը կարող է լինել ինչպես միատոն, այնպես էլ բազմերանգ։ Ոչ շատ հաճախ հանդիպում է նաև թուխ։ Մորթու հիմնական գույներն են շագանակագույն (շոկոլադ) և սև։

Հասակ և քաշ

Հասակը՝ 37-39 սմ, կախված է սեռից։ Ամերիկյան կոկեր-սպանիել ցեղատեսակի շները չեն սահմանում որևէ հստակ քաշ, միայն անգլիական սպանիելները քաշի խիստ սահմաններ ունեն։

Մարմնի տեսակ

Ընդհանուր մարմինը պինդ է, ազատ տեղաշարժվում է, մեջքը չի թեքվում։

Ականջներ, պոչ, վերջույթներ

Սովորաբար ականջի ծայրը պետք է ճշգրիտ հասնի քթի ծայրին։ Ականջների, պոչի և վերջույթների մազերը փափուկ են։ Քիթը սև է կամ շագանակագույն։

Սկզբում ամերիկյան կոկեր-սպանիելի պոչը կտրում էին։ Սակայն որոշ երկրներում (Շվեյցարիա, Գերմանիա, Հյուսիսային Եվրոպա) պոչի կտրվածքի արգելքի և այդ երկրներից մի քանիսում խուզված շների ներմուծման կամ ցուցահանդեսին կտրված պոչով շների արգելքի հետ մեկտեղ ավելի ու ավելի շատ սկսեցին հանդիպել ամերիկյան կոկերներ բնական պոչով։

Բնավորություն[խմբագրել | խմբագրել կոդը]

Ամերիկյան կոկեր-սպանիելը առանձնանում է աշխույժ մտքով և արագ կողմնորոշվածությամբ։ Նրանք շատ շարժուն և ակտիվ շներ են, իրենց համար գտնում են ամեն տեսակի բազմազան զվարճանքներ։ Հանգիստ վիճակը նրանց համար խորթ է, նրանք բնատուր շատ հետաքրքրասեր են։ Իրենց հետաքրքրասիրության շնորհիվ նրանք հիանալի մասնակցում են մարզումների և ընկալում են ուսուցման գործընթացը որպես զվարճալի խաղ։ Նրանք հավատարիմ են իրենց տիրոջը և նույնիսկ պատրաստ են անձնազոհության։ Նրանք բավականին ընկերասեր և սիրալիր են, լավ են ընկերանում երեխաների հետ։ Այս շները նաև շատ են սիրում ուտել, այնքան, որ պետք է հետևել նրանց ստանդարտ սննդակարգին, քանի որ դժվար է դիմակայել նրանց աղերսող հայացքին։

Խնամք[խմբագրել | խմբագրել կոդը]

Ամերիկյան կոկեր-սպանիելի խնամքը բավականին դժվար է, քանի որ այն ունի հաստ և երկար մորթի, որը պետք է անընդհատ լավ վիճակում պահվի, մանավանդ, եթե ընտանի կենդանին ցուցահանդեսների հաճախակի մասնակից է։ Պետք է լողացնել այդպիսի շներին ոչ ավելի, քան շաբաթը մեկ անգամ, և անհրաժեշտ է նաև օգտագործել հատուկ շամպուններ, որպեսզի չվնասվի ընտանի կենդանու մորթին։ Անհրաժեշտ է պարբերաբար սանրել, հատկապես լվանալուց առաջ և հետո, որպեսզի մորթին չկորցնի իր մետաքսի նմանությունը և չխճճվի։ Շան հետ զբոսնելիս պետք է շատ ուշադիր լինել, թե որտեղով է քայլում շունը, քանի որ կոկերը իր թաթերի վրա հավաքում է բազմաթիվ կեղտեր, որոնք հետո լվանալը և հեռացնելը բավականին դժվար է։ Բացի դա, աշխարհի յուրաքանչյուր հինգերորդ կոկեր ականջների և թաթերի խնդիր ունի։ Եթե ականջները կամ թաթերը հաճախ թաց են (օրինակ, երբ թաթերը զբոսնելուց հետո վատ են սրբում, կամ երբ շունը խմիչք է խմում, և ականջները թրջվում են), ապա դրանց մեջ կարող է աճել բորբոս, որը հնարավոր չէ հեշտությամբ հեռացնել։