Ածխապլաստիկ
Ածխապլաստիկ կամ կարբոն (անգլ.՝ carbon` ածխածին ) կամ կարբոնոպլաստիկ, ածխածնի մանրաթել պոլիմերային բաղադրանյութ է, որն իրենից ներկայացնում է միահյուսված ածխածնի մանրաթելեր՝ կազմակերպած պոլիմերային (օրինակ, էպօքսիդային) խեժերի մատրիցով։ Կարբոնի խտությունը կազմում է 1450 կգ / մ³-ից մինչև 2000 կգ / մ³: Կարբոնային նյութերը բնութագրվում են մեծ ամրությամբ, կոշտությամբ և թեթև քաշով, հաճախ լինում են պողպատից ամուր, բայց շատ ավելի թեթև։ Ըստ իր հատկանիշների այն գերազանցում է բարձրորակ պողպատը, օրինակ՝ քրոմ-նիկելի համաձուլվածքով պողպատը 25ХГСA (ռուսական ստանդարտ)։ Բարձր արժեքի պատճառով խնայողության դեպքում այս նյութը օգտագործվում է որպես ամրապնդող լրացում հիմնական շինանյութի մեջ։
Հիմնական տեղեկություններ[խմբագրել | խմբագրել կոդը]
Նյութի հիմնական բաղադրիչը ածխածնի մանրաթելն է։ Այդպիսի թելերը շատ բարակ են՝ մոտ 0,005-0,010 մմ տրամագծով[1], կոտրելն այն շատ հեշտ է, բայց պատառոտել՝ դժվար։ Թելերից հյուսում են գործվածքներ։ Նրանք կարող են ունենալ տարբեր հյուսվածքի ձև՝ եղևնաձև, խսիրաձև և այլն։
Նույնիսկ ավելի մեծ ամրություն տալու համար ածխածնի թելից հյուսվածքը տեղադրում են շերտերով, ամեն անգամ փոխելով հյուսվածքի ուղղությունը։ Շերտերն ամրացվում են էպօքսիդային խեժերով։
Կիրառում[խմբագրել | խմբագրել կոդը]
Ածխապլաստիկները լայնորեն օգտագործվում է թեթև, բայց ամուր մասերի արտադրության համար՝ մետաղներ փոխարինելով բազմաթիվ ապրանքների մեջ՝ տիեզերանավի մասերից մինչև կառթեր, այդ թվում `
- հրթիռային և տիեզերական տեխնոլոգիաներում;
- ինքնաթիռների և ուղղաթիռների արտադրության մեջ;
- նավաշինության մեջ;
- ավտոմեքենաների մասերում;
- գիտության և հետազոտությունների ասպարեզում;
- մարզային սարքավորումներում;
- բժշկական սարքավորումներում;
- պրոթեզավորման մեջ;
- ձկնորսություն սարքավորումներում;
- մասնագիտական ֆոտո և տեսախցիկներում;
- կենցաղային տեխնիկայում;
- մոդելավորման մեջ;
- երաժշտական գործիքներում;
- ասեղնագործության գործիքներում
և այլն։
Ծանոթագրություններ[խմբագրել | խմբագրել կոդը]
- ↑ http://www.webcitation.org/61905PyYD%7Carchivedate=2011-08-23(չաշխատող հղում) = "Ածխապլաստիկը ավտոմոբիլային արդյունաբերության մեջ՝ առավելություններ և թերություններ"