Ալեքսանդրա Լևուշինա
Ալեքսանդրա Լևուշինա | |
---|---|
Ծնվել է | մարտի 15, 1918 |
Ծննդավայր | Պետրոգրադ, Խորհրդային Ռուսաստան |
Վախճանվել է | դեկտեմբերի 9, 1994 (76 տարեկան) |
Մահվան վայր | Սանկտ Պետերբուրգ, Ռուսաստան |
Քաղաքացիություն | ԽՍՀՄ և Ռուսաստան |
Կրթություն | Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտ |
Մասնագիտություն | նկարչուհի |
Ժանր | բնանկար |
Պարգևներ | |
Անդամակցություն | ԽՍՀՄ նկարիչների միություն |
Ալեքսանդրա Յուլիանովնա Լևուշինա (ռուս.՝ Александра Юлиановна Левушина, մարտի 15, 1918, Պետրոգրադ, Խորհրդային Ռուսաստան - դեկտեմբերի 9, 1994, Սանկտ Պետերբուրգ, Ռուսաստան), խորհրդային նկարչուհի, գեղանկարիչ, Սանկտ Պետերբուրգի նկարիչների միության անդամ (մինչև 1992 թվականը՝ ՌԽՖՍՀ նկարիչների միության Լենինգրադի կազմակերպության)[1]։
Կենսագրություն[խմբագրել | խմբագրել կոդը]
Ալեքսանդրա Լևուշինան ծնվել է 1918 թվականի մարտի 15-ին Պետրոգրադում, աշխատավորների ընտանիքում։ Նրա հայրը՝ Յուլիան Ալեքսանդրովիչ Շոթը, աշխատել է որպես մեխանիկ ավիացիոն գործարանում։ Իսկ մայրը՝ Վերա Նիկոլաևնա Սերովան, զբաղվել է տնային տնտեսությամբ և երեխաների դաստիարակությամբ։ Մայրը ծնունդով Տվերի նահանգի Բեժեցկից էր, որը 20-րդ դարում շատ տաղանդավոր նկարիչներ ուներ։ Նրանց թվում են Լենինգրադի գեղանկարիչներ Ալեքսանդր Սամոխվալովը, Սերգեյ Օսիպովը, Պյոտր Բուչկինը, Վիկտոր Տետերին, Յուրի Տուլինը և ուրիշներ։ Գուցե դա է կանխորոշել երիտասարդ Ալեքսանդրա Լևուշինայի ապագա մասնագիտության ընտրությունը։ 1935 թվական ավարտել է յոթնամյա դպրոցը, ընդունվել է Լենինգրադի գեղարվեստ-մանկավարժական տեխնիկում, որն ավարտել է 1939 թվականին։ Այնուհետև, նախապատրաստվելով Լենինգրադի գեղանկարչության, քանդակագործության և ճարտարապետության ինստիտուտընդունվելուն, երկու տարի սովորել է գեղարվեստի Համառուսաստանյան ակադեմիայի միջնակարգ գեղարվեստական դպրոցի բարձր դասարաններում, որն ավարտել է 1941 թվականի հունիսին։
Սկսված պատերազմը փոխել է Լևուշինայի ծրագրերը։ Նա ամբողջ շրջափակման ընթացքում մնացել է Լենինգրադի պաշտպանների շրջանում, աշխատել է պաշտպանական ամրությունների կառուցման վրա, հակաօդային պատպանության ջոկատներում, Սկորոխոդ գործարանում, որը ռազմաճակատի համար զինամթերք է թողարկել։ Պարգևատրվել է «Լենինգրադի պաշտպանության համար» և «1941-1945 թթ. Հայրենական մեծ պատերազմի ժամանակ կատարած քաջարի աշխատանքի համար» մեդալներով։ 1944 թվականին, շրջափակման ավարտից և Լենինգրադի գեղանկարչության, քանդակագործության և ճարտարապետության ինստիտուտի՝ տարհանումից վերադառնալուց հետո Ալեքսանդրա Լևոիշինան ընդունվել է ինստիտուտի գեղանկարչական բաժին։ Սովորել է Ալեքսանդր Զայցևի, Հենրիխ Պավլովսկու, Սեմյոն Աբուգովի մոտ։ 1950 թվականին ավարտել է ինստիտուտը պրոֆեսոր Միխայիլ Ավիլովի արվեստանոցում ՝ գեղանկարչության նկարչի որակավորման շնորհմամբ, դիպլոմային աշխատանք եղել է «Լենինգրադի բնապատկեր» ժանրային կտավը[2]։
Ինստիտուտն ավարտելուց հետո աշխատել է Լենիզոյում պայմանագրերով։ 1950 թվականին դարձել է Լենինգրադի խորհրդային նկարիչների միության անդամ։ Նույն տարվանից մասնակցել է ցուցահանդեսների՝ ցուցադրելով իր աշխատանքները Լենինգրադի կերպարվեստի առաջատար վարպետների ստեղծագործությունների հետ միասին։ Ստեղծել է հիմնականում բնանկարներ, ինչպես նաև թեմատիկ նկարներ։ Բազմիցս աշխատել է Հին Լադոգայի նկարիչների ստեղծագործական տանը։ Լևուշինայի ստեղծած ստեղծագործությունների թվում են՝ «Երեկոյանում է» (ռուս.՝ «Вечереет»)[3], «Դաշտ»[4] (երկուսն էլ 1953), «Գարուն»[5] (1954), «Լենինգրադի խոզաբուծարանում»[6] (1957), «Վոլխով»[7] (1961) և այլն։
Մահացել է 1994 թվականի դեկտեմբերի 9-ին Պետերբուրգում։
Ալեքսանդրա Լևուշինայի ստեղծագործությունները գտնվում են թանգարաններում և մասնավոր հավաքածուներում Ռուսաստանում և այլ երկրներում։
Ծանոթագրություններ[խմբագրել | խմբագրել կոդը]
- ↑ Справочник членов Ленинградской организации Союза художников РСФСР. — Л: Художник РСФСР, 1987. — с.74.
- ↑ Юбилейный Справочник выпускников Санкт-Петербургского академического института живописи, скульптуры и архитектуры имени И. Е. Репина Российской Академии художеств. 1915—2005. — Санкт Петербург: «Первоцвет», 2007. — с.63.
- ↑ Весенняя выставка произведений ленинградских художников 1953 года. Каталог. - Л: ЛССХ, 1953. - с.6.
- ↑ Весенняя выставка произведений ленинградских художников 1955 года. Каталог. - Л: ЛССХ, 1956. - с.12.
- ↑ Весенняя выставка произведений ленинградских художников 1954 года. Каталог. - Л: Изогиз, 1954. - с.13.
- ↑ 1917 - 1957. Выставка произведений ленинградских художников. Каталог. - Л: Ленинградский художник, 1958. - с.20.
- ↑ Выставка произведений ленинградских художников 1961 года. Каталог. - Л: Художник РСФСР, 1964. - с.24.
Ցուցահանդեսներ[խմբագրել | խմբագրել կոդը]
- 1953 թվական (Լենինգրադ) – Լենինգրադի նկարիչների ստեղծագործությունների գարնանային ցուցահանդես
- 1954 թվական (Լենինգրադ) – Լենինգրադի նկարիչների ստեղծագործությունների գարնանային ցուցահանդես
- 1955 թվական (Լենինգրադ) – Լենինգրադի նկարիչների ստեղծագործությունների գարնանային ցուցահանդես
- 1957 թվական (Լենինգրադ) – 1917-1957։ Լենինգրադի նկարիչների ստեղծագործությունների ցուցահանդես
- 1961 թվական (Լենինգրադ) – Լենինգրադի նկարիչների ստեղծագործությունների ցուցահանդես Ռուսական պետական թանգարանների սրահներում
Աղբյուրներ[խմբագրել | խմբագրել կոդը]
- Центральный Государственный Архив литературы и искусства. СПб. Ф.78. Оп.8. Д.337.
- Весенняя выставка произведений ленинградских художников 1953 года. Каталог. - Л: ЛССХ, 1953. - с.6.
- Весенняя выставка произведений ленинградских художников 1954 года. Каталог. - Л: Изогиз, 1954. - с.13.
- Весенняя выставка произведений ленинградских художников 1955 года. Каталог. - Л: ЛССХ, 1956. - с.12.
- 1917 - 1957. Выставка произведений ленинградских художников. Каталог. - Л: Ленинградский художник, 1958. - с.20.
- Выставка произведений ленинградских художников 1961 года. Каталог. - Л: Художник РСФСР, 1964. - с.24.
- Справочник членов Ленинградской организации Союза художников РСФСР. — Л: Художник РСФСР, 1987. — с.74.
- Matthew Cullerne Bown. A Dictionary of Twentieth Century Russian And Soviet Painters. 1900 — 1980s. — London: Izomar Limited, 1998.
- Иванов С. В. Неизвестный соцреализм. Ленинградская школа. — Санкт-Петербург: НП-Принт, 2007. — с.389, 390, 392. ISBN 5-901724-21-6, ISBN 978-5-901724-21-7.
- Юбилейный Справочник выпускников Санкт-Петербургского академического института живописи, скульптуры и архитектуры имени И. Е. Репина Российской Академии художеств. 1915—2005. — Санкт Петербург: «Первоцвет», 2007. — с.63.
- Մարտի 15 ծնունդներ
- 1918 ծնունդներ
- Սանկտ Պետերբուրգ քաղաքում ծնվածներ
- Դեկտեմբերի 9 մահեր
- 1994 մահեր
- Սանկտ Պետերբուրգ քաղաքում մահացածներ
- Ռեպինի անվան ինստիտուտի շրջանավարտներ
- «Հայրենական մեծ պատերազմի ժամանակ կատարած անձնվեր աշխատանքի համար» մեդալակիրներ
- ԽՍՀՄ նկարիչների միության անդամներ
- Անձինք այբբենական կարգով
- Նկարիչներ այբբենական կարգով
- Սանկտ Պետերբուրգի նկարիչների միության անդամներ
- Խորհրդային նկարչուհիներ
- Ռուս դիմանկարիչներ