Ագապա

Ագապա, ագապներ, (հուն. սիրո ընթրիք), առաջին քրիստոնյաների հավաքական ընթրիքներ, որտեղ ի նշան փոխադարձ սիրո հավատացյալներն իրար խաղաղության համբույր էին տալիս և հաղորդվում օրհնված հացով ու գինով՝ ի հիշատակ «խորհրդավոր ընթրիքի»։ Հոգևորականությունն ագապներվ ձգտում էր հավասարության քողի տակ հավատացյալներին ավելի ամուր կապել քրիստոնեական կրոնի հետ։ Հետագայում, երբ ագապներ վերածվեցին խնջույքների, եկեղեցին նրանցից առանձնացրեց հաղորդության խորհուրդը և միացրեց ժամերգության հետ։ Ագապներ հետզհետե արգելվեցին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 49)։