Սեղանք (Քղիի գավառ)

Անվան այլ կիրառումների համար տե՛ս՝ Սեղանք (այլ կիրառումներ)

Սեղանք, գյուղ Արևմտյան Հայաստանում, Էրզրումի վիլայեթի Քղիի գավառակում^[1] կամ Դերսիմի գավառի Մեծկերտի գավառակում։ Գտնվում էր Մեծկերտ գյուղաքաղաքից հյուսիս-արևելք։ Գյուղից հյուսիս գտնվում էր Սեղանք ավելի հին, ավերակ գյուղը։

Պատմություն[խմբագրել | խմբագրել կոդը]

Գյուղի հայերը զանգվածաբար կոտորվել են 1915 թվականի Մեծ եղեռնի ժամանակ մոտակա Քուլքունա ձորում։

1872-1873 թվականներին ուներ 23 տուն հայ, 8 տուն քուրդ, իսկ XX դարի սկզբներին 65 տուն հայ և 50 տուն քուրդ բնակիչ։

Հայերի հիմնական զբաղմունքը այգեգործություն, հացահատիկի մշակություն և արհեստներն էր։ Քրդերը զբաղվում էին անասնապահությամբ։

Սեղանքն ուներ 1201 թվականին կառուցված Ս. Մինաս եկեղեցի^[2]։

«Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն