Վիքիպեդիա:Գիտեի՞ք որ

Գիտեի՞ք որ

«Գիտեի՞ք որ» նախագծի նպատակն է Գլխավոր էջում ամեն շաբաթ ներկայացնել հետաքրքիր, ուշագրավ տեղեկություններ։ Այս նախագծում հիմնականում ընդգրկվում են Հայերեն Վիքիպեդիայի հոդվածներում առկա հետաքրքրաշարժ տեղեկությունները։

Ինչպե՞ս է տեղեկությունը հայտնվում «Գիտեի՞ք որ» բաժնում։ Նախ որևէ խմբագրող կամ ընթերցող նկատում է հետաքրքրաշարժ մի տեղեկություն և այն առաջարկում է «Հաջորդ թողարկման պատրաստում» կոչվող էջում։ Այստեղ կատարվում է ընտրություն։ Ընտրված տեղեկությունները տեղադրվում են հատուկ կաղապարի մեջ, որը տարվա համապատասխան օրը հայտնվում է Գլխավոր էջում։ Եթե ինքներդ հանդիպել եք հետաքրքիր տեղեկության, ապա սեղմեք այստեղ այն «թեկնածու» առաջարկելու համար։

Նախագիծը վերահսկվում է մի քանի ակտիվ մասնակիցների կողմից (տե՛ս աջում)։ Եթե ինքներդ ցանկանում եք ակտիվ մասնակցություն ունենալ, ապա հայտնեք ձեր ցանկության մասին նախագծի քննարկման էջում։

ՎՊ:ԳՈ

Նախագծի ենթաէջեր

Նախապատրաստում սեղմեք այստեղ

Կաղապարներ

Վերահսկող մասնակիցներ

Բեքո

Թարմացնել այս էջի քեշը • Թարմացնել Գլխավոր էջի քեշը.

Այս շաբաթվա էջը

...ֆրանսիացի այս երգչուհին և դերասանուհին (նկարում) մենամարտել է տղամարդկանց հետ և մենաստանից առևանգել իր սիրելիին։
․․․տղամարդու հագուստ հագնելու համար այս մորուքավոր կինը հատուկ թույլտվություն է ստացել իշխանություններից։
․․․այս խոշոր կաթնասունի մահը երբեմն ներկայացվում է որպես 20-րդ դարի սկզբի կրկեսի կենդանիների հետ դաժան վերաբերմունքի օրինակ։
․․․պատմությանը հայտնի է ցամաքային և ստորջրյա փոխադրամիջոցների բախման դեպք (լուսանկարում)։
...պատմության մեջ փետրվարը երեք անգամ ունեցել է 30 օր:
...1960-ական թվականներին կանանց բարձրակրունկ կոշիկների հասցրած վնասի պատճառով հատակի փոխարինումը ԱՄՆ-ում արժեցել է առնվազն կես միլիարդ դոլար, և այդպիսի կոշիկներ հագնելը կարգավորող հատուկ օրենք է ընդունվել։

Հաջորդ թողարկում | Արխիվ | Խմբագրել

Շաբաթ 1 ․․․Մեծ Բրիտանիայում սկսված տարվա առաջին ամենացանկալի հյուրը մուգ մազերով տղամարդն է։ ․․․սուրբծննդյան ավանդույթի այս կերպարը (նկարում) քիչ էր մնում ծնունդ չառներ հարբեցողության հետ զուգորդվելու պատճառով։ ․․․մաորիները ցանկանում են միապետի ծննդյան օրը փոխարինել Ամանորով։ ․․․հռոմեական դիցաբանությունում եղել է գալիք տարվա աստվածուհի, որի պատվին մարդիկ գրկախառնվել են, շատ խմել և կատարել անպարկեշտ երգեր։ ․․․դեկտեմբերի 31-ին Բոստոնի յուրաքանչյուր բնակիչ ունի առաջին գիշերվա իրավունք: ․․․Նյու Յորք քաղաքի գլխավոր տոնածառը (լուսանկարում) առաջին անգամ զարդարվել է 1931 թվականին պահածոյի տուփերով, իսկ այժմ այն պսակվում է «Սվարովսկի» ընկերության արտադրած բյուրեղապակյա աստղով։ Հաջորդ թողարկում \| Արխիվ \| Խմբագրել	Շաբաթ 2 ...այս (նկարում) կրկնակի պատկերում մարդիկ, կախված տարիքից, տեսնում են կա՛մ երիտասարդ աղջկա, կա՛մ տարեց կնոջ։ ...Բրազիլիայի ազգային աստղադիտարանի երկրաֆիզիկայի դեպարտամենտի տվյալներով՝ ստորգետնյա Համզա գետը, որը սնվում է ստորգետնյա ջրերով, հոսում է նույն ուղղությամբ, ինչ Ամազոնը, բայց 4 կմ խորության վրա, նրա հոսքը գնահատվում է 3 հազար մ³/վ։ ...Ֆրանսիայում վերջին պաշտոնական մենամարտը տեղի է ունեցել 1967 թվականի ապրիլի 21-ին։ ...խոհանոցային այս պարագան, շնորհիվ նացիստական Գերմանիայի դիկտատորին պատահականորեն նման լինելու, սկզբնական 40 դոլարի փոխարեն էլեկտրոնային աճուրդում վաճառվել է 199 դոլարով։ ...ըստ բրազիլացի ավետարանական պաշտամունքներից մեկի առաջնորդի, բոլոր նրանք, ովքեր օգտագործում են USB սարքեր՝ (նկարում) երկրպագում են Սատանային: ...ձեռքի վարսահարդարիչի գյուտարարը այս ամերիկահայն է։ Հաջորդ թողարկում \| Արխիվ \| Խմբագրել
Շաբաթ 3 ...թղթադրամները կեղծումներից պաշտպանելուն օգնում է «համաստեղությունը»։ ...Ռուսաստանում ամուրյան վագրը և նրա ազատավանդակ որպես սնունդ գցված ընտանի այծը մի քանի ամիս ապրել են միասին (լուսանկարում) և նույնիսկ մտերմություն արել։ ...ուտեստներ մատուցելու ճապոնական այս պրակտիկան (լուսանկարում) հաճախ համարվում է դաժան, ստորացուցիչ, անկումային և քննադատվում է որպես սեռական առարկայացում։ ...դեռևս Յուրայի ժամանակաշրջանից շատ կենդանիներ կերակուրը մանրացնելու համար ստամոքսում մինչև մի քանի կիլոգրամ քաշով քարեր են պահել։ ...50-150 հոգու թունավորած և 90 տարեկանում կալանավորված ու 15 տարվա ազատազրկման դատապարտված սերբ այս տատիկի պատրաստած «կախարդական ջուրը» գնել են առավելապես կանայք, որոնք ունեին դժվարություններ ամուսնական կյանքում։ Նրանք այդ թուրմը տվել են իրենց ամուսիններին, որոնք հիմնականում մահացել են ութ օր անց։ ...Գինեսի ռեկորդակիր այս բրիտանացին պատահական դասավորությամբ 2808 խաղաքարտերից (54 տուփ) յուրաքանչյուրը մեկ անգամ տեսնելուց հետո կարողացել է ճշգրտորեն դասավորել՝ թույլ տալով ընդամենը ութ սխալ։ Հաջորդ թողարկում \| Արխիվ \| Խմբագրել	Շաբաթ 4 ...Գինեսի ռեկորդների գիրքը գրանցել է 18-րդ դարի կեսերի կրկեսային շոուների այս կատարողին (նկարում) իր ակնառու քթի համար։ ...ասիական երկրներից մեկում կա ավանդական մրցամարտի տեսակ, որտեղ որպես «մարզագույք» օգտագործվում է կենդանու արտաթորանքը։ ...ԽՍՀՄ-ում առաջին կիսահաղորդչային տրիոդի համահեղինակը 22-ամյա հայ ուսանողուհի է։ ...Ռումինիայի դրոշը գրեթե նույնական է Չադի ազգային դրոշին (նկարում), և վեճը լուծելու համար Չադը դիմել է Միավորված ազգերի կազմակերպություն։ ...որոշ մարդիկ կարողացել են ճանապարհորդել որպես փոստային ծանրոց։ ...այս շունն էլ ճանապարհորդում է քաղաքում՝ օգտվելով ավտոբուսներից, մետրոյի գնացքներից, տրամվայներից և լաստանավերից։ Հաջորդ թողարկում \| Արխիվ \| Խմբագրել
Շաբաթ 5 ․․․մարդակեր բույսի (նկարում) մասին առասպելները տարածված են տարբեր երկրների բանահյուսությունում։ ․․․1184 թվականին Գերմանիայի Հենրիխ VI թագավորը Էրֆուրտի Պետերբերգ ամրոցում անցկացրել է հանդիպում, որի մասնակիցներից մոտ 60-ը զոհվել է՝ ընկնելով մարդկային արտաթորանքով փոսը։ ․․․Խանզիր ․․․բրիտանացիները, եթե 20 տարուց ավելի են ապրել մի շենքում, կարող են պահանջել լույսի իրենց չափաբաժինը (նկարում)։ ․․․կան մարդիկ, այդ թվում՝ որոշ անվանիներ, որոնց կարծիքով՝ իրենք պատրաստված են ապակուց և հավանական է, որ կարող են փշրվել։ ․․․Հարավկորեական հայտնի այս ընկերության պաշտոնյաներից մեկի սխալի պատճառով ընկերության մոտ 2000 աշխատակիցներից յուրաքանչյուրը կարող էր ստանալ 9 միլիոն ԱՄՆ դոլար։ Հաջորդ թողարկում \| Արխիվ \| Խմբագրել	Շաբաթ 6 ․․․ամերիկացի այս բռնցքամարտիկը (լուսանկարում) հասել է եզակի նվաճման․ նա միակ բռնցքամարտիկն է, ով միևնույն Օլիմպիական խաղերում չեմպիոն է դարձել տարբեր քաշային կարգերում։ ․․․այս ծառը (լուսանկարում), որը մյուսներից 400 կմ հեռավորության վրա էր գտնվում բոլոր ուղղություններով, համարվում էր Երկրի ամենամիայնակ ծառը, քանի դեռ նրան չէր հարվածել բեռնատարի հարբած վարորդը: ․․․2010 թվականին Չինաստանում տեղի ունեցած ճանապարհային խցանումը տևել է 12 օր։ ․․․ըստ բրիտանացիների՝ ձյունն էլ կարող է լինել սխալ տեսակի։ ․․․Նոր Զելանդիայի բնիկներն ունեցել են դեմքերն ամբողջությամբ դաջվածքով պատելու ավանդույթ, և երբ մարդը մահացել է, ընտանիքը նրա գլուխը մշակել ու պահել է զարդարուն փորագրված տուփերում, և այն դուրս է բերվել միայն արարողությունների ժամանակ։ ․․․միջնադարյան Եվրոպայում դատել են նաև հանցանք գործած կենդանիներին և նրանց դատապարտել մահապատժի կամ ազատազրկման։ Հաջորդ թողարկում \| Արխիվ \| Խմբագրել
Շաբաթ 7 ․․․Արևելյան Գերմանիայում լուսացույցի մարդուկը (լուսանկարում) տարբերվում էր մյուս տեղերում ընդունված սովորական մարդուկից, և հետագայում նույնիսկ դարձել է բողոքի ցույցերի պատճառ։ ․․․ուկրաինուհին դարձել է 2024 թվականի Ճապոնիայի գեղեցկության մրցույթի հաղթող, սակայն մի քանի օր անց հրաժարվել է այդ տիտղոսից։ ․․․տասը մրցակցի դեմ մեն-մենակ մնացած ֆուտբոլային դարպասապահին հաջողվել է չեղարկել խաղը՝ «հավերժական» խաղից դուրս վիճակի պատճառով։ ․․․Սավաննա/Հիլթոն Հեդ միջազգային օդանավակայանի 10-րդ թռիչքուղին Ամերիկայի Միացյալ Նահանգների միակ թռիչքուղին է, որտեղ գերեզմանաքարեր կան։ ...հնագետների կարծիքով՝ մարդու ամենահին գրանցված անունը Քուշիմն է։ ...կակադուներն անազատության մեջ սովորաբար ապրում են 40-60 տարի, սակայն այս թութակը (լուսանկարում) ապրել է 83 տարի՝ սահմանելով երկարակեցության ռեկորդ իր տեսակի համար։ Հաջորդ թողարկում \| Արխիվ \| Խմբագրել	Շաբաթ 8 ․․․Իրանում տարածված օձի այս տեսակը (տեսահոլովակ) հոդվածոտանու նման իր պոչն օգտագործում է որպես խայծ՝ թռչուններին գրավելու համար։ ․․․ըստ տնտեսագետների՝ նույնիսկ սատկած կատուն կարող է ցատկել։ ․․․այս միջատների պատճառով աշխարհում տարեկան ավելի շատ մարդ է մահանում, քան մարդու, օձերի, շների, կոկորդիլոսների և այլ կենդանիների պատճառով։ ․․․աշխարհի ամենանեղ փողոցը (լուսանկարում) գտնվում է Գերմանիայի Ռոյթլինգեն քաղաքում, և նրա լայնությունն ընդամենը 31 սանտիմետր է։ ․․․պետություններից մեկը, գոյություն է ունեցել ընդամենը 1 օր։ ․․․ժամային տարբերությունների պատճառով միմյանից 4 կմ հեռավորության վրա գտնվող կղզիներն անվանում են Երեկվա և Վաղվա կղզիներ։ Հաջորդ թողարկում \| Արխիվ \| Խմբագրել
Շաբաթ 9 ...ուղղաթիռների ուղևորներին Հիսուսին հիշելու առիթ կարող է տալ նրա անունը կրող այս փոքր դետալի (լուսանկարում) խափանումը։ ...մի օր, երբ ԱՄՆ-ի նախագահ Ջիմի Քարթերը ձկնորսություն է արել, նրա վրա հարձակվել է մի «ջրային ճագար», որին Քարթերը քշել է թիով։ Այս պատմությունից հետո Քարթերին սկսել են ծաղրել, իսկ նրա քննադատներն այդ միջադեպը ներկայացրել են որպես նրա թույլ քաղաքականության օրինակ։ ...Անգլիայի բանկը թողարկում է «Տիտան» անունով 100 միլիոն ֆունտ ստեռլինգ անվանական արժեքով թղթադրամ, որը, սակայն, չի շրջանառվում։ ...էնդեմիկ բուսական աշխարհ ունեցող այս կղզին անվանում են «Հնդկական օվկիանոսի Գալապագոսներ»։ ...ջրվեժը կարող է լինել նաև հորիզոնական։ ...ամերիկացի այս ֆերմերը (լուսանկարում) համարվում է ամենավաղ ծնված անձը, ով լուսանկարվել է կենդանության օրոք։ Հաջորդ թողարկում \| Արխիվ \| Խմբագրել	Շաբաթ 10 ...Անգլիայում սպանդանոցի ճանապարհին բեռնատարից փախած այս խոզերին երկար ժամանակ չեն կարողացել հայտնաբերել, իսկ հետագայում նրանք դարձել են հանրային հսկայական հետաքրքրության առարկա։ ...Չիկագոյի Գրանտ պարկում մշտապես հավաքված են 106 անգլուխ և անթև երկաթե մարդիկ։ ...այս քարանձավից հայտնաբերված ոսկորներով վերականգնված միաեղջյուրի կմախքը (լուսանկարում) ենթադրել է, թե կենդանին իր իրանը քարշ է տվել առջևի զույգ ոտքերով։ ...կանադացի երաժիշտը իր երգերի այս եռյակով ստիպել է խոշոր ավիաընկերությանը դասեր քաղել և փոխել հաճախորդների սպասարկման քաղաքականությունը։ ...զոլավոր վագրը (լուսանկարում) Երկրորդ համաշխարհային պատերազմի տարիներին իր երկիմաստ անվանումով շվեդներին զգուշացրել է խոսելուց զգուշանալ։ ...Եգիպտոսն այս տարածքը համարում է Սուդանի մի մասը, իսկ Սուդանը` Եգիպտոսի մաս: Հաջորդ թողարկում \| Արխիվ \| Խմբագրել
Շաբաթ 11 ...մելանխոլիան բուժելու նպատակով հնում օգտագործել են կատուների դաշնամուր (նկարում)։ ...կա ոչ պետական մի տոն, որը մեկ հարյուրամյակի ընթացքում նշվում է ընդամենը 9 անգամ. այդպիսի մոտակա օրը կլինի մյուս տարվա մայիսի 5-ը։ ...Ամերիկայի Միացյալ Նահանգների Հյուսիսային Կարոլինա նահանգի Դարհեմ բնակավայրում կա պահածոների բացիչ (լուսանկարում), որով, սակայն, ոչ մի պահածո չի բացվել։ ...կատակների և անեկդոտների հնագույն ժողովածուն ավելի քան 1700 տարեկան է։ ...ծուռ պոչով և կնճռոտ ճակատով այս շունը չի հաչում։ ...Իռլանդիայում ասեղը կարող է ունենալ 120 մետր բարձրություն։ Հաջորդ թողարկում \| Արխիվ \| Խմբագրել	Շաբաթ 12 ...Կիլիկիայի այս թագուհին (նկարում) ամուսնական 23 տարիների ընթացքում ունեցել է 16 զավակ, որոնցից 5-ը դարձել են թագավոր, իսկ դուստրը Բյուզանդիայի կոնսորտ-կայսրուհի։ ...ավելի քան հազար տարի առաջ եկեղեցականները դատել են նույնիսկ մահացածներին՝ նրանց դիակները հանելով գերեզմանից։ ...ոստիկանության առգրաված սառը զենքը վերածվել է հրեշտակի։ ...անսովոր բարձրահասակ այս թռչունը (լուսանկարում) եղել է համալսարաններից մեկի ոչ պաշտոնական թալիսմանը։ ...դեռևս տասը տարի առաջ մեքենական երկակի թարգմանությունը սուրբ տեքստը կարող էր վերածել կենցաղային զավեշտալի արտահայտության։ Հաջորդ թողարկում \| Արխիվ \| Խմբագրել
Շաբաթ 13 ...իտալացի առաջին կինոաստղագնացը (տեսանյութ) թռել է Լուսին՝ այնտեղ ամուսնանալու նպատակով։ ...Վերածննդի և Լուսավորության դարաշրջաններում գոյություն է ունեցել հանրապետություն, որը, սակայն, չի ունեցել ո՛չ մայրաքաղաք, ո՛չ էլ պետական խորհրդանիշեր։ ...Միացյալ Թագավորության Պլիմուտ քաղաքում ապրել է քաղաքային ավտոբուսներով մշտապես երթևեկող կատու, որի մասին նույնիսկ գիրք է գրվել։ ...գեր թագավորի սիրուհիների համար ստեղծվել է հատուկ աթոռ, որպեսզի նրանք չմնան միապետի ծանրության տակ։ ...երեք տարբեր պետություններին պատկանող կղզում հոսում են նույն անվանումով երկու գետեր։ ...Անգլիայի Լիվերպուլ քաղաքի փողոցներում կարելի է հանդիպել հսկա բանանաոչխարի (լուսանկարում)։ Հաջորդ թողարկում \| Արխիվ \| Խմբագրել	Շաբաթ 14 ... Մյանմայի միակ հայկական եկեղեցին (լուսանկարում) ստիպված էին վերաօծել ինքնակոչ քահանայի պատճառով։ ...1980 թվականի Բոստոնի մարաթոնում կանանց մրցավազքում «հաղթել է» քաղաքի մետրոն։ ...կենդանիների նոր տեսակը (լուսանկարում) գիտնականները փնտրել են համացանցում։ ...բրիտանացի Էդ Սթաֆորդն առաջինն է եղել, ով քայլել է Ամազոնի ակունքից մինչև նրա գետաբերանը. ավելի քան երկու տարում՝ 859 օրում՝ անցնելով 6400 կմ։ ...Անտարկտիդայում ևս մարդիկ են ծնվում, և նրանցից առաջինն այս արգենտինացին է։ ...դիրիժորական փայտիկի նախնին դարձել է հայտնի կոմպոզիտորի մահվան պատճառ։ Հաջորդ թողարկում \| Արխիվ \| Խմբագրել
Շաբաթ 15 ... որոշ ծիծեռնակներ (լուսանկարում) իրենց բները ծեփում են շշի ձևով, իսկ վտանգի դեպքում կարող են մլավել։ ...երկվորյակների ամենամյա համագումարը տեղի է ունենում նմանատիպ անվանումով քաղաքում։ ...դեպի ծով ելք չունեցող երկիրն էլ կարող է ունենալ ծովային մեծ նավատորմ։ ...Ամերիկայի Միացյալ Նահանգները, նախքան ատոմային ռումբերը, ճապոնացիների գլխին դդումներ է լցրել (լուսանկարում)։ ...մարդն էլ կարող է ունենալ պոչ, ինչը նրան կարող է դարձնել պաշտամունքի առարկա։ ...աշխարհում առաջին ոչ մարդ խոսող կաթնասունը խոսում էր Նոր Անգլիայի առոգանությամբ։ Հաջորդ թողարկում \| Արխիվ \| Խմբագրել	Շաբաթ 16 ...այս կղզին (նկարում) ամենափոքր ծովային կղզին է, որը կիսում են երկու երկրներ, այն էլ ոչ ուղիղ՝ տարօրինակ գծով։ ․․․Անգլիայի ֆուտբոլի հավաքականի կազմում իր միակ խաղին այս դարպասապահն ուշացել է 10 րոպե, և նրան փոխարինել է թիմի հարձակվողը։ ...«ամենաարագ թմբկահար աղջիկը» շարունակել է նվագել 106 տարեկանում։ ...ժողովրդական պար կատարողները (լուսանկարում) 20-կիլոգրամանոց պարազգեստով փոխանցում են սիրամարգերի շարժման գեղեցկությունն ու նրբագեղությունը։ ...Գերմանական Բրեմեն քաղաքում տեղադրված դիտահորի կափարիչը նվիրատվության անոթ է, որի մեջ մետաղադրամ նետելուց հետո լսվում են հայտնի Բրեմենյան երաժիշտների «կատարումները»՝ աքաղաղի բարձր կանչ, էշի զռռոց, կատվի մլավոց կամ շան հաչոց։ ...հայտնի կատակի համաձայն՝ անգլերեն «fish» (ձուկ) բառը կարելի է գրել «ghoti»։ Հաջորդ թողարկում \| Արխիվ \| Խմբագրել
Շաբաթ 17 ...Կանադայում ծնված այս հինգ աղջիկները (լուսանկարում), որն առաջին հայտնի հնգյակն է, որ ողջ է մնացել մինչև չափահասություն, ընտանիքում չորս ամիս ապրելուց հետո փոխանցվել են Կարմիր խաչին՝ դառնալով զբոսաշրջային նշանակալի տեսարժանություն։ ...ավտոբուսներից, մետրոյից և քաղաքային տրանսպորտի այլ միջոցներից ինքնուրույն կարողանում են օգտվել նաև կենդանիները։ ...ֆորմալինի մեջ պահվող 4,3 մ երկարությամբ վագրային շնաձկան դիակը (նկարում) այնքան շահութաբեր է եղել, որ հեղինակը նման՝ «ֆորմալինային շարք» է ստեղծել։ ․․․Անտարկտիդայի սառույցների տակ կա կենդանի օրգանիզմներով լիճ։ ...ասիական այս երկրում սննդի հետ եփում են երկաթե ձկներ: ...Վիկտորյա թագուհու ինքնահռչակ «պաշտոնական» առնետորսը բռնած առնետների մի մասը պահել է, բուծել՝ ստանալով անսովոր գույների առնետներ, այնուհետև դրանք վաճառել է որպես ընտանի կենդանիներ։ Հաջորդ թողարկում \| Արխիվ \| Խմբագրել	Շաբաթ 18 ...մոտ 100 տարի առաջ Լա Բոկայի նավահանգիստ մտնող նավի երկրի դրոշի գույները դարձել են այս արգենտինական ֆուտբոլային ակումբի գույները (լուսանկարում)։ ․․․Ճապոնիայում միսը պատմականորեն օգտագործվել է որպես դեղամիջոց։ ․․․բուլղարահայ այս հեռագրավարը մի ամբողջ քաղաք է փրկել կործանումից՝ միտումնավոր սխալ վերծանելով սուլթանի հեռագիրը։ ․․․եղերական ավտովթարից րոպեներ առաջ անհայտ լուսանկարչի անմահացրած կադրը (լուսանկարում) համաշխարհային հռչակ է ստացել և դարձել համբույրների ամենահայտնի լուսանկարներից մեկը։ ․․․առանց թաթերի թաղանթային մասի ծնված այս թռչունը հայտնի է դարձել որպես «Սպորտային կոշիկներով սագ»։ ...ԱՄՆ-ի այս նահանգում աշխատում են ցատկող փոստատարներ։ Հաջորդ թողարկում \| Արխիվ \| Խմբագրել
Շաբաթ 19 ...մարզադահլիճի այն հատվածը, որտեղ գեղասահորդները սպասում են իրենց գնահատականներին, ունի հատուկ անուն (լուսանկարում)։ ...1945 թվականին գերմանական նամականիշի (լուսանկարում) վրա կյուրեղագրի օգտագործման եզակի դեպքը հանգեցրել է նրան, որ այն դուրս է բերվել փոստային շրջանառությունից, ոչնչացվել և դարձել հազվագյուտ նմուշ։ ...խանութում հնարավոր է գնել թղթադրամների չկտրված թերթեր, ընդ որում՝ մեկ թերթի համար պետք է վճարեք ավելի շատ, քան կտրված թղթադրամների համախառն անվանական արժեքն է։ ...այս անձրև առաջացնողը իր հմտությունով մոտ 500 անգամ կարողացել է մարդկանց օգնել, թեև երբեմն չափն անցել է։ ...2011-2012 թվականներին Նորվեգիայում առաջացած ճգնաժամի ընթացքում թերթերից մեկը փորձել է նոր բաժանորդներ ներգրավել՝ նրանց առաջարկելով կես կիլոգրամ կարագ, իսկ ուսանողները կարագը աճուրդի են հանել համացանցում՝ փորձելով միջոցներ հավաքել ավարտական երեկույթների համար։ Հաջորդ թողարկում \| Արխիվ \| Խմբագրել	Շաբաթ 20 ...հանցագործության վայրից դանակ գողացող և քաղաքային մետրոյով երթևեկող այս թռչունը 2018 թվականին ճանաչվել է կանադական Վանկուվերի ոչ պաշտոնական դեսպան։ ...1989 թվականին Պեկինի Տյանանմեն հրապարակում բողոքի ցույցերի 24-րդ տարելիցի նախօրեին համացանցի չինական տիրույթի գրաքննիչները արգելափակել են «մեծ դեղին բադ» եզրույթը (լուսանկարում)։ ...Հարավային Հնդկաստանի Կերալա նահանգի տարածքում տեղացած կարմիր անձրևը (լուսանկարում) ըստ ԶԼՄ-ների ոչ երկրային է եղել։ ...այս ամերիկացի գործարարը իրեն համարել է «արևմտյան աշխարհի ամենամեծ փիլիսոփան», բայց հայտնի է եղել անսովոր ուղղագրական և քերականական սխալներով։ ... այս պարզ թիվը դյուրադարձուկ է, այն նույնն է կարդացվում և՛ հետ, և՛ առաջ և բաժանվում է միայն իր և մեկի վրա։ ...1936 թվականի Բեռլինի Օլիմպիական խաղերի ոսկե մեդալակիրներին որպես պարգև հանձնել են անգլիական կաղնիներ։ Հաջորդ թողարկում \| Արխիվ \| Խմբագրել
Շաբաթ 21 ...այս իրանցին 18 տարի ապրել է Ֆրանսիայի օդանավակայաններից մեկում, և նրա մասին ֆիլմ է նկարահանվել։ ․․․եթե ցանկություն պահեք և շոկոլադի սալիկը քսեք աշխարհում շոկոլադի առաջին արձանի (լուսանկարում) փերիի ձեռքին, ձեր կյանքն ավելի քաղցր կլինի։ ․․․պարզվել է, որ հաճախորդներին $28 մլն ֆինանսական կորուստ պատճառած ընկերության հիմնադիրը բանտից փախած կալանավոր է։ ․․․միայն 1937 թվականին է պարզվել, որ հոլանդացի ոսկեդարի նկարչուհի Յուդիթ Լեյստերի 1631 թվականին ստեղծած կտավում ևս մեկ կերպար է թաքնված։ ․․․Նիդերլանդների ֆուտբոլի ազգային հավաքականի այս խաղացողը 1988 թվականին նվաճել է Եվրոպայի չեմպիոնի տիտղոսը Գերմանիայում, չնայած ոչ մի խաղի չի մասնակցել: Հաջորդ թողարկում \| Արխիվ \| Խմբագրել	Շաբաթ 22 ...գերմանացի քանդակագործ Ֆրից Քյոնիգի մետաղյա քանդակը (լուսանկարում) վերապրել է 2001 թվականի սեպտեմբերի 11-ի ահաբեկչությունները և այժմ դարձել է Նյու Յորքի գլխավոր զբոսաշրջային գրավչությունը։ ...ամերիկացի այս հեռուստահաղորդավարուհին կյանքին վերջ է տվել ուղիղ եթերում։ ...այժմ շատ շախմատիստների ուղեղին փոխարինում է ավտոմատը՝ շախմատային ծրագիրը, իսկ հնում շախմատային ավտոմատին փոխարինում էր շախմատիստի ուղեղը (նկարում)։ ․․․դիցաբանական աստվածներն էլ են երբեմն շախմատ խաղում։ ․․․«Մահվան զբոսանքը» տևել է 12 րոպե: ...Յոհան Սեբաստիան Բախը պահանջված նկարիչ էր։ Հաջորդ թողարկում \| Արխիվ \| Խմբագրել
Շաբաթ 23 ․․․այս գիտուն մուկը (լուսանկարում) այնքան էլ գիտուն չէ, քանի որ նրա գործած ԴՆԹ պարույրը հակառակ է ոլորվում։ ...աշխարհի ամենամեծ ամրակը (լուսանկարում) գրանցված է Գինեսի ռեկորդների գրքում, և այն հանրային տարածքում է տեղադրված։ ...ջորին և՛ համառ կենդանի է, և՛ անօրինական ճանապարհով՝ գողությամբ կամ խարդախությամբ ձեռք բերված գումար և ապրանք փոխանցող։ ...ըստ «Օզի սքանչելի երկիրը» քաղաքական տեսանկյունից մեկնաբանողների, խրտվիլակի կենտրոնական կերպարում, ամերիկացի ֆերմեր է, որը միայն ինքնավստահության կարիք ունի։ ...Միացյալ Թագավորությունում Առաջին համաշխարհային պատերազմի ժամանակ ռազմական դատարանի կողմից դասալքության և այլ ծանր հանցագործությունների համար մահապատժի ենթարված զինվորների հուշարձան կա։ Հաջորդ թողարկում \| Արխիվ \| Խմբագրել	Շաբաթ 24 ...ֆրանսիացի այս երգչուհին և դերասանուհին (նկարում) մենամարտել է տղամարդկանց հետ և մենաստանից առևանգել իր սիրելիին։ ․․․տղամարդու հագուստ հագնելու համար այս մորուքավոր կինը հատուկ թույլտվություն է ստացել իշխանություններից։ ․․․այս խոշոր կաթնասունի մահը երբեմն ներկայացվում է որպես 20-րդ դարի սկզբի կրկեսի կենդանիների հետ դաժան վերաբերմունքի օրինակ։ ․․․պատմությանը հայտնի է ցամաքային և ստորջրյա փոխադրամիջոցների բախման դեպք (լուսանկարում)։ ...պատմության մեջ փետրվարը երեք անգամ ունեցել է 30 օր: ...1960-ական թվականներին կանանց բարձրակրունկ կոշիկների հասցրած վնասի պատճառով հատակի փոխարինումը ԱՄՆ-ում արժեցել է առնվազն կես միլիարդ դոլար, և այդպիսի կոշիկներ հագնելը կարգավորող հատուկ օրենք է ընդունվել։ Հաջորդ թողարկում \| Արխիվ \| Խմբագրել
Շաբաթ 25 Կաղապար:Գիտեի՞ք որ/Շաբաթ 25, 2024 թ.	Շաբաթ 26 Կաղապար:Գիտեի՞ք որ/Շաբաթ 26, 2024 թ.
Շաբաթ 27 Կաղապար:Գիտեի՞ք որ/Շաբաթ 27, 2024 թ.	Շաբաթ 28 Կաղապար:Գիտեի՞ք որ/Շաբաթ 28, 2024 թ.
Շաբաթ 29 Կաղապար:Գիտեի՞ք որ/Շաբաթ 29, 2024 թ.	Շաբաթ 30 Կաղապար:Գիտեի՞ք որ/Շաբաթ 30, 2024 թ.
Շաբաթ 31 Կաղապար:Գիտեի՞ք որ/Շաբաթ 31, 2024 թ.	Շաբաթ 32 Կաղապար:Գիտեի՞ք որ/Շաբաթ 32, 2024 թ.
Շաբաթ 33 Կաղապար:Գիտեի՞ք որ/Շաբաթ 33, 2024 թ.	Շաբաթ 34 Կաղապար:Գիտեի՞ք որ/Շաբաթ 34, 2024 թ.
Շաբաթ 35 Կաղապար:Գիտեի՞ք որ/Շաբաթ 35, 2024 թ.	Շաբաթ 36 Կաղապար:Գիտեի՞ք որ/Շաբաթ 36, 2024 թ.
Շաբաթ 37 Կաղապար:Գիտեի՞ք որ/Շաբաթ 37, 2024 թ.	Շաբաթ 38 Կաղապար:Գիտեի՞ք որ/Շաբաթ 38, 2024 թ.
Շաբաթ 39 Կաղապար:Գիտեի՞ք որ/Շաբաթ 39, 2024 թ.	Շաբաթ 40 Կաղապար:Գիտեի՞ք որ/Շաբաթ 40, 2024 թ.
Շաբաթ 41 Կաղապար:Գիտեի՞ք որ/Շաբաթ 41, 2024 թ.	Շաբաթ 42 Կաղապար:Գիտեի՞ք որ/Շաբաթ 42, 2024 թ.
Շաբաթ 43 Կաղապար:Գիտեի՞ք որ/Շաբաթ 43, 2024 թ.	Շաբաթ 44 Կաղապար:Գիտեի՞ք որ/Շաբաթ 44, 2024 թ.
Շաբաթ 45 Կաղապար:Գիտեի՞ք որ/Շաբաթ 45, 2024 թ.	Շաբաթ 46 Կաղապար:Գիտեի՞ք որ/Շաբաթ 46, 2024 թ.
Շաբաթ 47 Կաղապար:Գիտեի՞ք որ/Շաբաթ 47, 2024 թ.	Շաբաթ 48 Կաղապար:Գիտեի՞ք որ/Շաբաթ 48, 2024 թ.
Շաբաթ 49 Կաղապար:Գիտեի՞ք որ/Շաբաթ 49, 2024 թ.	Շաբաթ 50 Կաղապար:Գիտեի՞ք որ/Շաբաթ 50, 2024 թ.
Շաբաթ 51 Կաղապար:Գիտեի՞ք որ/Շաբաթ 51, 2024 թ.	Շաբաթ 52 Կաղապար:Գիտեի՞ք որ/Շաբաթ 52, 2024 թ.
Շաբաթ 53 Կաղապար:Գիտեի՞ք որ/Շաբաթ 53, 2024 թ.