Անհավասար սեր
 | |
|---|---|
 | |
| տեսակ | գեղանկար |
| նկարիչ | Յուդիթ Լեյստեր |
| տարի | 1631 |
| բարձրություն | 82 սանտիմետր |
| լայնություն | 66,5 սանտիմետր |
| ստեղծման վայր | Հաառլեմ[1] |
| ժանր | կենցաղային ժանր[2] |
| նյութ | յուղաներկ[2] և կտավ[2] |
| գտնվում է | Հնագույն արվեստի ազգային թանգարան |
| հավաքածու | Հնագույն արվեստի ազգային թանգարան[3] |
պատկերված են
| |
Ծանոթագրություններ | |
«Անհավասար սեր», մոտ 1631 թվականին հոլանդացի ոսկեդարի նկարչուհի Յուդիթ Լեյստերի[4] ստեղծած երփնագիրը։ Նկարը գտնվում է Հռոմի «Գալերիա ազգային դ'Արտե Անտիկա» հավաքածուում[5]։
Թեմա[խմբագրել | խմբագրել կոդը]
Նկարը ցույց է տալիս անհամապատասխան զույգի թեման, որը հայտնի թեմա էր այդ ժամանակաշրջանի արվեստում, թեև, ընդհանուր առմամբ, առաջարկություն անողը տղամարդն էր լինում կուրտիզանուհուն, ոչ թե կինը՝ տղամարդուն։ Թեման ընդհանուր առմամբ ցույց էր տալիս, թե ինչպես է տղամարդը կնոջը մատանի առաջարկում դրամապանակի հետ համակցված[6]։ Հարլեմյան տարբերակների ավելի վաղ օրինակները, որոնք հիմնված էին ավելի վաղ ֆլամանդական օրինակների վրա, ստորև են․
-
Կոռնելիս վան Հարլեմ, 1597 -
Հենդրիկ Գոլցիուս, 1614 -
Հենդրիկ Գոլցիուս, 1615 -
Կոռնելիս վան Հարլեմ, 1619
Նկարագիր[խմբագրել | խմբագրել կոդը]
Այս նկարը, անշուշտ, տեղավորվում է այդ ավանդույթի մեջ, ի տարբերություն Լեյստերի շատ ավելի երկիմաստ «Առաջարկությունը» ստեղծագործության, որը նույնպես թվագրված է նույն տարով։ Նկարում մի մարդ կողքով նստած է հասարակ փայտե աթոռին՝ ոտք ոտքին գցած լյուտնյա է նվագում։ Նա գլուխը դարձրել է դեպի դիտողը. Նրա ետևում մի տարեց կին մի ձեռքով բռնել է դրամապանակը, իսկ մյուսով մատանի է առաջարկում երաժշտին։ Երկուսն էլ հագած են պարզ գյուղացիական հագուստ, բայց սեղանի վրա կա երկրորդ քսակը, փայլող մետաղական զարդերով արկղ և հաշվելու համար սեղանին փռված ոսկիներ, որոնք կարծես հակասում են պատկերի պարզ կերպարներին։ Փոքրիկ եռոտանի աթոռակի վրա դրված է մոմակալ, բայց դրա մեջ մոմ չկա, այլ դրա վրա մետաղադրամներ են շարված, կարծես ակնարկ է, որ «սիրո կրակի» փոխարեն փող կա վերցնելու համար[7]։
Աթոռի թիկունքին հենված կնոջ կեցվածքը սովորական կեցվածք է, որն օգտագործում է Լեյստերի վարպետ Ֆրանս Հալսը, իսկ ոտքը ոտքին գցած երաժշտին կարելի է տեսնել Լեյստերի ապագա ամուսնու՝ Յան Միենս Մոլենաերի աշխատանքում։ Երևի լյուտան իրենն էր, քանի որ այն երևում է երկուսի ստեղծագործություններում[7]։
-
Աթոռի թիկունքին հենված մարդ, 1631, Հալս -
Խնջույք «De Kroon» կոչվող պանդոկում, 1630, Մոլենաեր -
Դուետ, 1630, Մոլենաեր -
Լյունյայով երիտասարդ կին, 1631, Լեյստեր
Լյուտնյա նվագողը[խմբագրել | խմբագրել կոդը]
Նկարը կատալոգավորել է Ջուլիան Հարմսը 1937 թվականին «Լյուտնյա նվագողը» վերնագրով։ Նա այն դասակարգեց որպես Լեյստերի «ինտիմ» դիմանկարներից մեկը։ Երաժշտի ոչ պաշտոնական կեցվածքը իսկապես մտերմություն է հուշում, հատկապես հաշվի առնելով, որ կանացի կերպարն ընդհանրապես չի երևացել, երբ Հարմսը նկարագրել է կտավը։ Կինը «հարություն» է առել միայն Երկրորդ համաշխարհային պատերազմից հետո վերականգնման ժամանակ[8]։
Ծանոթագրություններ[խմբագրել | խմբագրել կոդը]
- ↑ Hofrichter F. F. Judith Leyster catalog raisonné 1989 — 1989.
- ↑ 2,0 2,1 2,2 https://rkd.nl/explore/images/199022
- ↑ RKDimages (նիդերլ.)
- ↑ Hofrichter, Frima Fox (1989). Judith Leyster : a woman painter in Holland's Golden Age. Internet Archive. Doornspijk, The Netherlands : Davaco. ISBN 978-90-70288-62-4.
- ↑ «RKD Research, Luitspelende man en oude vrouw met muntgeld in een interieur, ca. 1631». research.rkd.nl. Վերցված է 2024 թ․ մայիսի 4-ին.
- ↑ «Judith Leyster - Unequal love - Paintings Of Unlikely Couples». jenikirbyhistory.getarchive.net. Վերցված է 2024 թ․ մայիսի 4-ին.
- ↑ 7,0 7,1 «Неравная любовь - Лейстер, Юдит». Неравная любовь - Лейстер, Юдит (ռուսերեն). Վերցված է 2024 թ․ մայիսի 4-ին.
- ↑ 8,0 8,1 «Lautenspieler | Judith Leyster | Bildindex der Kunst & Architektur - Bildindex der Kunst & Architektur - Startseite Bildindex». www.bildindex.de. Վերցված է 2024 թ․ մայիսի 4-ին.
|
