Վիսենտե դե լա Մատա
 | |||
|---|---|---|---|
 | |||
| Քաղաքացիությունը | Արգենտինա | ||
| Ծննդյան ամսաթիվ | հունվարի 15, 1918[1][2] | ||
| Ծննդավայր | Ռոսարիո, Սանտա Ֆե նահանգ, Արգենտինա | ||
| Մահվան ամսաթիվ | օգոստոսի 4, 1980 (62 տարեկան) | ||
| Մահվան վայր | Ռոսարիո, Արգենտինա | ||
| Հասակ | 172 սանտիմետր | ||
| Դիրք | հարձակվող | ||
|
| |||
|
| |||
|
| |||
|
| |||
|
| |||
Վիսենտե դե լա Մատա (իսպ.՝ Vicente de la Mata, հունվարի 15, 1918[1][2], Ռոսարիո, Սանտա Ֆե նահանգ, Արգենտինա - օգոստոսի 4, 1980, Ռոսարիո, Արգենտինա), արգենտինացի նախկին ֆուտբոլիստ, հարձակվողի Արգենտինայի ֆուտբոլի ազգային հավաքականի անդամ, արգենտինացի ֆուտբոլիստներ Արսենիո Էրիկոյի և Անտոնիո Սաստրեի հետ Վիսենտե դե լա Մատան համարվել է «Ինդեպենդիենտե» ակումբի լեգենդար հարձակվողներից մեկը։
Կենսագրություն[խմբագրել | խմբագրել կոդը]
Վիսենտե դե լա Մատան ծնվել է 1918 թվականի հունվարի 15-ին Ռոսարիո քաղաքի Տաբլադա թաղամասում[3]։ Նա իր կարիերան սկսել է հայրենի քաղաքի՝ «Ցենտրալ Կորդոբա» մանկական ակումբում։ Նույն ակումբի մեծահասակների թիմում նա իր նորամուտը նշել է 1936 թվականին։
19 տարեկանում երիտասարդ ֆուտբոլիստը հրավիրվել է Արգենտինայի հավաքական՝ խաղալու Հարավային Ամերիկայի առաջնությունում, որտեղ եզրափակչում՝ Բրազիլիայի հավաքականի դեմ խաղում, դարձել է երկու գոլի հեղինակ և թիմին դարձրել չեմպիոն[4]։
Հարավային Ամերիկայի առաջնությունում հաջողություն ունենալուց հետո առաջատար ակումբները սկսել են հետաքրքրվել դե լա Մատայով, իսկ 1937 թվականին նա տեղափոխվել է «Ինդեպենդիենտե», որի կազմում խաղացել է մինչև 1950 թվականը, անցկացրել 362 խաղ, խփել 151 գոլ և երեք անգամ դարձել Արգենտինայի առաջնության չեմպիոն։ «Ինդեպենդիենտեում» դե լա Մատան ակումբի հարձակվողներ Արսենիո Էրիկոյի և Անտոնիո Սաստրեի հետ 66 խաղում խփել են 216 գոլ (3,3 գոլ մեկ խաղում)։
Արգենտինայի հավաքականի կազմում դե լա Մատան անցկացրել է 13 հանդիպում, որոնցում խփել է 6 գոլ՝ հաղթելով Հարավային Ամերիկայի 3 առաջնությունում։
«Ինդեպենդիենտեից» հեռանալուց հետո դե լա Մատան 2 մրցաշրջան է անցկացրել «Նյուելս Օլդ Բոյզում», որտեղ խփել է ընդամենը 1 գոլ, իսկ հետո ավարտել կարիերան։
Նվաճումներ[խմբագրել | խմբագրել կոդը]
Թիմային[խմբագրել | խմբագրել կոդը]
- Ֆուտբոլի Ամերիկայի գավաթակիր, 1937, 1945, 1946
- Արգենտինայի չեմպիոն, 1938, 1939, 1948
Անձնական[խմբագրել | խմբագրել կոդը]
- Հարավային Ամերիկայի լավագույն ֆուտբոլիստ, 1937
Ծանոթագրություններ[խմբագրել | խմբագրել կոդը]
- ↑ 1,0 1,1 Արգենտինական ֆուտբոլի տվյալների շտեմարան (իսպ.)
- ↑ 2,0 2,1 Transfermarkt.com(բազմ․) — 2000.
- ↑ «Ficha Estadistica de VICENTE DE LA MATA -vicente de la mata- (perfil, ficha, profile, stats)». www.bdfa.com.ar. Վերցված է 2023 թ․ հունվարի 7-ին.
- ↑ «Southamerican Championship 1937». www.rsssf.org. Վերցված է 2023 թ․ հունվարի 7-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Վիսենտե դե լա Մատա» հոդվածին։ |
|
