Վիգեն Զաքարյան

Վիգեն Զաքարյան
23 տարի
Ծննդավայր	Լիբանան, Բեյրութ
Մահվան վայր	Շուշիի շրջան, Զառսլու գյուղ
Գերեզման	Եռաբլուր
Քաղաքացիություն	Լիբանան
Զորատեսակ	ՀՅԴ կամավորական խմբեր
Ծառայության տարիներ	1992 թվական
Մարտեր/; պատերազմներ	Արցախյան ազատամարտ և Շուշիի ազատագրում

Վիքիպեդիայում կան հոդվածներ Զաքարյան ազգանունով այլ մարդկանց մասին։

Վիգեն Կարապետի Զաքարյան (մարտի 15, 1969(1969-03-15)^[1], Բեյրութ, Լիբանան - մայիսի 8, 1992(1992-05-08)^[1], Zarıslı, Շուշիի շրջան, Ադրբեջան), լիբանանահայ ազատամարտիկ, Հայ Յեղափոխական Դաշնակցութիւն կուսակցության անդամ (1969 թվականի մարտի 15, Բեյրութ, Լիբանան - 1992 թվականի մայիսի 8, ԼՂՀ, Շուշիի շրջան, գյուղ Զառսլու)։

Կենսագրություն[խմբագրել | խմբագրել կոդը]

Վիգեն Զաքարյանը ծնվել է 1969 թվականի մարտի 15-ին Լիբանանի մայրաքաղաք Բեյրութում։ Եղել է ՀՅԴ անդամ։ ՀՅԴ Լիբանանի երիտասարդական միության «Դրոշակ» մասնաճյուղի ու Կենտրոնական քարոզչական հանձնախմբի ներկայացուցիչ։ Լիբանանի քաղաքացիական պատերազմի ժամանակ մասնակցել է հայկական թաղամասի պաշտպանությանը։ 1992 թվականի ապրիլին կամավոր մեկնել է Արցախ։ Մասնակցել է Շուշիի ազատագրմանը, որի ժամանակ էլ՝ 1992 թվականի մայիսի 8-ին էլ Շուշիի շրջանի Զառսլու գյուղում զոհվել է։

Հիշատակ[խմբագրել | խմբագրել կոդը]

Վիգեն Զաքարյանի հիշատակին է նվիրված Ներսիկ Իսպիրյանի «Ելին Վիգեն» երգը։ Իսկ 2007 թվականին Բեյրութում լույս է տեսել Համբիկ Պիլարյանի «Նահատակություն Շուշիի ժայռերում...» գիրքը, որը նվիրված է Վիգեն Զաքարյանի կարճատև կյանքի ու գործունեության լուսաբանմանը։ Գրքում տեղ են գտել նաև Վիգեն Զաքարյանի վկայությունները, ակնարկությունները, մտքերն ու նամակները։