Սուրբ Աստվածածին եկեղեցի (Մերենիա)
| Սուրբ Աստվածածին եկեղեցի | |
|---|---|
| Հիմնական տվյալներ | |
| Տեսակ | եկեղեցի |
| Երկիր |  Վրաստան |
| Տեղագրություն | Մերենիա |
| Դավանանք | Հայ Առաքելական Եկեղեցի |
| Հիմնական ամսաթվերը | 19-րդ դար |
| Հիմնադրված | 19-րդ դար |
| 11 մետր | |
| Երկարություն | 16 մետր |
| Լայնություն | 11 մետր |
 | |
 | |
Անվան այլ կիրառումների համար տե՛ս՝ Սուրբ Աստվածածին եկեղեցի (այլ կիրառումներ)
Սուրբ Աստվածածին եկեղեցի[1], Հայ Առաքելական Սուրբ Եկեղեցի, գտնվում է Վրաստանի Ախալքալաքի շրջանից 15 կմ դեպի հյուսիս-արևելք, Մերենիա կոչվող գյուղում, կառուցվել է 19-րդ դարում։
Մերենիա գյուղի Սուրբ Աստվածածին եկեղեցին հիմնադրվել է 1830 թվականին։ Եկեղեցու անունի հետ կապված հիշատակումներ կան 1839-1840-ական թվականների Վրաստանի և Իմերեթի թեմի տեղեկագրում։ Եկեղեցին 1866 թվականին եղել է փայտաշեն կառույց, իսկ արդեն 1885 թվականին՝ քարաշեն։ Եկեղեցու դպիրներն են եղել՝ Հակոբ Սարգսյանը, Խաչատուր Հովհաննիսյանը և Գալուստ Մակարյանը։ 1899 թվականի դեկտեմբերի 19-ին երկրաշարժից եկեղեցին տուժել է։
Ճարտարապետություն[խմբագրել | խմբագրել կոդը]
Եկեղեցին միանավ բազիլիկ կառույց է, կառուցվել է տուֆ տեսակի քարից, նրա չափսերն են (16 х 11) մետր։ Ունի մեկ մուտք, որը գտնվում է արևմտյան կողմից, իսկ մուտքի վերևի մասում կա հայերեն արձանագրություն։ Զանգակատուն գտնվում է տանիքի արևմտյան հատվածում։ Սուրբ Խորանը գտնվում է արևելյան մասում, իսկ նրա երկու կողմերում կան ավանդատներ։ Ունի մկրտության ավազան, որը գտնվում է հյուսիսային կողմում։
1850-1880-ական թվականներին եկեղեցու հոգրոր կազմն է եղել՝ Հովակիմ քհն. Բաղդասարյանը և Իսահակ քհն. Ասլանյանցը։
Խորհրդային անաստվածության տարիներին եկեղեցին չի գործել, և վերածվել է պահեստի։ 2010 թվականին գյուղացիների ջանքերով սկսվում է եկեղեցու վերանորոգման աշխատանքները։ 2013 թվականի ապրիլի 7-ին, եկեղեցին վերաօծվում է, ձեռամբ Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի, մասնակցությամբ Սամցխե-Ջավախքի և Ծալկայի ընդհանուր առաջնորդական փոխանորդ Հգշ. Տ. Բաբգէն վրդ. Սալբիյանի և տեղի հոգևոր դասի։
Ծանոթագրություններ[խմբագրել | խմբագրել կոդը]
- ↑ Aleks_El_Dia. «ՄԵՐԵՆԻԱ - ՍՈՒՐԲ ԱՍՏՎԱԾԱԾԻՆ ԵԿԵՂԵՑԻ». armenianchurch.ge. Վերցված է 2021 թ․ օգոստոսի 9-ին.
{{cite web}}: Missing|author1=(օգնություն)