Սարգիս Բալթայան Կրտսեր
| Սարգիս Բալթայան Կրտսեր | |
|---|---|
| Ծնվել է | 1976 Պլովդիվ, Բուլղարիա |
| Երկիր |  Բուլղարիա |
| Մասնագիտություն | դաշնակահար և երաժիշտ |
Սարգիս Կարոյի Բալթայան (Սարգիս Բալթայան Կրտսեր) (1976, Պլովդիվ, Բուլղարիա), հայազգի դաշնակահար, Կարո Բալթայանի որդին, Արուսյակ Բալթայանի եղբայրը։
Կենսագրություն[խմբագրել | խմբագրել կոդը]
Սարգիս Բալթայան Կրտսերը ծնվել է 1976 թվականին, Բուլղարիայի Պլովդիվ քաղաքում[1]։ Պապը՝ Սարգիս Բալթայանը և հայրը՝ Կարո Բալթայանը, նույնպես եղել են երաժիշտ։
Սարգիս Բալթայան Կրտսերն ավարտել է Ատելայտի (ԱՄՆ) երաժշտական քոլեջը։ Քրոջ՝ Արուսյակի հետ 1999 թվականին հրավիրվել է Լոս Անջելես՝ հանդես գալու միջազգային գալա համերգում, 2000 թվականին Լաս Վեգաս՝ դաշնամուրի մանկավարժության համաշխարհային կոնվենցիային։
«Դոբրին Պետհով» երաժշտական բարձրագույն դպրոցում շահել է կրթաթոշակ՝ Կալիֆոռնիայի Հարավային համալսարանում սովորելու համար։
2002-2006 թվականին եղել է պրոֆեսոր Ջ. Փերիի օգնական-դասախոս, 2005-2008 թվականին՝ Կալիֆոռնիայի պետական համալսարանի դաշնամուրի ֆակուլտետի անդամ, որից հետո՝ Ալաբամայի համալսարանի (ք. Հանդսվիլ) երաժշտության դոցենտ։
Եղել է «Դաշնամուրի վիրտուոզներ» (1987, Չեխոսլովակիա), USC դաշնամուր համերգ-մրցույթի և այլ միջազգային մրցույթների դափնեկիր։
Ծանոթագրություններ[խմբագրել | խմբագրել կոդը]
- ↑ «Гаро Балтаян | Вестник "ДУМА"». duma.bg. Վերցված է 2023 թ․ հունվարի 26-ին.
Արտաքին հղումներ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|