Ջեք Հաճինյան
Ջեք Հաճինյան | |
---|---|
Ծնվել է | 1977 |
Ծննդավայր | Մոնթեբելլո, Լոս Անջելես շրջան, Կալիֆոռնիա, ԱՄՆ |
Քաղաքացիություն | ԱՄՆ |
Կրթություն | Հարավային Կալիֆոռնիայի համալսարան, USC Sol Price School of Public Policy? և Հայկական Մեսրոպյան դպրոց |
Մասնագիտություն | գործարար |
Զբաղեցրած պաշտոններ | mayor of a place in California? |
Ջեք Հաճինյան (1977, Մոնթեբելլո, Լոս Անջելես շրջան, Կալիֆոռնիա, ԱՄՆ), ամերիկահայ քաղաքական գործիչ, Կալիֆոռնիայի նահանգի Մոնթեբելլո քաղաքի նախկին քաղաքապետ և Մոնթեբելլոյի քաղաքային խորհրդի նախկին անդամ։
Վաղ կյանք[խմբագրել | խմբագրել կոդը]
Ջեք Հաճինյանը ծնվել է Կալիֆոռնիայի Մոնթեբելլո քաղաքում՝ ամերիկահայ ընտանիքում[1]։ Նրա պապը փրկվել է Հայոց ցեղասպանությունից[2]։
Հաճախել է Պիկո Ռիվերա քաղաքում գտնվող Հայկական Մեսրոպյան դպրոց[3][4]։ Ավարտելուց հետո սովորել է Հարավային Կալիֆոռնիայի համալսարանում և Փասադենայի քաղաքային քոլեջում։ Ավարտել է ՀԴԲ քաղաքացիական ակադեմիան (FBI Citizens Academy):
Կարիերա[խմբագրել | խմբագրել կոդը]
Հաճինյանը աշխատում է որպես անշարժ գույքի գործակալ և Մոնթեբելլոյի ռիելթորների խորհրդի անդամ է[1]։ Եղել է նաև Մոմթբելլոյի առևտրի պալատի անդամ, Քաղաքացիական ծառայությունների հանձնաժողովի նախագահ և ներդրումային կոմիտեի անդամ։
Հաճինյանը եղել է 1997 թվականի աշխարհի առաջնության Offshore Race X-Plosive թիմի անդամ[5]։
Քաղաքական կարիերա[խմբագրել | խմբագրել կոդը]
2011 թվականին Հաճինյանը առաջադրվել է Մոնթեբելլոյի քաղաքային խորհրդի ընտրություններում, իսկ նոյեմբերի 8-ին դարձել է քաղաքային խորհրդի կազմում աշխատող առաջին ամերիկահայը[4]։ Այստեղ երեք տարի աշխատելուց հետո դարձել է Մոնթեբելլոյի քաղաքապետ[6]։ Երդման արարողությանը ներկա են եղել շերիֆ Ջիմ ՄաքԴոնելը, Լոս Անջելեսի Քաղաքային խորհրդի անդամ Փոլ Գրիգորյանը և Ամերիկայի Հայ Առաքելական եկեղեցու առաջնորդ Մուշեղ Մարտիրոսյանը։ 2015 թվականին երկրորդ անգամ ընտրվել է Մոնթեբելլոյի քաղաքային խորհրդի անդամ[6][7]։ 2020 թվականին Հաճինյանը կրկին փորձել է մասնակցել ընտրություններին, սակայն ընկել է երրորդ տեղը՝ հավաքելով ձայների 14 տոկոսից քիչ ձայն[8]։ Խորհրդում իր պաշտոնավարման ընթացքում նա եղել է ACE Project-ի նախագահը, Housing-ի նախագահ, Կալիֆոռնիայի Բնակարանային, համայնքային և տնտեսական զարգացման քաղաքականության հանձնաժողովի նախագահ, Gateway Cities շրջանի անտունության հարցերով զբաղվող հանձնաժողովի նախագահ և San Gabriel Valley և Gateway Cities կառավարությունների խորհրդի անդամ[9]։
Ներկայումս Հաճինյանը աշխատում է Ամերիկայի Հայ Առաքելական եկեղեցու Արևմտյան թեմում և Լոս Անջելեսի շրջանի Ալկոհոլի և թմրամիջոցների հարցերով զբաղվող հանձնաժողովի գործադիր խորհրդում[4]։ Հաճինյանը Մոնթեբելլո-Ստեփանակերտ քույր քաղաքների միության հիմնադիրն է[4]։
Հաճինյանը Ամերիկայի Հայ Ազգային Կոմիտեի անդամ է[3]։
Ծանոթագրություններ[խմբագրել | խմբագրել կոդը]
- ↑ 1,0 1,1 «Jack Hadjinian - Mayor Pro Tem». City of Montebello. Արխիվացված է օրիգինալից 2014 թ․ դեկտեմբերի 6-ին. Վերցված է 2023 թ․ օգոստոսի 25-ին.
- ↑ Funes, Juliette (2013 թ․ ապրիլի 10). «Montebello hosts exhibit commemorating 98th anniversary of Armenian Genocide». Pasadena Star-News. Արխիվացված է օրիգինալից 2016 թ․ մարտի 5-ին. Վերցված է 2023 թ․ օգոստոսի 25-ին.
- ↑ 3,0 3,1 «Jack Hadjinian Elected to Montebello City Council». Armenian Observer. 2011 թ․ նոյեմբերի 16.
- ↑ 4,0 4,1 4,2 4,3 «Hadjinian Wins Montebello City Council Race». Asbarez. 2011 թ․ նոյեմբերի 10.
- ↑ «Jack Hadjinian Announces Bid for Montebello City Council». Asbarez. 2011 թ․ օգոստոսի 10.
- ↑ 6,0 6,1 Sprague, Mike (2014 թ․ նոյեմբերի 25). «Montebello installs Jack Hadjinian as its first Armenian mayor». Whittier Daily News.
- ↑ «Home». vanessadelgado2018.com. Արխիվացված է օրիգինալից 2022 թ․ մարտի 13-ին. Վերցված է 2023 թ․ օգոստոսի 25-ին.
- ↑ Sprague, Mike (2020 թ․ նոյեմբերի 3). «Election results: Montebello voters again seek change on City Council». Whittier Daily News.
- ↑ «Montebello's recall is on: Supporters have OK to get signatures against Delgado, Hadjinian». 2018 թ․ օգոստոսի 9.