* Մասնագիտական կարիերայում ընդգրկված են միայն առաջնության խաղերը և գոլերը:
Զուրաբ Պոպխաձե (վրաց.՝ ზურაბ თამაზის ძე ფოფხაძე, ), վրացի ֆուտբոլիստ, պաշտպան։ Հայտնի է Սամարայի «Կռիլյա Սովետովի», Նիժնի Նովգորոդի «Լոկոմոտիվի», ինչպես նաև Վրաստանի ազգային հավաքականի կազմում անցկացրած ելույթներով:
Վրացական ֆուտբոլային դպրոցի սան է։ Մինչև 12 տարեկան հաճախել է պարի խմբակ, բայց արդյունքում ընտրել է ֆուտբոլը։ Մեծացել է ֆուտբոլային ընտանիքում․ հայրը խաղացել է Վրաստանի առաջնությունում, եղբայրը՝ Քութայիսի «Տորպեդոյում» և «Գուրիայում»։ 1991 թվականին Զուրաբը, նրա հայրը և հորեղբայրը խաղացել են մեկ թիմում՝ Թելավիի «Կախեթում» և առաջին վրացական լիգայից անցել են բարձրագույն: Զուրաբի ֆուտբոլի գլխավոր ուսուցիչը եղել է Ռևազ Ձոձուաշվիլին։ 1997 թվականին սկսել է խաղալ Ռուսաստանում՝ պայմանագիր կնքելով Սամարայի «Կռիլյա Սովետովի» հետ։ Նա իրեն դրսևորել է որպես ուժեղ, անզիջում պաշտպան, որը կարող էր գնդակը խլել առանց ֆոլի։ Ավելի ուշ դարձել է թիմի ավագ, սակայն 200 թվականին ցածր մարզավիճակի պատճառով վարձավճարով ուղարկվել է Նիժնի Նովգորոդի «Լոկոմոտիվին»։ Մրցաշրջանի ավարտից հետո մեկ տարվա պայմանագիր է կնքել «Կռիլյա Սովետովի» հետ, սակայն արդյունքում թիմում չի ամրապնդել իր տեղը։ 2001 թվականին խաղացել է «Ալանիայում», ապա «Կրիվբասում» և «Մետալուրգ-Կուզբասում»։ 1998-99 թվականներին 4 խաղ է անցկացրել Վրաստանի հավաքականի կազմում ԵԱ-2000 ընտրական փուլում։
2013 թվականին հունվարի 15-ին Պոպխաձեին կախված են գտել Շրոմա գյուղում։[1][2]։ Ենթադրություններ կան, որ նա ինքնասպան է եղել ընտանիքում եղած կոնֆլիկտի պատճառով[3]։