ՄԱԿ-ի եվրոպական մոդել

Միավորված ազգերի եվրոպական մոդել (EuroMUN), ուսանողների կողմից կազմակերպվող ամենամյա գիտաժողով, որի ընթացքում մասնակիցները վերարտադրում են ՄԱԿ-ի մարմինների և համաշխարհային քաղաքականության այլ ընտրված ֆորումների աշխատանքը։

Համաժողովը տեղի է ունենում ամեն տարի մայիսին մաաստրիխտական ցուցահանդես-կոնֆերենց կենտրոնում (MECC) Մաաստրիխտում, Նիդերլանդներում։ Համաժողովը կազմակերպվում է Միավորված ազգերի կազմակերպության Մաաստրիխտի Ուսանողական միության կողմից։

Պատմություն[խմբագրել | խմբագրել կոդը]

Առաջին համաժողովը կազմակերպել են մի խումբ արտասահմանցի ուսանողներ 2008 թվականին։ Դրանից հետո ՄԱԿ-ի եվրոպական մոդելը (EuroMUN) դարձավ Եվրոպայում ՄԱԿ-ի համաժողովի՝ համալսարանական մակարդակի մեծությամբ երկրորդ մոդելը։ ՄԱԿ-ի Եվրոպական մոդելը կազմակերպվում և անցկացվում է գիտական տարբեր բնագավառների և ոլորտների ներկայացուցիչ օտարերկրյա ուսանողների խմբի կողմից։ Հիմնականում կազմակերպվում է Մաաստրիխտի համալսարանի ուսանողների կողմից։

2011 թվականին ՄԱԿ-ի եվրոպական մոդելին մասնակցել է 53 ազգության շուրջ 550 մասնակից աշխարհի ավելի քան 110 բուհերից և համալսարաններից։

Ձեռքբերումներ[խմբագրել | խմբագրել կոդը]

EuroMUN 2008, առաջին համաժողովը տեղի է ունեցել Մաաստրիխտի համալսարանի շենքում^[1]։
EuroMUN 2010, մասնակիցների թվի կտրուկ աճի արդյունքում համաժողովը տեղափոխվեց Մաաստրիխտի ցուցահանդեսների և կոնֆերանսների կենտրոն (MECC):
EuroMUN 2011, համաժողովի հիմնական զեկուցողը Ֆրանս Թիմմերմանսն էր (Frans Timmermans)։ Նա Լիմբուրգում Իսրայելի Պատվավոր հյուպատոս Բենուա Ուեսլիի (Benoit Wesley) հետ միասին հանդիպել է Միացյալ Իսրայելի պատվիրակության հետ, որպեսզի ցույց տա, որ մշակութային բազմազանության նկատմամբ համբերատարության և հանդուրժողականության կարելի է հասնել ամենուր^[2]։