Կտավ

Վիքիպեդիայից՝ ազատ հանրագիտարանից
Փայտե շրջանակի վրա ձգված կտավ

Կտավ, քաթան, պաստառ, 1. նեղ (40—60 սմ), համեմատաբար կոպիտ, տնայնագործական գործվածք, պատրաստվում է վուշի մանվածքաթելերի քաթանային միահյուսումից։ Կտավ են անվանում նաև քաթանային և մանրանախշավոր միահյուսվածքի վուշե և կիսավուշե սրբիչի նեղ (45—50 սմ) գործվածքները։ 2. Մանվածքային արտադրության, ինչպես նաև չգործված և լմած թաղիքե իրերի պատրաստման կիսաֆաբրիկատ։ 3. Արվեստում. գործվածք, որի վրա ստեղծվում է յուղաներկ (սակավ՝ սոսնձաներկով, տեմպերայով) գեղանկարչական աշխատանք։ Նկար (սովորաբար կտավի վրա նկարված), փոխաբերական առումով՝ լայն ընդգրկում ունեցող գեղարվեստական ստեղծագործություն։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png