Կոլոմբո

Վիքիպեդիայից՝ ազատ հանրագիտարանից
Քաղաք
Կոլոմբո
කොළඹ; கொழும்பு
Colombo2.jpg
6°55′00″ հս. լ. 79°50′00″ ավ. ե. / 6.916667° հս. լ. 79.833333° աե. ե.
Երկիր Շրի Լանկա Շրի Լանկա
Մակերես 37,31 կմ²
Բարձր. ծովի մակ-ից 1 մ
Բնակչություն 672 743 մարդ (2007)
Խտություն 17 212 մարդ/կմ²
Ագլոմերացիա 5 648 000
Ժամային գոտի UTC+5:30
Հեռախոսային կոդ +94 11
Պաշտոնական կայք www.cmc.lk
##Կոլոմբո (Շրի Լանկա)
Red pog.png

Կոլոմբո (սինգալերեն՝ Կալամբու, անգլերեն և պորտուգալերեն՝ Colombo), Շրի Լանկայի մայրաքաղաքը։ Գտնվում է Շրի Լանկա կղզու արևմտյան ափին։ Երկրի տնտեսական և մշակութային գլխավոր կենտրոնն է, նավահանգիստը։ Երկաթուղային և ավտոճանապարհների հանգույց է, օդանավակայան։ 611 հազար բնակչություն (1978թ․)։ Միջին դարերում կոչվել է Կոլոնտոտա և կարևոր առևտրական կենտրոն է եղել Հնդկական օվկիանոսի ավազանում։ XVI-XVII դդ. պորտուգալացիները, ապա հոլանդացիները վերածել են ռազմական ամրոցի։ 1796-ին զավթել են անգլիացիները և դարձրել Ցեյլոն գաղութի վարչական կենտրոնը։ 1948-ից՝ Ցեյլոն պետության, 1972-ից՝ Շրի Լանկա Հանրապետության մայրաքաղաքը։ Կոլոմբոյում և շրջակայքում է կենտրոնացած երկրի արտադրական ձեռնարկությունների կեսից ավելին։ Զարգացած է սննդի և թեթև արդյունաբերությունը, նավանորոգումը, կաուչուկի վերամշակությունը։ ՍՍՀՄ օգնությամբ (1967-68 թթ․) կառուցվել է ավտոդողերի գործարան, մետալուրգիական գործարանի գլանման արտադրամաս, աղացէլնատոր։ Ունի համալսարան, Վիդյալանկարա բուդդայական համալսարան, տեխնիկայի, գեղեցիկ արվեստների քոլեջներ, գիտահետազոտական ինստիտուտներ, հանրային գրադարան, ազգային թանգարան։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png