Կարեն Խաչատրյան

Վիքիպեդիայից՝ ազատ հանրագիտարանից
Կարեն Խաչատրյան
Հիմնական տվյալներ
Ծնված սեպտեմբերի 19, 1920
Մոսկվա
Խորհրդային Սոցիալիստական Հանրապետությունների ՄիությունԽՍՀՄ
Վախճանված հուլիս 19, 2011
Մոսկվա
ՌուսաստանՌուսաստան
Ժանրեր Դասական երաժշտություն
Մասնագիտություն Կոմպոզիտոր

Կարեն Սուրենի Խաչատրյանը (1920 թ-ի սեպտեմբերի 19,Մոսկվա,ԽՍՀՄ - 2011 թ-ի հուլիսի 19, Մոսկվա, Ռուսաստան) հայազգի կոմպոզիտոր է, թատերական գործիչ, ռեժիսոր, Մոսկվայում հայկական դրամատիկական ստուդիայի հիմնադիր Սուրեն Խաչատրյանի և Սառա Դունաևա-Խաչատրյանի ընտանիքում։ [1]

Կենսագրություն[խմբագրել]

Կարեն Խաչատրյանը ծնվել է 1920 թ-ին։ Արամ Խաչատրյանի եղբորորդին է։ 1950 թվականին ավարտել է Մոսկվայի կոնսերվատորիայի ստեղծագործական բաժինը, 1952 թվականին՝ ասպիրանտուրան։

Ստեղծագործություններ[խմբագրել]

Հիմնական ստեղծագործություններն են ջութակի և դաշնամուրի համար, թավջութակի և դաշնամուրի համար սոնատները, երեք գործողությունով Չիպոլինո բալետը (1974)։ Գրել է բալետ («Չիպոլինո», 1972 թ., ՍՍՀՄ պետական մրցանակ, 1976), օպերետ («Պարզ աղջիկը», բեմադրվել է 1959 թ.), օրատորիա («Պատմության մի ակնթարթ», 1971 թ.) և այլն։ Կարեն Խաչատրյանի գրչին են պատկանում նաև երկու աֆրիկյան պետությունների՝ Զանզիբարի (1964 թ-ից Տանզանիայի կազմում կիսանկախ հանրապետություն[2]) և Սոմալիի հիմները[3]։

Պարգևներ և կոչումներ[խմբագրել]

  • 1976 թ-ին «Չիպոլինո» բալետի բեմադրման համար արժանացել է ԽՍՀՄ պետական պարգևի,
  • 1981 թ-ին արժանացել է ՌՍՖՍՀ-ի ժողովրդական արտիստ կոչմանը,
  • 1995 թ-ին պարգևատրվել է Ռուսաստանի դաշնության Բարեկամության շքանշանով,
  • 1999 թ-ին արժանացել է Մոսկվայի քաղաքապետի մրցանակին,
  • 2000 թ-ին պարգևատրվել է Ռուսաստանի դաշնության Պատվո շքանշանով,
  • 2007 թ-ին պարգևատրվել է Ռուսաստանի դաշնության Հայրենիքի համար մատուցած ծառայության IV աստիճանի շքանշանով,
  • 2011 թ-ի մարտի 6-ին ստացել է Ռուսաստանի դաշնության նախագահի պատվոգիր[4]։

Ծանոթագրություններ[խմբագրել]

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png