Կատալինա Թոմաս
| Կատալինա Թոմաս | |
|---|---|
 | |
| Ծնվել է | մայիսի 1, 1531 |
| Ծննդավայր | Վալդեմոսա, Մալյորկա, Balearic Islands, Իսպանիա |
| Մահացել է | ապրիլի 5, 1574 (42 տարեկան) |
| Մահվան վայր | Պալմա դե Մալյորկա, Իսպանիա |
| Գերեզման | Església de Santa Magdalena |
| Քաղաքացիություն |  Արագոնյան թագ |
| Կրոն | Հռոմի Կաթոլիկ եկեղեցի |
| Մասնագիտություն | միանձնուհի |
 Caterina Tomàs i Gallard Վիքիպահեստում | |
Կատալինա Թոմաս (իսպ.՝ Catalina Tomas, անգլ.՝ Catherine Tomas), մայիսի 1, 1531, Վալդեմոսա, Մալյորկա, Balearic Islands, Իսպանիա - ապրիլի 5, 1574, Պալմա դե Մալյորկա, Իսպանիա), Հռոմի Կաթոլիկ եկեղեցու տեղական սուրբ, միանձնուհի, միստիկ[1][2]։
Կենսագրություն[խմբագրել | խմբագրել կոդը]
Կատալինան եղել է որբ, դաստիարակվել է հորեղբոր տանը (հորական կողմից), որտեղ ունեցել է ծանր մանկություն։ Հորեղբոր տանն աշխատել է որպես սպասուհի և կովարած։ Վաղ դեռահասության տարիքում եղել է հավատացյալ և ցանկացել անցնել կրոնական կյանքի։ 12 տարեկանում դիմել է Սբ․ Մագդալենայի վանք՝ միանձնուհու կյանք վարելու խնդրանքով։ Ստանալով մերժում (որպես մերժման պատճառ նշված էր նրա անչափահասությունը)՝ նստել է քարի վրա, որը պահպանվում է մինչ օրս, և հայտարարել, որ չի իջնի քարի վրայից, քանի դեռ նրան չեն ընդունի մենաստան։ Ավելի ուշ, սուրբը միացել է Պալմա դե Մալյորկայի սուրբ Մարիամ Մագդաղենացու վանքի սուրբ Օգոստինոս Երանելու միանձնուհիների խմբին։
Աղջիկը երազում տեսել է բազմաթիվ հոգևոր երազներ, որոնց ընթացքում նրան երազ են եկել հրեշտակները, Անտոնիո Պադովացին և Եկատերինա Ալեքսանդրիացին։ Կատալինան եղել է միստիկ և մարգարե։ Նա մտել է տրանսի մեջ, երբեմն մի քանի օր, և ինչպես հետո ինքն է ասել՝ կռվել է սև ուժերի դեմ։ Այդպիսի «մարտերից» հետո առաջացած վերքերը բուժել են եղբայրներ Կոսմա և Դամիան սրբերը։ Կյանքի վերջին տարիներին Կատալինան գրեթե միշտ եղել է տրանսի մեջ։ Կարողացել է կանխագուշակել իր մահը։ Սուրբ պաշտպանում է ծովային հիվանդություններից։
Համարվում է Վալդեմոսա քաղաքի պահապանը։ Տեղի բնակիչներն իրենց տան պատերին փակցնում են Կատալինայի կյանքի դրվագները պատկերող կերամիկական պատկերներ։ Նրա տան մոտ կառուցվել է ժամատուն, որն իբր ունի բուժիչ կարողություններ։
Տոնակատարություններ[խմբագրել | խմբագրել կոդը]
1792 թվականին Հռոմի Պիոս VI պապի կոնդակով Կատալինա Թոմասը դասվել է սրբերի շարքը, որը կանոնացվել է միայն 1930 թվականին Հռոմի Պիոս XI պապի կողմից։
Սրբերի տոնը նշվում է ամեն տարի ապրիլի 5-ին, իսկ Վալդեմոսայում՝ հուլիսի 27-ին և 28-ին։
Ծանոթագրություններ[խմբագրել | խմբագրել կոդը]
- ↑ «Saint Catherine of Palma». CatholicSaints.Info. Վերցված է 2015 թ․ դեկտեմբերի 13-ին.
- ↑ Dunbar, Agnes B.C. (1904). «B. Catherine (15) Tomas». A Dictionary of Saintly Women. George Bell and sons. էջ 163.
Գրականություն[խմբագրել | խմբագրել կոդը]
- Pere Riutort Mestre: Santa Caterina Tomàs, la santa pagesa, Centro De Pastoral Liturgic, ISBN 84-9805-132-0