Կաստալյայի ամրոց
Նկարագրություն | |
Տեսակ | դղյակ և հուշարձան |
Հասցե | Կալլե Բաջադա Սանգրե 3Ա, Կաստալլա, Ալիկանտե, Իսպանիա (ՓՈՍՏ 03420) |
Վարչական միավոր | Castalla?[1][2] |
Երկիր | Իսպանիա |
Համալիրի մաս | Ալիկանտեի մշակութային ժառանգություն |
Կառուցված | 11-րդ դար |
Ընթացիկ վիճակ | կանգուն |
Վերահսկվում է | R-I-51-0011103 |
Castell de Castalla Վիքիպահեստում |
Կաստալյայի ամրոց (իսպ.՝ Castillo de Castalla), ամրություն է, որ գտնվում է Իսպանիայի Վալենսիայի տարածաշրջանի Ալիկանտե պրովինցիայի Կաստալլա բնակավայրում՝ ծովի մակերևույթից 780 մ բարձրության վրա։ Իրենից ներկայացնում է մուսուլմանական պաշտպանական կառույց, որը կառուցվել է 11-րդ դարում։ Այն իրենից ներկայացնում էր փոքրիկ պաշտպանողական կառույց, որի մնացորդները գրեթե չեն պահպանվել։ Ամրոցն ընդգրկվել է Իսպանիայի մշակութային ժառանգությունների ցանկում R-I-51-0011103 գրանցման համարի ներքո։
Կառույցը գտնվում է բլրի վրա՝ Վերդե գետի մոտ։ Ներկայիս տեսքը իրենից ներկայացնում է միջնադարյան և նոր ժամանակների ոճերի խառնուրդ։
Պատմություն[խմբագրել | խմբագրել կոդը]
1245 թվականին Ջեյմ 1-ին Նվաճողը (ծնվել է 1213 թվականին և մահացել է 1276 թվականին) հարձակվում է ամրոցի վրա։ Վալենսիայի տարածաշրջանի արաբների ու բերբերների առաջնորդ Աբու Զայդը ժողովրդի ճնշման շնորհիվ առանց պայքարի հանձնում է շրջափակված ամրոցը, որը հետագայում մնում է նոր ստեղծված Վալենսիայի թագավորությանը։
Նկարագրություն[խմբագրել | խմբագրել կոդը]
Ամրոցը բաղկացած է երեք մասից՝ մեծարման աշտարակից (այլ անվանումն է Գրոսսա), պարսպաշարից և պալատից[3]։
Պարսպաշար[խմբագրել | խմբագրել կոդը]
Պարսպաշարը պահպանում է մեծ տարածություն, որում գտնվում էին պալատը, աշտարակները։ Ունի ձգված տեսք, որը պայմանավորված է տեղանքի ռելիեֆից։ Գլխավոր պատը կառուցվել և ավարտվել է 16-րդ դարում։ Պատերը ատամնավոր տեսք ունեն։
Աշտարակ[խմբագրել | խմբագրել կոդը]
Մեծարման աշտարակը կառուցվել է 16-րդ դարում` 1597 թվականին։ Այն գտնվում է պարսպաշարից ներս՝ կենտրոնական հատվածում։ Ունի շրջանաձև հատակագիծ և ատամնավոր թագ։ Աշտարակի գլխավոր ֆունկցիան հսկել Միջերկրական ծովով Բալեարյան կղզիների ծովահենների առաջխաղացմանը խոչընդոտելն է։
Պալատ[խմբագրել | խմբագրել կոդը]
Կառուցված 14-ից 15-րդ դարերում։ Երկու շրջանաձև աշտարակներով, ուղղանկյուն հատակագծով երկարավուն շինություն է։ Նրա հիմքում գտնվում է պահեստը։
Այլ տեղեկատվություն[խմբագրել | խմբագրել կոդը]
1929 թվականին ամրոցի Գրոսսա աշտարակի (իսպ.՝ Torre Grossa) վրա կանգնեցվել է քարե արձան Հիսուսի տեսքով։ Արձանը ունեցել է 7 մ բարձրություն և գտնվել է 5 մ բարձրություն ունեցող պատվանդանի վրա։ Քաղաքացիական պատերազմի ժամանակ արձանը քանդվել է։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կաստալյայի ամրոց կատեգորիայում։ |