Կառլոս V (Սրբազան Հռոմի կայսր)

Վիքիպեդիայից՝ ազատ հանրագիտարանից
(Վերահղված է Կառլոս Vից)
Կառլոս V-ը:

Կառլոս V (իսպ.՝ Carlos I (V), լատ.՝ Carolus V, հոլ.՝ Karel V, գերմ.՝ Karl V., ֆր.՝ Charles V; 1500 թ., փետրվարի 24 (1500-02-24), Գենտ, Ֆլանդրիա - սեպտեմբերի 21, 1558 (58 տարեկան), Յուստե, Էստրեմադուրա), Գերմանիայի, Իսպանիայի, Սրբազան Հռոմեական կայսրության թագավոր և կայսր 1519 թվականից 1556 թվականներին։ Հաբսբուրգների դինաստիայից։ XVI-րդ դար-ի մեծագույն քաղաքական գործիչներից մեկը։ Հաբսբուրգների դինաստիայից։ Նրա ողջ քաղաքականությունը նպատակամղված էր «համաշխարհային քրիստոնեական միապետություն» ստեղծելու հետադիմական ծրագրի իրականացմանը։ Կառլոս V-ի բացարձակապետական քաղաքականությունը առաջ է բերել ապստամբություններ Իսպանիայում և Նիդերլանդներում։ Մղել է բազմաթիվ պատերազմներ Ֆրանսիայի և Օսմանյան կայսրության դեմ։ Գործելով Արևմտյան Եվրոպայի համար պատմականորեն շրջադարձային ժամանակաշրջանում, Կառլոս V-ի քաղաքականությունը կրել է հետադիմական բնույթ, ուղղված է եղել քայքայվող ֆեոդալիզմի ու դարն ապրած պետականության ձևերն ամրապնդելու նպատակին։ Կառլոս V-ը նաև վերջին անձավորությունն էր, ով իրեն հռչակեց հռոմեական կայսր և նշեց իր տրիումֆը Հռոմում։