Կանաչ Հրվանդան

Վիքիպեդիայից՝ ազատ հանրագիտարանից
Կաբո-Վերդեի Հանրապետություն
República de Cabo Verde
Կաբո-Վերդեի դրոշ Կաբո-Վերդեի զինանշանը
Նշանաբան՝
Unidade, Trabalho, Progresso (Միասնություն, Աշխատանք, Զարգացում)
Հիմն՝
Cântico da Liberdade
Կաբո-Վերդեի դիրքը
Մայրաքաղաք Պրայա
Ամենամեծ քաղաք մայրաքաղաք
Պետական լեզու(ներ) պորտուգալերեն, կրիոլու
Կառավարում Խորհրդարանական հանրապետություն
 -  Նախագահ Ժորժ Կառլուշ Ֆոնսեկա
 -  Վարչապետ Հոսե Մարիա Նեվես
Անկախություն Պորտուգալիայից 
 -  Ճանաչում հուլիսի 5 1975 
Տարածք
 -  Ընդհանուր 4033 կմ² 
Բնակչություն
 -  2013 նախահաշիվը 499,000 (165րդ)
 -  Խտություն 123.7 /կմ² 
325 /մղոն²
ՀՆԱ (ԳՀ) 2013 գնահատում
 -  Ընդհանուր $2.305 միլիարդ[1] 
 -  Մեկ շնչի հաշվով $4,313.478[1] 
ՀՆԱ (անվանական) 2013 գնահատում
 -  Ընդհանուր $2.109 միլիարդ[1] 
 -  Մեկ շնչի հաշվով $3,946.171[1] 
ՄԶՀ (2012) Green Arrow Up Darker.svg 0.586 (միջին) (132րդ)
Դրամական միավոր Կաբո-Վերդեի էսկուդո (CVE)
Ժամային գոտի WAT
 -  Ամռանը (DST) CVT (UTC-1)
Ինտերնետ .cv
Հեռախոսային կոդ +238

Կաբո-Վերդեի Հանրապետություն - (մինչև 1986 թվականը Կանաչ Հրվանդանի Կղզիներ) հանրապետություն կղզիների վրա, որն գտնվում է Ատլանտյան օվկիանոսում Աֆրիկայի արևմտյան ափից 620 Կմ հեռու։ Մինչև 1975-ը Պորտուգալիայի տիրույթն էր, 1975-ի հուլիսի 5-ից անկախ պետություն է։ Ընդգրկում է 10 խոշոր և 8 մանր կղզիներ (Սանտու Անտան, Բոավիշտա, Սան Նիկոլաու, Սանտյագու, Ֆոգու, Սան Վիսենտե, Սանտա-Լուզիա, Սալ, Բռավա, Մայու և այլն)։ Կղզիները երիտասարդ հրաբխային գոյացումներ են՝ մինչքեմբրի բյուրեղային հիմքով։ Ափերը բարձրադիր են, ժայռոտ։ Ռելիեֆը լեռնային է։ Կան հրաբխային բազմաթիվ կոներ, խառնարաններ և կալդերաներ; Ամենաբարձր կետը Ֆոգու գործող հրաբուխն է (2829 մ)։ Կլիման արևադարձային է, պասսատային։ Միջին ամսական ջերմաստիճանը 22°C -ից 27°C է, քիչ քանակությամբ տեղումներ։ Բուսականությունը անապատային և կիսաանապատային է։ Կենդանական աշխարհն աղքատ է։ Բնակիչները մեծ մասը կազմում են կրեոլները, կան նաև աֆրիկացիներ և պորտուգալացիներ։ Պաշտոնական լեզուն պորտուգալերենն է, տարածված է կրեոլերենր։ Գյուղատնտեսությամբ զբաղվում է բնակչության 50% ։ Մշակում են եգիպտացորեն, բակլա, քաղցր կարտոֆիլ, սիսեռ, կարմիր տաքդեղ, լոլիկ, սուրճ, բանան, շաքարեղեգ, գետնընկույզ, ծխախոտ, մանգո։ Զբաղվում են նաև անասնապահությամբ։ Զարգացած են տնայնագործական արհեստները։ Գլխավոր նավահանգիստը Մինդելուն է։ Ունեն 2 միջազգային օդանավակայան։ Արտահանում է ձուկ և ձկան պահածոներ, աղ, կավ և բազալտ։ Դրամական միավորը էսկուդոն է։

Նշումներ[խմբագրել]

  1. 1,0 1,1 1,2 1,3 «Cape Verde»։ International Monetary Fund։ http://www.imf.org/external/pubs/ft/weo/2008/02/weodata/weorept.aspx?sy=2004&ey=2008&scsm=1&ssd=1&sort=country&ds=.&br=1&c=624&s=NGDPD%2CNGDPDPC%2CPPPGDP%2CPPPPC%2CLP&grp=0&a=&pr.x=53&pr.y=5։ Վերցված է 2008-10-09։ 
Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png