Ավարտել է Լենինգրադի ռազմատեխնիկական ուսումնարանը (1926), Ն․ Ե․ Ժուկովսկու անվան ռազմաօդային ինժեներական ակադեմիայի ինժեներների կատարելագործման կուրսերը (1949)։ 1920 թ.-ին կամավոր մտել է կարմիր բանակ։ 1926 թ.-ից ծառայել է Սևծովյան նավատորմի ռազմաօդային ուժերում, որի կազմում էլ 1941-1945 թթ.-ին, որպես ավիաէսկադրիլիայի ավագ ինժեներ, մասնակցել է Հայրենական մեծ պատերազմին։ Պատերազմից հետո եղել է Սևծովյան նավատորմի ռազմաօդային ուժերի համակարգում։ 1968 թ.-ին զորացրվել է։ Պարգևատրվել է Լենինի, Կարմիր դրոշի 3, Կարմիր աստղի 3 շքանշաններով։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 121)։