Մարգո Լեբլանի մայրը հաղթում է Մոնտե Կառլոյիխաղատանը։ Նրա հաջողությամբ ոգևորված՝ աղջիկը որոշում է նույնպես փորձել իր ուժերը խաղասեղանի շուրջ, բայց հաջողությունը երես է թեքում նրանից, և Մարգոն պարտվում է մինչև վերջին ցենտը։ Նրա մոտ չի մնում անգամ սննդի գումար, և, սովից տանջահար, փորձում է նկարիչ Հյու Կիլդերի գրպանները մաքրել։ Նա բռնում է Մարգոյին գողության ժամանակ, բայց լսելով նրա տխուր պատմությունը, առաջարկում է իր տան տնտեսուհին դառնալ։ Նա ընդունում է առաջարկը։
Այդ ժամանակ Մոնտե Կարլո է ժամանում պրոֆեսոր Դյուրանը՝ Կիլդերի հոր ընկերը։ Նա պլանավորում է խափանել բանկը ծրագրի միջոցով, որը մշակվել էր իր կողմից՝ մաթեմատիկայի օրենքների հիման վրա։ Նման ձևով նա ցանկանում է վրեժ լուծել խաղատնից, որը, իր կարծիքով, իր միակ որդու մահվան մեղավորն էր։ Մի քանի անգամ հաղթելով, պրոֆեսորն իր գաղտնիքով կիսվում է Կիլդերի հետ։ Դժբախտաբար, այդ մասին իմանում են գանգստերները։ Նրանք սպառնում են սպանել Մարգոյին, եթե նկարիչը նրանց չասի Դյուրանի համակարգի սկզբունքը։ Գործին խառնվում է ոստիկանությունը և ձերբակալում է ավազակներին, իսկ Կիլերը և Մարգոն հասկանում են, որ սիրում են իրար։
Poisoned Paradise: The Forbidden Story of Monte Carlo Վիքիպահեստում
