Զվարթնոց-ԱԱԼ

	Զվարթնոց-ԱԱԼ
Ամբողջական անուն	Футбольный клуб «Звартноц Армянские Авиалинии» Ереван
Հիմնադրում	1997
Երկիր	Հայաստան
Քաղաք	Երևան
Մարզադաշտ	«Զվարթնոց», Երևան
Տարողունակություն	2000
Նախագահ	Արթուր Կարապետյան
Մարզիչ	Սամվել Ղասաբողլյան
Կայք	Պաշտոնական կայք
Լիգա	—
2002	7-րդ տեղ Պրեմիեր լիգայում
Տան դաշտ	Մրցակցի դաշտ

«Զվարթնոց-ԱԱԼ» ֆուտբոլային ակումբ, հայկական նախկին ֆուտբոլային ակումբ Երևան քաղաքից։ Հիմնադրվել է 1997 թվականին^[1] և կոչվել Երևանի «Զվարթնոց» օդանավակայանի անունով, որը եղել է ակումբի պաշտոնական հովանավորը։

Նախկին անվանումներ[խմբագրել | խմբագրել կոդը]

1997-1999 – «Զվարթնոց» Երևան
1999-2003 – «Զվարթնոց-ԱԱԼ» Երևան

Պատմություն[խմբագրել | խմբագրել կոդը]

Հայկական ֆուտբոլի պատմության մեջ արդեն եղել էր «Զվարթնոց» անունով ակումբ Էջմիածին քաղաքից։ Երևանի «Զվարթնոցը» հիմնադրվել է 1997 թվականին՝ առաջնությունից առաջ։ Առաջին մրցաշրջանում ակումբն զբաղեցրել է իններորդ տեղը տասը թիմերի շարքում, ընդ որում՝ վերջին տեղը գրաված «Արմավիր» ակումբը հեռացվել էր 7-րդ փուլից հետո։ Սակայն հաջորդ մրցաշրջանում իրավիճակը փոխվել է, և թիմն զբաղեցրել է առաջին հորիոզնականը մրցաշարային աղյուսակում՝ երկրորդ տեղն զբաղեցրած թիմից առաջ անցենլով 12 միավորով և չկրելով ոչ մի պարտություն։ Այդպիսով 1999 թվականին ակումբն անցել է Հայաստանի Պրեմիեր լիգա։

1999 թվականի մրցաշրջանն ակումբն սկսել է նախկին անունով, ինչից հետո նրա անվանն ավելացվել է ԱԱԼ հապավումը (Армянские авиалинии, Հայկական ավիաուղիներ), որը եղել է նրա հիմնական հովանավորը հիմնադրումից ի վեր։ Այդ տարին «Զվարթնոց-ԱԱԼ» ակումբն ավարտել է չորրորդ հորիզոնականում։ 2000 թվականին ակումբի գլխավոր մարզիչ է դարձել Սամվել Ղասաբողլյանը։ Նրա գլխավորությամբ թիմն զբաղեցրել է 5-րդ տեղն առաջնությունում, ինչպես նաև հասել Հայաստանի գավաթի խաղարկության եզրափակիչ, որտեղ զիջել է Աշտարակի «Միկա» ակումբին։ Առաջնությունում ակումբն իր լավագույն արդյունքին հասել է 2001 թվականին, երբ զբաղեցրել է երկրրոդ հորիզոնակնաը՝ նվաճելով ՈՒԵՖԱ գավաթի խաղարկությանը մասնակցելու իրավունք։

2002 թվականին ակումբը երկրորդ անգամ հասել է երկրի գավաթի խաղարկության եզրափակիչ, որտեղ 0:2 հաշվով պարտվել է Երևանի «Փյունիկին», ինչպես նաև զբաղեցրել է յոթերորդ տեղը առաջնությունում։ 2003 թվականին ակումբը ֆինանսական խնդիրների պատճառով հրաժարվել է առաջնությունը և գավաթի խաղարկությանը մասնակցելուց, իսկ ավելւ ուշ լուծարվել է։

Ելույթների վիճակագրություն[խմբագրել | խմբագրել կոդը]

Հայաստանի առաջնություններ և գավաթի խաղարկություն[խմբագրել | խմբագրել կոդը]

Մրցաշրջան	Լիգա	Տեղ	Խ	Հ	Ո	Պ	Խ	+/-	Մ	Ռմբարկուներ	Գավաթ	Նշումներ
1997	Առաջին լիգա	9	16	3	2	11	12-43	-31	11	?	-	-
1998	01 1	24	21	3	0	92-18	74	66	?	1/8	-
1999	Պրեմիեր լիգա	4	32	16	6	10	50-38	12	54	Արթուր Քոչարյան (11)	1/4	-
2000	Պրեմիեր լիգա	5	28	11	8	9	44-41	3	41	Մհեր Ավանեսյան (15)	02 Ե	_{ՀՖՖ գործողությունների հետ համաձայն չլինելու պատճառով ակումբը բոյկոտել է վերջին երկու փուլերի խաղերը։ Այդ պատճառով թիմը հեռացվել է առաջնությունից և նրա տեղն աղյուսակում պայմանական է։}
2001	Պրեմիեր լիգա	02 2	22	16	0	6	52-21	31	48	Սարգիս նազարյան (11)	1/4	-
2002	Պրեմիեր լիգա	7	22	10	2	10	57-29	28	32	Սարգիս Նազարյան (10)	02 Ե	-
2003—մ.հ.	չի մասնակցել	-	-	-	-	-	-	-	-	-	-	_{Ակումբը հրաժարվել է 2003 թվականի առաջնությանը մասնակցելուց ֆինանսական պատճառներով։}