Ելենա Հակոբյան
| Ելենա Հակոբյան | ||
|---|---|---|
| Անձնական տեղեկություն | ||
| Սեռ՝ | իգական | |
| Մասնագիտացում՝ | բիաթլոնիստ և լողորդ | |
| Երկիր՝ |  ԽՍՀՄ և  Ուկրաինա | |
| Ծննդյան ամսաթիվ՝ | հոկտեմբերի 4, 1969 (54 տարեկան) | |
| Ծննդավայր՝ | Ենակիևո, Դոնեցկի մարզ, Ուկրաինական ԽՍՀ, ԽՍՀՄ | |
Պարգևներ       և  | ||
Ելենա Հրաչիկի Հակոբյան (հոկտեմբերի 4, 1969, Ենակիևո, Դոնեցկի մարզ, Ուկրաինական ԽՍՀ, ԽՍՀՄ), ուկրաինացի մարզուհի, լողի պարալիմպիկ խաղերի չեմպիոն և բազմակի մրցանակակիր, դահուկավազքի և բիաթլոնի Ձմեռային պարալիմպիկ խաղերի կրկնակի մրցանակակիր։ Ուկրաինայի սպորտի վաստակավոր վարպետ (1998)։ Պարգևատրվել է «Արժանիքների համար» I, II և III աստիճանի շքանշանով[1][2][3] և «Օլգա» II և IIІ աստիճանի շքանշանով[4][5]։
Կենսագրություն[խմբագրել | խմբագրել կոդը]
Ելենա Հակոբյանը ծնվել է 1969 թվականի հոկտեմբերի 4-ին Ենակիևո քաղաքում։ Մանկության տարիներին նրա նախասիրությունները երաժշտությունն ու սպորտն էին։ 14 տարեկանում ընդունվել է Բելգորոդի երաժշտական ուսումնարան։ Բելգորոդում նրա վրա ավազակային հարձակում է տեղի ունեցել, և նա մեջքի շրջանում դանակի հարված է ստացել, որը թույլ չի տվել նրան ինքնուրույն տեղաշարժվել առանց սայլակի։ Չնայած անհնար էր առողջությունն ամբողջությամբ վերականգնել, սակայն Ելենա Հակոբյանն ավարտել է երաժշտական ուսումնարանը, որից հետո ընդունվել է ֆիզիկական կուլտուրայի և սպորտի Դնեպրոպետրովսկի պետական ինստիտուտ։
Սպորտային կարիերա[խմբագրել | խմբագրել կոդը]
Զբաղվել է աթլետիկայով, դահուկավազքով, բիաթլոնով, բայց ի վերջո լողը ընտրել է որպես իր հիմնական մասնագիտություն։ Սկզբում մարզվել է Յուրի Վդովիչենկոյի ղեկավարությամբ, 2001-2005 թվականներին՝ Մարինա և Օլեգ Կուզմինների մոտ, 2005 թվականից նրա հետ աշխատել է Լեոնիդ Մանգերը։ Ատլանտայի պարալիմպիկ խաղերում 50, 100 և 200 մետր ազատ ոճում նվաճել է երեք արծաթե մեդալ։ Սիդնեյի պարալիմպիկ խաղերում նա կրկին եռակի արծաթե մեդալակիր է եղել նույն սպորտաձևերում։ Աֆինայի պարալիմպիկ խաղերում ավելի հաջող է ներկայացել, որտեղ կարողացել է դառնալ չեմպիոն 50 մետր լողում։
Անձնական կյանք[խմբագրել | խմբագրել կոդը]
2008 թվականին Ելենա Հակոբյանն ամուսնացել է և ավարտել իր մարզական կարիերան։ 2010 թվականին երկու երեխա է ունեցել[6]։
Ծանոթագրություններ[խմբագրել | խմբագրել կոդը]
- ↑ Указ Президента України № 1189/2000 від 02.11.2000 «Про нагородження переможців та призерів XI Параолімпійських ігор»
- ↑ Указ Президента України № 201/98 від 18 березня 1998 року «Про відзначення нагородами України спортсменів, які успішно виступили на зимових Параолімпійських іграх 1998 року в м. Нагано»
- ↑ Указ Президента України № 776/96 від 30.08.1996 «Про нагородження Почесною відзнакою Президента України»
- ↑ Указ Президента України № 909/2008 від 7 жовтня 2008 року «Про відзначення державними нагородами України спортсменів, тренерів та фахівців національної збірної команди України серед спортсменів-інвалідів на XIII літніх Паралімпійських іграх»
- ↑ Указ Президента України № 1260/2004 від 19.10.2004 «Про відзначення державними нагородами України членів національної збірної команди України серед спортсменів-інвалідів на ХІІ літніх Паралімпійських іграх»
- ↑ Вітання Олені Акопян(ուկր.)
| ||||||
