Դավիթ Բաղդասարյան
Դավիթ Բաղդասարյան | |
---|---|
Ծնվել է | մայիսի 3, 1988 (35 տարեկան) |
Ծննդավայր | Հերհեր, Մարտունու շրջան, Ադրբեջանական ԽՍՀ, ԽՍՀՄ |
Կրթություն | Արցախի պետական համալսարան |
Մասնագիտություն | քաղաքական գործիչ |
Դավիթ Կարենի Բաղդասարյան (մայիսի 3, 1988, Հերհեր, Մարտունու շրջան, Ադրբեջանական ԽՍՀ, ԽՍՀՄ), արցախցի քաղաքական գործիչ, Արցախի Հանրապետության Ազգային ժողովի «Միասնական Հայրենիք» կուսակցության պատգամավոր։
Կենսագրություն[խմբագրել | խմբագրել կոդը]
Դավիթ Բաղդասարյանը ծնվել է 1988 թվականի մայիսի 3-ին, Արցախի Հանրապետության Մարտունու շրջանի Հերհեր գյուղում։
2005 թվականին ավարտել է Ստեփանակերտի թիվ 5 միջնակարգ դպրոցը։ 2011 թվականին ավարտել է Արցախի պետական համալսարանի տնտեսաիրավաբանական ֆակուլտետի «Հաշվապահական հաշվառում և աուդիտ» բաժինը։ 2006-2008 թվականներին ժամկետային ծառայության է անցել Արցախի Հանրապետության Պաշտպանության բանակում։
2010-2014 թվականներին եղել է ԱՁ «Համլետ Համբարձումյան» և ՍՊԸ «Հայր և որդի Համբարձումյաններ» մենեջեր և գանձապահ։ 2016-2017 թվականներին որպես ոստիկան աշխատել է Արցախի Հանրապետության ոստիկանությունում[1]։
2017-2019 թվականներին եղել է «Ֆիդես հիփոթեքային ընկերություն» ՈւՎԿ ՓԲԸ մոնիթորինգի, անվտանգության և ներքին հսկողության մասնագետ։
2020 թվականի մարտի 31-ին խորհդարանական ընտրություններում «Միասնական Հայրենիք» կուսակցության համամասնական ցուցակով Դավիթ Բաղդասարյանը ընտրվել է Արցախի Հանրապետության 7-րդ գումարման Ազգային ժողովի պատգամավոր։
Ամուսնացած է, ունի երկու զավակ։