Արտակ Գուլյան

Արտակ Գուլյան
Ծնվել է	սեպտեմբերի 1, 1937(1937-09-01) (86 տարեկան)
Ծննդավայր	Քերթ, ԼՂՀ Մարտունու շրջան
Քաղաքացիություն	ԼՂՀ
Կրթություն	Երևանի պետական համալսարան (1967)
Գիտական աստիճան	կենսաբանական գիտությունների դոկտոր
Մասնագիտություն	ընտրասերումնաբան

Արտակ Ասծատուրի Գուլյան (1937, սեպտեմբերի 1, Քերթ, ԼՂՀ Մարտունու շրջան), հայ ընտրասերումնաբան։ Կենսաբանական գիտությունների դոկտոր (1999)։

Կենսագրություն

1967 թվականին ավարտել է Երևանի պետական համալսարանը։ 1967 թվականից աշխատել է ՀԽՍՀ գյուղատնտեսական նախարարության Երկրագործության և բույսերի պաշտպանության գիտական կենտրոնում, 1993-2001 թվականներին եղել է Ընտրասերման բաժնի վարիչ, 2001-2003 թվականներին ՝ ԼՂՀ «Ակադեմիա» ընկերության հացահատիկային մշակաբույսերի սերմնաբուծության գծով գլխավոր մասնագետ։ 2003 թվականից դասավանդում է Արցախի պետական համալսարանում։

Գործունեություն

Աշխատանքները վերաբերում են աշնանացան ցորենի օգտակար մուտանտների, բարձր բերքատու սորտերի ստացմանը և սերմնաբուծությանը։

Երկեր

• Դաշտային մշակաբույսերի սելեկցիա և սերմնաբուծություն, Երևան, 1999։
• Երկրագործություն, Երևան։ Ա. հ., 2009, 229 էջ։
• Գենետիկա, Ստեփանակերտ։ ԱրՊՀ հրատ., 2007, 135 էջ։
• Դաշտային մշակաբույսերի սելեկցիա և սերմնաբուծություն, Ստեփանակերտ։ ԱրՊՀ հրատ., 2006։
• Աշնանացան փափուկ ցորենի սելեկցիայում փորձարարական մուտագենեզի օգտագործման արդյունավետությունը, Երևան, 1999, 235, [6] էջ։