Աբրակադաբրա

Վիքիպեդիայից՝ ազատ հանրագիտարանից

Աբրակադաբրան մոգական խոսք է կամ հմայախոսք, որը ներկայումս օգտագործվում է ձեռնածուների կամ աճպարարների կողմից բեմականացված ֆոկուսների ցուցադրման ժամանակ, և որին հին ժամանակներում բուժիչ կարողություններ էին վերագրում՝ գրելով համայիլների վրա։ Նման համայիլները կամ թալիսմանները հին հայկական ավանդույթներով կոչվում էին նաև շարժմակներ կամ բադնազարներ։

Բովանդակություն

[խմբագրել] Բառի պատմությունը

ԱԲՐԱԿԱԴԱԲՐԱ բառի առաջին հայտնի հիշատակումը եղել է մ.թ. 2-րդ դարում De Medicina Praecepta կոչվող բանաստեղծական գործի մեջ, ձոնված հռոմեական կայսր Կարակալային,[1], որի հեղինակն էր բժիշկ Սերենուս Սամոնիկուսը [2]։ Լինելով Կարակալա կայսեր անձնական բժիշկը, Սերենուս Սամոնիկուսը բանաստեղծական ոճով դեղատոմս էր գրել, որտեղ բացատրել էր, որ եռանկյունու տեսքով փորագրված ԱԲՐԱԿԱԴԱԲՐԱ բառով համայիլ կրողը կբուժվի իր հիվանդությունից [1]

Ա - Բ - Ր - Ա - Կ - Ա - Դ - Ա - Բ - Ր - Ա
Ա - Բ - Ր - Ա - Կ - Ա - Դ - Ա - Բ - Ր
Ա - Բ - Ր - Ա - Կ - Ա - Դ - Ա - Բ
Ա - Բ - Ր - Ա - Կ - Ա - Դ - Ա
Ա - Բ - Ր - Ա - Կ - Ա - Դ
Ա - Բ - Ր - Ա - Կ - Ա
Ա - Բ - Ր - Ա - Կ
Ա - Բ - Ր - Ա
Ա - Բ - Ր
Ա - Բ
Ա

Նա ասում էր, իբր այս համայիլը նվազեցնում է հիվանդ մարդու վրա հիվանդության ոգու ունեցած ազդեցությունը։ Հայտնի է, որ այլ հռոմեական կայսրեր, այդ թվում Պուբլիուս Սեպտիմիուս Գետան [3] և Ալեքսանդր Սիվերուսը [4], Սերենուս Սամոնիկուսի բժշկական ուսմունքների հետևորդներն են եղել և ամենայն հավանականությամբ նույնպես օգտվել են այս հմայախոսքից։

[խմբագրել] Բառի ծագումնաբանությունը

Կան ենթադրություններ, որ բառը սեմական ծագում ունի.[5]

Ըստ 1911 թ. Էնսայքլոփիդիա Բրիտանիկա [6] հանրագիտարանի բառը կիրառվել է որպես մոգական բանաձև [7] Բասիլիդես [8] աղանդի գնոստիկների [9] կողմից, որով նրանք ոգեկանչել են բարերար ոգիների օգնությունը հիվանդությունների և փորձանքների դեմ։ Այն գտնվել է աբրաքսաս [10] կոչվող մոգական քարերի վրա, որոնց մարդիկ կրում էին որպես հմայական պահպանակներ կամ թալիսմաններ։ Հետագայում բառը կորցրել է գնոստիկների կողմից օգտագործված նախնական նշանակությունը և օգտագործվել ավելի շուտ նսեմացնող իմաստով (օրինակ էվոլյուցիայի տեսության վաղ շրջանի հակառակորդների կողմից), նշանավորելով մի հայեցակարգ կամ հիպոթեզ, որը փորձում է հասարակ լուծում առաջարկել ակնհայտորեն անլուծելի երևույթների համար, կամ մի բան, որն իբր իմաստալից հնչողություն ունի, բայց անհասկանալի է ու անհեթեթ։

[խմբագրել] Բառի ժամանակակից գործածումը

Մեր ժամանակներում բառը սովորաբար օգտագործվում է որպես բեմական հմայախոսք աճպարարների կամ նրանց կրկնօրինակող երգիծաբանների կողմից։

Աբրակադաբրա բառը արամերեն կամ արամեական լեզվով հնչում է. «Ավրահ քեդաբրա», և մոտավոր բառացի թարգմանությամբ նշանակում է «Ասելով արարում եմ»։

[խմբագրել] Տես նաև

[խմբագրել] Ծանոթագրություններ

  1. ↑ http://en.wikipedia.org/wiki/Caracalla
  2. ↑ http://en.wikipedia.org/wiki/Serenus_Sammonicus
  3. ↑ http://en.wikipedia.org/wiki/Publius_Septimius_Geta
  4. ↑ http://en.wikipedia.org/wiki/Alexander_Severus
  5. ↑ Michael Quinion, World Wide Words
  6. ↑ http://en.wikipedia.org/wiki/1911_Encyclop%C3%A6dia_Britannica
  7. ↑ http://en.wikipedia.org/wiki/Magical_formula
  8. ↑ http://en.wikipedia.org/wiki/Basilides
  9. ↑ http://en.wikipedia.org/wiki/Gnostic
  10. ↑ http://en.wikipedia.org/wiki/Abraxas_stones

[խմբագրել] Աղբյուրները

  1. Michael Quinion, World Wide Words
  2. Abracadabra Robert Todd Carroll, Skeptic's Dictionary
  3. Գագիկ Արծրունի. "Դիցարան հայոց" հանրագիտարանային բառարան (Արամազդ մատենաշար գիրք1), Երևան, 2003

[խմբագրել] Արտաքին հղումներ

Ստացված է «http://hy.wikipedia.org/w/index.php?title=Աբրակադաբրա&oldid=651281» էջից
Անձնական գործիքներ
Անվանատարածքներ

Տարբերակներ
Գործողություններ
Նավարկում
Մասնակցել
Գործիքներ
Այլ լեզուներով