Սրբոց Հրեշտակապետաց եկեղեցի (Ջգրաշեն)

Անվան այլ կիրառումների համար տե՛ս՝ Սրբոց Հրեշտակապետաց եկեղեցի (այլ կիրառումներ)

Սրբոց Հրեշտակապետաց եկեղեցի (Ջգրաշեն)
Եկեղեցի
Տեղադրություն	Նինոծմինդայի շրջան, Ջգրաշեն
Աշխարհ	Վրաստան
Կրոնադավանանք	Հայ Առաքելական եկեղեցի
Ճարտարապետություն
Կարգավիճակ	Կանգուն
Կառուցման սկիզբ	1850-ական

Սրբոց Հրեշտակապետաց եկեղեցի, Հայ Առաքելական եկեղեցի Նինոծմինդայի շրջանի Ջգրաշեն գյուղում։

Պատմություն

Սրբոց Հրեշտակապետաց եկեղեցին հիշատակվում է 1850-ական թվականների վավերագրերում։ Այն ծառայել է 1829-1830-ական թվականներին Կարնո գավառի մի քանի գյուղերից փոխադրված հայ ընտանիքներին։ Երկար տարիներ գտնվել է կիսաքանդ վիճակում։ Եկեղեցին վերանորոգվել է 2012 թվականին բարերար Արսեն Քսպոյանի կողմից։ Վերանորոգված եկեղեցին օծվել է 2012 թվականի նոյեմբերի 11-ին Հայ առաքելական ուղղափառ սուրբ եկեղեցու վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի և Սամցխե-Ջավախքի թեմի ընդհանուր առաջնորդական փոխանորդ Տեր Բաբգէն աբեղա Սալբիյանի կողմից։