Կենտրոնախույս ուժ
Կենտրոնախույս ուժ, ուժ, որով շարժվող նյութական կետն ազդում է այդ կետի շարժման ազատությունը սահմանափակող և կետը կոր հետագծի վրա պահող մարմնի (կապի) վրա։ Կենտրոնախույս ուժը թվապես հավասար է mv2/r, որտեղ m-ը կետի զանգվածն է, v-ն՝ արագությունը, r-ն՝ հետագծի կորության շառավիղը, և ուղղված է հետագծի գլխավոր նորմալով (շրջանագծային շարժման դեպքում՝ շառավղորեն)։
Կենտրոնախույս և կենտրոնաձիգ ուժեր[խմբագրել | խմբագրել կոդը]
Կենտրոնախույս ուժը և կենտրոնաձիգ ուժը՝
- ի հայտ են գալիս միաժամանակ
- թվապես հավասար են
- ուղղված են միևնույն ուղղով
- ունեն հակառակ ուղղություններ
- ազդում են տարբեր մարմինների վրա որպես ազդման և հակազդման ուժեր։
Կենտրոնաձիգ ուժն ազդում է շարժվող կետի, իսկ կենտրոնախույս ուժը՝ կետի ազատ շարժումը սահմանափակող մարմնի վրա։
|
Սա Ֆիզիկայի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 377)։ 
|