Ինչո՞ւ ցեղասպանություն

Ինչո՞ւ ցեղասպանություն
	Գրքի շապիկը (2013)
Հեղինակ	Աշոտ Աբգարյան
Ժանր	մենագրություն
Թեմա	ցեղասպանություն
Բնօրինակ լեզու	հայերեն
Էջեր	152 էջ
Կազմի հեղինակ	Լուսինե Դաշտոյան
Երկիր	Հայաստան
Հրատարակման վայր	Երևան
Հրատարակիչ	Անտարես
Հրատարակման տարեթիվ	2013
ԳՄՍՀ	978-9939-51-463-5
ՀՏԴ	941 (479.25)
ԳՄԴ	63.3 (2Հ) 52

«Ինչո՞ւ ցեղասպանություն», 2013 թվականին «Անտարես» հրատարակչության հրատարակած Աշոտ Աբգարյանի մենագրությունը։ Առաջաբանը՝ Վահրամ Մարտիրոսյանի։ 152 էջ։ Գիրքը նվիրված է Գայանե Բաբայանի հիշատակին։

Գիրքը բաղկացած է առաջաբանից, տասը մասերից, անվանացանկից։

Գրքի հանձնարարականը[խմբագրել | խմբագրել կոդը]

Գրքում հանրամատչելի ձևով, բայց փաստական հիմնավոր տվյալներով ու վերլուծություններով մեկնաբանվում է 19-րդ դարավերջի և 20-րդ դարասկզբի հայ քաղաքական մտքի և կուսակցությունների գործունեության այն դրսևորումներն ու սխալները, որոնք, ըստ հեղինակի, ի վերջո հանգեցրին Հայոց մեծ եղեռնին, և որոնց մասին մեզանում ընդունված չէ բացեիբաց խոսել։ Հանրահայտ փաստերն ու իրողությունները քննվում են բոլորովին այլ հայացքով, որը, բանավիճային լինելով հանդերձ, օգնում է ավելի մոտենալ ճշմարտությանը^[1]։

Կարծիքներ գրքի մասին[խմբագրել | խմբագրել կոդը]

Աշոտ Աբգարյանի «Ինչո՞ւ ցեղասպանություն» գիրքը դյուրընթեռնելի է, այն համակարգված ներկայացնում է հետաքրքիր պատմական տեղեկություններ, որոնք հայտնի են եղել միայն մասնագիտական նեղ շրջանակների, իսկ գլուխների սկզբում սեղմ բովանդակությունը ներկայացնող կառուցվածքը հիշեցնում է մեր մանկության գրավիչ արկածային գրականությունը։ Այս ուսումնասիրությունն ինքնին կարևոր է սթափ ազգային ինքնավերլուծություն ու ինքնաքննադատություն դրսևորելու և դրանցով առաջնորդվելու կենսական անհրաժեշտության տեսանկյունից։

- Վահրամ Մարտիրոսյան

Մենք հեշտ ենք շռայլում փառքի լուսապսակներ, մենք սիրում ենք արժևորել ընթացքը և շատ քիչ՝ հետևանքը, ու այդ պատճառով՝ հաղթանակները միշտ մեր անձնազոհության ու հայրենասիրության արդյունքն են, պարտություններն ու զոհերը՝ թշնամական դիտավորության, միմիա՛յն։ Աշոտ Աբգարյանի «Ինչո՞ւ Ցեղասպանություն» գիրքը օգնում ու մղում է սթափ լինել պատմությունը գնահատելիս, օգնում է պատասխանել անգամ այսօրվա բազմաթիվ ԻՆՉՈ՞Ւ-ներին…^[2]

- Արքմենիկ Նիկողոսյան