Թթվային թիվ

Թթվային թիվ, մեծություն, որը բնորոշում է թթուների համարժեք քաշը, ինչպես նաև ազատ թթվի պարունակությունը ճարպերում, բուսական յուղերում, մոմում, խեժերում և այլ նյութերում։ Թթվային թիվը արտահայտում է $KOH$-ի անհրաժեշտ քանակը միլիգրամներով, որը ծախսվում է 1 գ հետազոտվող նյութը չեզոքացնելու համար։

Թթվային թիվ $=5,61$ ա/բ, որտեղ ա–ն 0,1 նորմալանոց $KOH$-ի քանակն է միլիլիտրերով՝ ծախսված տիտրման համար, բ-ն՝ վերցված նյութի քանակը գրամներով։ Չեզոքացումը կատարվում է $KOH$-ի ջրային կամ սպիրտային լուծույթով, ֆենոլֆթալեինի ներկայությամբ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 185)։