Գոռ Գրիգորյան
| Գոռ Բաբկենի Գրիգորյան | |
|---|---|
 | |
| 1990 դեկտեմբերի 26 - օգոստոսի 1, 2014 (տարիքը 23) | |
| Ծննդավայր | Արմավիրի մարզի Ջանֆիդա |
| Մահվան վայր |  Արցախ |
| Ծառայության տարիներ | 2008 - 2014 |
| Կոչում | լեյտենանտ |
| Հրամանատարն էր | դասակի հրամանատար |
| Պարգևներ | «ՀՀ ԶՈՒ 20-ամյակ» հուշամեդալ, «Մարտական ծառայության» մեդալ |
Գոռ Բաբկենի Գրիգորյան (1990, դեկտեմբերի 26 - 2014, օգոստոսի 1), հայ սպա, զոհվել է օգոստոսի 1-ին․ Ղարաբաղա-ադրբեջանական շփման գծի հյուսիսային հատվածում մարտական հերթապահություն իրականացնելիս[1][2]։
Կենսագրություն
[խմբագրել | խմբագրել կոդը]Գոռ Գրիգորյանը ծնվել է 1990 թվականի դեկտեմբերի 26-ին Արմավիրի մարզի Ջանֆիդա գյուղում։ 2008 թվականին ավարտել է տեղի միջնակարգ դպրոցը, եվ նույն տարում ընդունվել է ՀՀ Վազգեն Սարգսյանի անվան ռազմական ինստիտուտ։ Ավարտելով ռազմական ինստիտուտը՝ 2012 թվականին ստացել է լեյտենանտի կոչում և ծառայությունը սկսել է ԼՂՀ ՊԲ-ում։
Գոռ Բաբկենի Գրիգորյանը զոհվել է 2014 թվականի օգոստոսին ԼՂՀ սահմանի վրա մարտական ծառայության ժամանակ[3]։
Նա ունի մեկ քույր և եղբայր, մայրը ուսուցչուհի է, հայրն էլ հողագործությամբ է զբաղվում[2]։
Պարգևներ
[խմբագրել | խմբագրել կոդը]Ծառայության ընթացքում պարգևատրվել է «ՀՀ ԶՈՒ 20-ամյակ» հուշամեդալով և հետմահու՝ Մարտական ծառայության մեդալով[4]։
Գոռ Գրիգորյանի հուշարձանը
[խմբագրել | խմբագրել կոդը]Գոռի հիշատակը հավերժացնող հուշաքար է տեղադրվել հայրենի գյուղում՝ ընկերների կողմից։ «Արմավիրի մարզի երիտասարդական նախաձեռնությունների կենտրոն» ՀԿ-ն ՀՀ նախագահի գործընկեր կազմակերպության՝ Հայաստանի երիտասարդական հիմնադրամի հայտարարած դրամաշնորհային մրցույթի շրջանակներում իրականացրեց «Կյանք՝ հանուն կյանքի» ծրագիրը և Գոռի ծննդավայրում տեղադրվեց նրա կիսանդրին[5][6]։
Ծանոթագրություններ
[խմբագրել | խմբագրել կոդը]- ↑ Հայկական զինուժի կորուստները 2014-ի հուլիսին. Ռազմինֆո
- ↑ 2,0 2,1 «Հակառակորդի դիվերսիայի ժամանակ զոհված 23-ամյա Գոռի մասին քչերը իմացան, բայց նա իր կյանքը տվեց երկրի եւ հայրենակիցների պաշտպանության համար». Արխիվացված է օրիգինալից 2014 թ․ օգոստոսի 10-ին. Վերցված է 2015 թ․ հունվարի 10-ին.
- ↑ «Գոռ Գրիգորյան». Արխիվացված է օրիգինալից 2016 թ․ մարտի 10-ին. Վերցված է 2015 թ․ հունվարի 7-ին.
- ↑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇՔԱՆՇԱՆՈՎ ԵՎ ՄԵԴԱԼՈՎ ՊԱՐԳԵՎԱՏՐԵԼՈՒ ՄԱՍԻՆ
- ↑ Բացվեց Գոռ Գրիգորյանի հիշատակը հավերժացնող հուշաքար. «Գոռը սիրում էր հայրենիքն ու մեծ հպարտությամբ խոսում իր զինվորների մասին»
- ↑ ՀՀ նախագահը պարգևատրել է հակառակորդի դիվերսիան կասեցնելիս զոհված զինծառայողներին