Դիտել Բլիչ էջի աղբյուրը

{{անաղբյուր}}

{{Տեղեկաքարտ Անիմե}}

'''Բլիչը''' ({{lang-jp|}} ブリーチ), ճապոնական մանգա-սերիալ է՝ գրված և պատկերազարդված Տայտո Քուբոյի կողմից։ Բլիչը նկարագրում է Կուրոսաքի Իչիգոյի արկածներն այն բանից հետո, երբ նա ձեռք է բերում Հոգի ուղեկցողի ({{lang-jp|}} 死神 Շինիգամի, բառացի՝ «մահվան աստված») ուժը մեկ այլ Հոգու ուղեկցող Րուքիա Կուչիկիից։ Նրա նոր բացահայտված ուժը ստիպում է նրան ընդունել մարդկանց չար հոգիներից պաշտպանելու ու մոլորված հոգիներին անդրաշխարհ ուղեկցելու պարտականությունները։

Բլիչը թողարկվել է ճապոնական [[մանգա]]-անթոլոգիա [[Weekly Shōnen Jump]]-ում [[2001]] թվականի օգոստոսից ու հավաքվել է շուրջ 63 տանկոբոն հատորներում [[2014]]-ի մայիսի դրությամբ։ Դրա հրապարակումից հետո Բլիչը նյութ է դարձել մեդիա-ֆրենչայզների, որոնց մեջ են մտնում անիմացիոն հեռուստասերիալը, որը թողարկել է [[Studio Pierrot]]-ն Ճապոնիայում 2004-2012 թթ., երկու օրիգինալ վիդեո-անիմացիաները, չորս անիմացիոն գեղարվեստական ֆիլմերը, տասը ռոք-[[մյուզիքլներ]] ու բազմաթիվ վիդեո-խաղեր, ինչպես նաև այլ՝ Բլիչին նվիրված ապրանքներ։

[[2006]] թվականի մարտի 15-ին Viz Media-ն ձեռք բերեց Բլիչ անիմեի՝ արտասահմանյան հեռուստատեսության ու տնային վիդեոյի տարածման իրավունքը։ [[Cartoon Network]]-ի [[Adult Swim]]-ը սկսեց հեռարձակել Բլիչն [[ԱՄՆ]]-ում [[2006|2006 թ.]]-ի սեպտեմբերի 9-ից։ [[Viz Media]]-ն լիցենզավորել է մանգան [[ԱՄՆ]]-ում ու [[Կանադա]]յում [[անգլերեն]] լեզվով թողարկման համար ու թողարկել է 60 հատորներ [[2014]] թ.-ի ապրիլի դրությամբ, ինչպես նաև հրապարակել է Բլիչի գլուխներ [[Shonen Jump]] ամսագրում [[2007]] թ.-ի նոյեմբերից։ Viz Media-ն թողարկել է Բլիչ առաջին ֆիլմ «Բլիչ։ Ոչ ոքի հիշողությունները» DVD-ով Հյուսիսային Ամերիկայում 2008 թ.-ի հոկտեմբերի 14-ին։ Երկրորդ ֆիլմ «Բլիչ։ Ադամանդե փոշու ապստամբությունը» թողարկվել է [[2009|2009 թ.]]-ի սեպտեմբերի 15-ին։ Երրորդ ֆիլմ «[[Բլիչ։ Դժոխքի դարպասները]]» թողարկվել է [[DVD]] և [[Blu-ray]] տարբերակվենով [[2012|2012 թ.]]-ի [[դեկտեմբերի 4]]-ին։ Ի դեպ, Hulu-ն թողարկել է անիմեի լուսագրերով տարբերակը Ճապոնիայում հեռարձակված ամեն սերիայից մի շաբաթ անց։

[[Ճապոնիա]]յում վաճառվել է Բլիչի շուրջ 82 միլիոն կրկնօրինակ, իսկ [[Հյուսիսային Ամերիկա]]յում այն ամենավաճառվող մանգաներից մեկն է։ Անիմե-ադապտացիան նույնատիպ ընդունման է արժանացել. [[2006]] թվականին այն գնահատվել է որպես 4-րդ ամենահայտնի անիմե-հեռուստասերիալը Ճապոնիայում ու պահպանել իր դիրքերը [[ԱՄՆ]]-ի Թոփ-10 անիմեների շարքում [[2006]]-[[2008]] թվականների ընթացքում։ Սերիալը ստացել է [[Շոկուգան]] մանգայի մրցանակը շոնեն լսարանի համար [[2005]] թ.-ին ու մտնում է Ճապոնիայում ու ԱՄՆ-ում ամենավաճառվող մանգայի ցուցակի մեջ։

== Արտադրությունը ==

Բլիչի գաղափարն առաջին անգամ ծագել է [[կիմոնո]]յով Շինիգամի նկարելու [[Տայտո Քուբո|Տայտոյի]] ցանկությունից, ինչն էլ պատճառ հանդիսացավ Հոգիների ուղեկիցների համազգեստների դիզայնի ու Րուկիա Կուչիկիի կերպարի ստեղծման համար։ Պատմության օրիգինալ մտահղացումը ներկայացվում է [[Weekly Shōnen Jump]]-ում՝ [[Տայտո Քուբո|Քուբոյի]] նախորդ մանգայի՝ [[Zombiepowder]]-ի դադարեցումից քիչ անց, բայց սկզբում մերժվում է։ [[Մանգա]]յի հեղինակ [[Աքիրա Տորիյամա]]ն տեսնում է պատմությունը և ոգևորիչ նամակ գրում Քուբոյին։ Բլիչն ընդունվում է հրապարակման համար քիչ անց՝ [[2001]] թվականին, ու ի սկզբանե ծրագրվում է որպես ավելի կարճ սերիալ, որի ցուցադրումը կտևեր ամենաշատը հինգ տարի։

Պատմության նախնական ծրագրերի մեջ չէր մտնում Հոգիների ընկերության դասակարգային կառուցվածքը, բայց այն ներառել է որոշ կերպարներ ու երևույթներ, որոնք չէին ներկայացվել սյուժեում մինչև Արրանքարի տեսարանը, ինչպիսին է Իչիգոյի՝ Հոգիների ուղեկցի ժառանգությունը։ Սերիալը ի սկզբանե պետք է կոչվեր ''«Սև»''՝ համապատասխան Հոգիների ուղեկիցների շորերի գույնին, բայց Քուբոն մտածեց, որ վերնագիրը շատ ընդհանրական է։ Հետո նա փորձեց այն դարձնի ''«Սպիտակ»'', բայց հավանեց ''«Բլիչ»'' անվանումը՝ սպիտակի հետ դրա կապվածության պատճառով, ու որովհետև դա այնքան էլ ակնհայտ չէր։

Քուբոն Բլիչի տարրերի ստեղծման գործում օգտվել է այլ մանգա-սերիալներից, ինչպես նաև երաժշտությունից, օտար լեզուներից, ճարտարապետությունից ու ֆիլմերից։ Նա բացատրում է իր հետաքրքրությունը դեպի գերբնական երևույթներ ու հրեշներ նկարելը [[Շիգերու Միզուկի]]ի [[ԳեԳեԳե նո Քիտարո]] մանգայով, իսկ Բլիչի կենտրոնացումը հետաքրքիր զենքի ու ճակատամարտների դրվագների վրա՝ [[Մասամի Կուրումադա]]յի [[Սուրբ Սեյա]] [[մանգա]]յով, որը Քուբոն հաճույքով դիտում էր փոքր ժամանակ։ Էքշն ոճը ու պատմողությունը Բլիչում կինոյով ոգեշնչման արդյունք են, չնայած Քուբոն չի առանձնացրել որևէ [[ֆիլմ]], որը լիներ դեպի ճակատամարտային դրվագները ոգեշնչող ստեղծագործություն։ Ճնշման տակ նա ասաց հարցազրույցի ժամանակ, որ նա հավանում էր Սնեչը, բայց չէր կիրառում այն որպես նմուշ։ Քուբոն պնդել է նաև, որ ուզում է դարձնել Բլիչը մի փորձ, որը ստացվում է միայն մանգան կարդալիս, ու անտեսեց սերիալի հիման վրա որևէ էքշն-[[ֆիլմ]] ադապտացիայի ստեղծման գաղափարը։

Բլիչի ստեղծման գործընթացը կենտրոնացած է կերպարի դիզայնի շուրջ։ Սյուժետային զարգացման ընթացքում կամ նոր նյութի ստեղծման ժամանակ դժվարություններ ծագելիս Քուբոն սկսում է հորինել նոր կերպարներ, հաճախ՝ մասսայապես՝ վերընթերցելով նախորդ հատորները։ Նա ասել է, որ իրեն դուր է գալիս այնպիսի կերպարներ ստեղծել, որ ունեն այնպիսի արտաքին, որը չի համապատասխանում կերպարի իրական բնությանը՝ մի տարր, որը նկատվում է Բլիչի շատ կերպարներում, քանի որ նա «կախում ունի այն մարդկանցից, որոնք ունեն այդպիսի հակասական հատկություն», ու համարում է, որ «այդպիսի մարդկանց նկարելու ինչ-որ դրդում է լինում», երբ աշխատում է։ Բլիչում օգտագործված տերմինաբանությունն ունի մի շարք դասակարգումներ, ու կերպարների ամեն կատեգորիան կրում է լեզվաբանական տարբեր թեմատիկա։ Թրերի շատ անվանումներ ու արտասանություններ, որոնք օգտագործվում են Հոգիների ուղեկիցների կողմից, ձևավորվել են ճապոնական գրականության մեջ։ Փուչերն ու Արրաքանները հաճախ կապվում են [[իսպանիա|իսպանական]] տերմինների հետ, որովհետև լեզուն հնչում էր «գայթակղիչ ու փափուկ»։ Նույն կերպ Ֆուլբրայգերների համար. նրանց Ֆուլբրինգն ասոցացվում է [[անգլիա|անգլերեն]] բառարանի հետ, երբ արտահայտվում է նրանց արտադրման ժամանակ կամ դրանից հետո։ Վերջապես, Քվինսիներն ու Բոնդերը ասոցացվում էին [[գերմանիա|գերմաներենի]] հետ՝ դարձնելով Քուբոյի աշխարհի կերպարներին տարբերվող [[ռասա]]ներով ու [[լեզու]]ներով։

== Թեմաները ==

=== Կրոնական ու մշակութային ===
 
[[Վոն Ֆեգինբլատտ]]ը նկարագրում է Բլիչը որպես [[մշակույթ|մշակութապես]] ու [[կրոն]]ապես բազմազան [[մանգա]]։ Դրա սյուժեն ներառում է ավանդական [[ճապոնիա|ճապոնական]] հավատքը [[հոգի]]ներին, որոնք ապրում են մարդկանց հետ զուգահեռ, իսկ նրանց էությունը կախված է հանգամանքներից։ Դրա օրինակ է Օրիհիմեի անցյալը. նրան երեք տարեկանից մեծացրել է եղբայրը՝ Սորան, իսկ ինքը [[աղոթք|աղոթել]] է նրա հոգու հանգստության համար այն բանից հետո, երբ նա մահացավ պատահարում։ Ժամանակ էր անցնում, նա ավելի քիչ էր աղոթում, ու Սորան սկսեց խանդել ու դարձավ Փուչ՝ հարձակվելով Օրիհիմեի վրա։ Դրազենն ասում է, որ սա հիշեցում է լսարանին չլքել հին ձևերը կամ չդիմել ռիսկի՝ վիրավորելով հոգիներին, ու համաշխարհային խնդիրների պատճառ դառնալ։ Բլիչը նաև ներառում է սինտոյական թեմաները՝ «չար ոգիների մաքրումը կախարդանքների, ձեռագրերի և այլ ծեսերի միջոցով»։ Մանգան անդրադառնում է նաև [[քրիստոնեություն|քրիստոնեությանն]] ու [[Կարիբյան Սանթերիա]]յին։ [[իսպանիա|Իսպանական]] տերմինները լայն տարածված են [[Հուեքո Մունդո]]յի տարածքում, այսինքն՝ աշխարհի անդունդում, իսկ դրա սպաները Էսպադաներն են, որ բառացի նշանակում է «թուր»` [[իսպանիա|իսպաներենից]]։ Քուբոն ասում է, որ տերմիններն ընտրել է, որովհետև դրանք գայթակղիչ ու փափուկ» էին հնչում նրա համար։

Հայտնի է, որ Քվինսիներն ու Բոնդերը ասոցացվում էին [[գերմանիա|գերմաներենի]] հետ՝ դարձնելով Քուբոյի աշխարհը տարբերակված [[ռասա]]ներով ու [[լեզու]]ներով։ [[Վոն Ֆիգենբլատտ]]ը նշում է, որ Քվինսիներին ստեղծելիս «բացահայտ երևում է, որ հեղինակը ոգեշնչվել է [[քրիստոնեություն|քրիստոնեական]] ասպետական միաբանություններով, ինչպիսիք են [[Մալթայի ինքնիշխան միաբանություն]]ն ու [[Աստծո գերեզմանի Հեծելազորային միաբանություն]]ը, որոնց ազդեցությունը երևում է Քվինսիների կրած համազգեստից, ինչպես նաև խաչի խորհրդանիշից։ Հոգիների ուղեկիցների թրերի անուններից ու արտասանություններից շատերը ծագել են հնագույն ճապոնական գրականությունից։

=== Կերպարները ===

[[Տայտո Քուբո]]ն սիրում է այնպիսի կերպարներ ստեղծել, որոնք ունեն արտաքին, որը չի համապատասխանում իրական բնությանը։

Օրիհիմեի կերպարը ընդհանուր կերպար է, որին գովել են ու քննադատել իր արտաքինի համար։ Նրա կերպարը պատմության ընթացքում «մեծ կրծքերով դատարկագլխից» փոխվել է, բայց այն ձևը, ինչպես նա օգտագործում էր իր ուժը, ընկալվել է որպես կարծրատիպային։

Րուքիան ի սկզբանե պետք է լիներ սերիալի քարոզողը, բայց կերպարի վաղ ձևավորման արդյունքը տարբերվեց։ [[Տայտո Քուբո|Քուբոն]] նկարեց Րուքիային՝ հիմնվելով [[Շինիգամի]]ի կոնցեպտի վրա ու ուզում էր, որ նա համապատասխանի Շինիգամիի հնչեղ անվանը։ Անվան ընտրությունը եղել է միտումնավոր. վերջապես, որոշվել է Կուչիկի ({{lang-jp|}} 朽木, բառ.` ''«փտած ծառ»'') ազգանունը, իսկ անունը [[կոսմոս]] ծաղկի [[լատիներեն]] անվանումն է, որը լատիներենում նշանակում է «լույս»։

Քուբոն համարում է նրան «լույսի ճառագայթ Իչիգոյի համար»։ Րուքիայի անգլերեն հնչունավորողը գտնում էր, որ Րուքիան «փրկված» է, քանի որ ի սկզբանե նա շատ միայնակ էր և հետագայում անիմե-սերիալի ընթացքում շատ է փոխվել, քանի որ սկսել է վստահել մարդկանց։ [[Մելիսսա Հարպեր]]ը նշում է, որ Րուքիան կարծրատիպային շոնեն կերպար չէ. Րուքիայի ուժի կորուստն ու Իչիգոյից անմիջական կախումը «հաղորդման մեջ դրամատիկ ու կատակերգական շատ լավ աղբյուր է»։ [[Կառլոս Ալեքսանդրե]]ն ասում է.
{{քաղվածք| [Րուքիան] ոչ այնքան Իչիգոյի հակադրությունը, որքան [[մեդալի]] թարս երեսն է»։}}

== Մեդիա ==

=== Մանգա ===

Բլիչի գլուխները գրված ու պատկերազարված են [[Տայտո Քուբո]]յի կողմից։ [[Ճապոնիա]]յում նրանք հրատարակվել է [[Shueisha]]-ի [[Weekly Shōnen Jump]]-ում [[2001]] թվականից, իսկ առանձին գլուխներ հավաքվում էին [[տանքոբոն]] հատորների մեջ, որոնցից յուրաքանչյունի մեջ է մտնում ոտանավոր, որը հիմնված է շապիկի կերպարի վրա։ Առաջին հատորը հրատարակվել է [[2002]] թվականի [[հունվարի 5]]-ին, իսկ [[2014]] թ.-ի [[մայիսի 2]]-ի դրությամբ հրատարակվել է 63 հատոր։ Բլիչ սերիալի տասներորդ տարեդարձը նշելու համար [[Shueisha]]-ն թողարկել է առաջին 21 հատորները, որոնք ներառված էին վեց հավաքացուներին մեջ` «[[Հարություն առած հոգիներ]]» խորագրով։ Առաջին հավաքածու «[[Հարություն առնող հոգիներ 1]]»-ը թողարկվել է [[2011|2011 թ.]]-ի [[օգոստոսի 22]]-ին. վերջինը լույս է տեսել [[2012|2012 թ.]]-ի [[հունվարի 23]]-ին։

[[հյուսիսային ամերիկա|Հյուսիսամերիկյան]] հրատարակիչ [[Viz Media]]-ն թողարկել է առանձին գլուխները [[Shonen Jump]]-ում [[Հյուսիսային Ամերիկա]]յում [[2007]]-ի նոյեմբերից։ [[2014|2014 թ.]]-ի ապրիլի 1-ի դրությամբ թողարկվել է 60 գլուխ։ [[Անգլերեն]] առաջին հատորը թողարկվել է [[2004]] թ.-ի [[հունիսի 1]]-ին։ [[2008|2008 թ.]]-ի [[օգոստոսի 5]]-ին ընկերությունը թողարկել է պինդ շապիկով «կոլեկցիոների հրատարակությունը», որի մեջ էր մտնում հատուկ շապիկով առաջին հատորը, առաջին 21 հատորները, պոստեր և սերիալի մասին բուկլետ, ինչպես նաև հատուկ փաթեթ, որ թողարկվել է [[2008]] թ.-ի [[սեպտեմբերի 2]]-ին։ [[Viz Media]]-ն սկսեց վերաթողարկել սերիալը` «Երեքը մեկում հրատարակություն» անունով, [[2011|2011 թ.]]-ի [[հունիսի 7]]-ից. [[2014|2014 թ.]]-ի [[մայիսի 6]]-ի դրությամբ թողարկվել է ութ հատոր։

Բլիչի պրեմիերայից հետո շուրջ 500 գլուխ թողարկվել է [[Ճապոնիա]]յում։ Գլուխների անվանումների մեծ մասը գրվել է [[անգլերեն]] և ունեցել է ճապոնական կատականման գրվածքի վերևում, որպեսզի բացատրվի, թե ինչպես է այն արտասանվում [[ճապոներեն]]ում, ինչը նման է [[ֆուրիգանա]] նշանների կիրառմանը [[քանջի]]ների վերևում։ Հիմնական գլուխներից բացի` թողարկվել են հակադիր համարներով գլուխներ։ Այս հարկադիրները հավելյալ պատմություններ են, որոնք ներառում են իրադարձություններ, որոնք նախորդել են սերիալի սյուժեի ընթացքին։

[[Viz Media]]-ն թողարկել է առաջին 16 թվային հատորները [[անգլերեն]]ով [[2011]]-ի [[հունիսի 17]]-ին։ [[2014]] թ.-ի [[ապրիլի 1]]-ի դրությամբ թողարկվել է 60 թվային հատոր։ [[2012|2012 թ.]]-ի [[սեպտեմբերի 21]]-ին [[Shueisha]]-ն թողարկել է 45 թվային հատոր ճապոնական էլ-գրքերի սրահում։ [[2013]] թ.-ի [[դեկտեմբերի 4]]-ի դրությամբ թողարկվել է 61 թվային հատոր։ Սերիալի թվային հրատարակությունները վերաթողարկվել են 10 հատորի հավաքածուով [[2013]] թ.-ի [[ապրիլի 26]]-ից. [[2014]] թ.-ի [[մարտի 13]]-ի դրությամբ թողարկվել է վեց հավաքածու։

=== Անիմե ===
[[Մանգա]]յի հիման վրա համանուն [[անիմե]]-սերիալը նկարվել է [[Studio Pierrot]] ստուդիայի կողմից և թողարկվել [[2004]] թ.-ի [[հոկտեմբերի 5]]-ից [[2012]] թ.-ի [[մարտի 27]]-ը ճապոնական [[TV Tokyo]] հեռուստաընկերությամբ։ Այն բաղկացած է 366 սերիաներից` ներառյալ 111 սերիա, որ հիմնված չէ մանգայի վրա։ [[Ռեժիսոր]]ն է [[Նորիյուկի Աբե]]ն։ [[Կանադա]]կան [[YTV]] ալիքով անիմեի անգլալեզու առաջին տարբերակը հեռարձակվել է [[2006|2006 թ.]]-ի [[սեպտեմբերի 8]]-ից, իսկ [[Մեծ Բրիտանիա]]յում հեռարձակումը սկսվել է [[2007|2007 թ.]]-ի [[սեպտեմբերի 13]]-ից [[Anime Central]]-ով։ [[Animax Asia]]-ով [[անգլերեն]] դաբավորված տարբերակը մեկնարկել է [[2009]] թ.-ի [[դեկտեմբերի 18]]-ին` առաջին 52 սերիաներով։ [[2014]] թ.-ի [[ապրիլի 28]]-ից սկսվել է սերիալի 13-րդ եթերաշրջանի թողարկումը։ [[Ռուսաստան]]ում անիմեի թողարկումով զբաղվում է «[[Մեգա-Անիմե]]» ընկերությունը, որը լիցենզիան ստացել է [[2007|2007 թ.]]-ի [[հոկտեմբերի 12]]-ին։ [[2010]] թ.-ի [[դեկտեմբերի 21]]-ից սերիալը սկսել է թողարկվել ռուսական [[2x2]] ալիքով։ Անիմեի 366-րդ սերիան, որ ցուցադրվել է [[2012|2012 թ.]]-ի [[մարտի 27]]-ին, [[TV Tokyo]]-ով ցուցադրված վերջին սերիան է եղել։

[[2012]] թ.-ի [[հունվար]]ին [[Aniplex]]-ը [[Ճապոնիա]]յում թողարկեց 76 [[DVD]]-ներից բաղկացած հավաքածու, իսկ [[Viz Media]]-ն թողարկեց 32 [[DVD]]-ներից բաղկացած [[անգլերեն]] ադապտացիան, որ ներառում է անիմեի առաջին 7 եթերաշրջանները։

«Բլիչ» անիմեն պատմում է Իչիգո Կուրոսակիի արկածների մասին այն բանից հետո, երբ նա ձեռք է բերում շինիգամիների ուժերը։ Իր այդ ուժերի միջոցով նա իր վրա է վերցնում մարդկանց` չար ոգիներից պաշտպանությունը և մահացած [[ոգի]]ներին [[անդրշիրիմյան աշխարհ]] առաջնորդելը։ Անիմե-ադապտացիայի սյուժեն իր մեջ պարունակում է գծեր, որ բացակայում են մանգայում։ [[2004]] թ.-ից [[2012]] թ.-ը թողարկվել է 366 սերիա։ Անիմեն թարգմանվել է բազմաթիվ լեզուներով` ներառյալ [[իսպաներեն]], [[ֆրանսերեն]], [[գերմաներեն]], [[պորտուգալերեն]] ու [[տագալոգ]], և ցուցադրվել [[Իսպանիա]]յում, [[Արգենտինա]]յում, [[Վենեսուելա]]յում, [[Մեքսիկա]]յում, [[Կոլումբիա]]յում, [[Բրազիլիա]]յում, [[Սինգապուր]]ում և այլուր։ Ծրագրված է, որ անիմեն կշարունակվի առանց ֆիլլերների անմիջապես այն բանից հետո, երբ մանգայի վերջին տեսարանը կանցնի անիմեից, կամ էլ մանգան կավարտվի։ Մեծաթիվ երկրպագուներ պահանջում են վերջին տեսարանի անիմացված տարբերակը։

[[Անիմե]] սերիալը բաղկացած է 16 եթերաշրջաններից, որոնցից 5-ը [[ֆիլլեր]]ներ են և չկան [[մանգա]]յում։ Դրանք մտցվում են հիմնական սյուժեի մեջ այն նպատակով, որ մանգայի սերիաները հասցնեն թողարկվել։

Ռեժիսոր է ընտրվել [[Նորիյուկի Աբե]]ն, իսկ սցենարի հեղինակն է [[Մասաշի Սոգո]]ն։ Անիմացիան և հերոսների դիզայնը արվել է [[Մասաշի Կուդո]]յի կողմից, որին օգնել են [[Հիրոկի Աբե]]ն, [[Մակոտո Իտո]]ն, [[Մասամի Տանակա]]ն, [[Նացուկո Սուզուկի]]ն և ուրիշները։ Երաժշտությունը անիմեի համար գրել է [[Շիրո Սագիսու]]ն։

Անիմեն մի քանի անգամ հայտնվել է [[Ճապոնիա]]յի հեռուստաալիքների «թոփ տասնյակներում»։ [[2007]] թ.-ին այն առաջադրվել է [[America Anime Awards]] մրցանակաբաշխության «լավագույն դերասան», «լավագույն թեմա» և «լավագույն DVD տուփի դիզայն» անվանակարգերում, սակայն ոչ մեկը չի հաղթել։

[[Anime News Network]]-ից [[Կարլո Սանտոս]]ը [[անիմե]]-ադապտացիան համարել է «… մեկը այն ամենագավիչ անիմեներից, որ հափշտակում է քեզ և բաց չի թողնում»։ [[DVD Verdict]]-ից [[Ադամ Արսենեու]]ն էլ համոզված է, որ Բլիչը «այն շոուն է, որ ժամանակի հետ միայն ավելի լավն է դառնում»։ Բարձր է գնահատվել նաև անիմեի այն կողմը, որ այն «հիանալի կերպով գրավում է իրեն հատուկ հումորի և գերբնական ինտրիգների շնորհիվ», որը գերազանց ձևով նմանակված է մանգայից։ Հիանալի են նաև տեսողական էֆեկտների կիրառումը և հետաքրքրաշարժ [[սցենար]]ը։ Հարցազրույցներից մեկի ժամանակ [[Դոն Հյուսթըն]]ը նշել է, որ անիմեի հերոսները անցնում են ավանդական [[շոնեն]] անիմեի կարծրատիպերը և «սև ուժերի և հումորի յուրատեսակ խառնուրդ են»։ Համեմատելով [[Նարուտո]]յի հետ` [[Mania.com]] կայքից [[Քրիս Բևերիջ]]ը նշում է, որ Բլիչը այնքան մանկական չէ և «հիանալի հանդես է գալիս իր յուրահատուկ ոճով»։

=== Սաունդթրեքը ===

Բլիչի համար ստեղծված [[սաունդթրեք]]երը գրվել ու արտադրվել են [[Շիրո Սագիսու]]ի կողմից ու հեռարձակվել ճապոնական [[Sony Music Entertainment]]-ի կողմից։ «[[Բլիչ։ Օրիգինալ Սաունդթրեք 1]]»-ը հեռարձակվել է [[2005]] թվականի [[մայիսի 18]]-ին. այն պարունակում է 25 երգ, որոնց մեջ էին մտնում նաև անիմեի առաջին օփենինգն ու էնդինգը։ «[[Բլիչ։ Օրիգինալ Սաունդթրեք 2]]»-ը հեռարձակվել է [[2006]] թվականի [[օգոստոս]] ամսվա սկզբին. այն պարունակում էր 23 գործիքավորված երգ։ «[[Բլիչ։ Օրիգինալ Սաունդթրեք 3]]»-ը, որի պրեմիերան կայացել էր [[2008]] թվականի [[նոյեմբեր]]ին, իր մեջ պարունակում է 27 գործիքավորված թրեքեր։ [[2009]] թվականին լույս տեսած «[[Բլիչ։ Օրիգինալ Սաունդթրեք 4]]»-ում կա 30 գործիքավորված երգ։

''Սաունդթրեք ալբոմներ, որոնք լույս են տեսել Բլիչի ֆիլմերի հետ միասին.''
* «Բլիչ։ Ոչ ոքի հիշողությունները. սաունդթրեք» (25 երգ)
* «Բլիչ։ Ադամանդի փոշու ապստամբությունը. սաունդթրեք» (29 երգ)
* «Բլիչ։ Գունաթափիր սևը. սաունդթրեք» (29 երգ)
* «Բլիչ։ Դժոխքի գլուխ. սաունդթրեք» (21 երգ)
[[Ճապոնիա]]յում Բլիչի համար լույս են տեսել հինգ ռադիո [[CD]]-ներ։ Բազմիցս հեռարձակվել են նաև [[դրամա-CD]]-ներ, սակայն հետագայում դրանք սկսեցին լույս տեսնել միայն [[DVD]]-տարբերակներով։

=== Ֆիլմերը ===

Բլիչի հիման վրա ստեղծվել է չորս ֆիլմ, որոնց բոլորի [[ռեժիսոր]]ն է [[Նորիյուկի Աբե]]ն ` Բլիչի [[անիմե]]-ադապտացիայի ռեժիսորը։ Բոլոր ֆիլմերը լույս են տեսել [[դեկտեմբեր]] ամսին։ [[Ֆիլմ]]երում կերպարների դիզայնի հեղինակը [[Տայտո Քուբո]]ն էր։ Ֆիլմերի հեռարձակումներից որոշ ժամանակ անց հեռարձակվել են նաև ֆիլմերի համար նախատեսված [[սաունդթրեք]] ալբոմները։

''Ֆիլմերը.''
* «[[Բլիչ։ Ոչ ոքի հիշողությունները]]» ([[2006]] թ. [[դեկտեմբերի 16]])
* «[[Բլիչ։ Ադամանդի փոշու ապստամբությունը]]» ([[2007]] թ. [[դեկտեմբերի 22]])
* «[[Բլիչ։ Գունաթափիր սևը]]» ([[2008]] թ. [[դեկտեմբերի 13]])
* «[[Բլիչ։ Դժոխքի գլուխ]]» ([[2010]] թ. [[դեկտեմբերի 4]])
 
[[2010]] թվականի մարտին աշխարհռչակ ամենահայտնի կինոընկերություններից մեկը` [[Warner Bros.]]-ը հաստատեց այն լուրը, թե շուտով կսկսվեն Բլիչի առաջին ֆիլմի աշխատանքները։ Նախ և առաջ որպես ֆիլմի պրոդյուսերներ էին ընտրվել [[Պետեր Սեգալն]] ու [[Մայքլ Էուինգը]]։ [[2012]] թվականին, որպես գլխավոր սցենարիստ, աշխատանքին միացավ [[Դան Մազեուն]], իսկ [[Մասի Օկա]]ն միացավ պրոդյուսերների թիմին։

=== Մյուզիքլները ===

Բլիչի համար վերամշակվել են բազմաթիվ [[ռոք]]-[[մյուզիքլ]]ներ, որոնց ստեղծման գործում համագործակցել են [[Studio Pierrot]]-ն ու [[Նելք Փլեննինգ]]ը։ Միայն [[անիմե]]ի առաջին և երկրորդ սեզոնների սյուժեի առանցքների հիման վրա ստեղծվել են ավելի քան հինգ մյուզիքլներ։ Բլիչի հիման վրա ստեղծված մյուզիքլների ամենամեծ ներկայացումները տեղի են ունեցել [[2005]] թվականի [[օգոստոսի 17]]-ից [[օգոստոսի 28|28]]-ին [[Shinjuku]]-ում։

Գրեթե բոլոր մյուզիքլների ռեժիսորը եղել է [[Տակույա Հիրամիցու]]ն, սցենարիստը՝ [[Նաոշի Օկումուրա]]ն, իսկ երգերի հեղինակը ` [[Շոիչի Տամա]]ն։ [[Մյուզիքլ]]ներում օգտագործված բոլոր երգերը գրվել են մյուզիքլի երաժշտական [[պրոդյուսեր]]ների ու երգահանների կողմից, և ոչ մի երգ վերցված չի եղել Բլիչի անիմեից։

{|
|valign="top"|
{|class="wikitable" style="text-align:center"
! colspan="2" style="text-align:center"|Մյուզիքլների դերասանական կազմը</span>
|-
|'''Իչիգո Կուրոսաքի'''||[[Տացույա Իսակա]] 
|-
|'''Րուքիա Կուչիկի'''||[[Միկի Սատո]]
|-
|'''Ռենջի Աբարայի'''||[[Էիջի Մորիյամա]]
|}

=== Քարտերով Խաղը ===
==== Ճապոնական քարտերով խաղը ====
Բլիչի հիման վրա ստեղծվել են երկու քարտերով խաղեր։ Առաջինը [[ճապոնիա|ճապոնական]] խանութներում, իսկ երկրորդը ` [[հյուսիսային ամերիկա|հյուսիսային ամերիկյան]] խանութներում վաճառքի հանելու համար։
[[Bandai]] ընկերության կողմից լույս տեսած` Բլիչի առաջին քարտերով խաղը հասանելի դարձավ [[2004]] թվականին, սակայն միայն [[Ճոպանիա]]յի սահմաններում։ Առաջին քարտերով խաղը կոչվում էր «[[Բլիչ։ Հոգիների քարտերի կռիվ]]»։ Հետագայում՝ տարիներ անց, սկսվեցին լույս տեսնել այս քարտերով խաղի տարբեր փոփոխված տարբերակներ. այդ թվում [[2007]] և [[2009]] թվականներին լույս տեսան խաղի վերամշակված նոր տարբերակները, որոնք [[Ճապոնիա]]յի տարածաշրջանում ունեցան մեծ հաջողություններ։

==== Ամերիկյան քարտերով խաղը ====

[[ամերիկա|Ամերիկյան]] քարտերով խաղը սկսվեց շրջանառվել [[Score Entertainment]]-ի կողմից [[2007]] թվականի [[մայի]]ս ամսից ի վեր։ Բայց այն սկսեց օգտագործվել ամբողջ [[Հյուսիսային Ամերիկա]]յի տարածքում միայն երկու տարի անց։ Այս խաղերի հեռարձակումը դեռ շարունակվում է։ Խաղերն ունեն [[TCG]] պիտակավորմամբ վաճառքի մեծ քանակ։ Երկու հոգու համար նախատեսված այս քարտերով խաղը կազմված է 61 քարտերից։ Ամեն մի խաղացող ունի իր «վերակացու» հատուկ խաղաքարը, որը կորցնելուց հետո կորցնում է նաև հաղթելու գրեթե բոլոր հնարավորությունները։ [[2008]] թվականի տվյալներով լույս են տեսել խաղի ավելի քան վեց տարբերակներ։

=== Վիդեոխաղերը ===

Բլիչի հիման վրա ստեղծված առաջին վիդեոխաղը «[[Բլիչ։ Տաք հոգին]]» վիդեոխաղն էր, որը լույս տեսավ [[2005]] թվականի [[մարտի 24]]-ին [[Sony PlayStation Portable]]-ի օգտատերերի համար։ Ներկայումս Բլիչի վիդեոխաղերի մեծամասնությունը ստեղծվում են [[Ճապոնիա]]յում, չնայած որ Բլիչի առաջին երեք [[Nintendo DS]] խաղերն ու առաջին [[Wii]] խաղը «[[Սեգա]]» ընկերությունը սկզբնականում արտադրել էր [[Հյուսիսային Ամերիկա]]յի բնակիչների համար։ Մինչ այժմ Բլիչի հիման ստեղծված բոլոր խաղերը, որոնք հեռարձակվել են [[Sony]]-ի կողմից, մշակվել են [[SCEI]]-ի կողմից։ [[Nintendo]] խաղերը մշակվել են [[Սեգա]] ընկերության կողմից, իսկ [[Nintendo DS]] խաղերը՝ [[Treasure Co. Ltd]]-ի կողմից։

=== Լայթ-նովելները ===

Բլիչի առաջին երեք [[լայթ-նովելների]] համահեղինակներն են [[Տայտո Քուբո]]ն ու [[Մակոտո Մացուբարա]]ն. դրանք հրապարակվել են [[Shueisha]]-ի կողմից [[Shounen Jump Books]] պիտակի ներքո։ Առաջին հատորը ` «[[Բլիչ։ Նամակներ մյուս կողմից. մահն ու ելակը]]», լույս է տեսել [[2004]] թվականի [[դեկտեմբեր]]ին, և նոր փոփոխությամբ «[[Բլիչ։ Նամակներ մյուս կողմից. մահն ու ելակը – Նոր հրատարակություն]]» հատորը հեռարձակվել է [[2009]] թվականի [[նոյեմբեր]]ին։ «[[Բլիչ։ Մեղրով կերակրի ռապսոդիա]]» անվանումով երկրորդ հատորը լույս է տեսել [[2006]] թվականի նոյեմբերին։ Երրորդը ` «[[Բլիչ։ մահը փրկում է ելակին]]», լույս տեսավ [[2012]] թվականի [[սեպտեմբեր]] ամսին։ Բլիչի մյուս երկու նովելների հեղինակն է [[Նարիտա Րյոհգո]]ն։ Առաջին հատորը ` «[[Բլիչ։ Հոգիները միշտ քեզ հետ են]]», ու երկրորդը ` «[[Բլիչ։ Հոգիները միշտ քեզ հետ են. մաս 2]]», միասին լույս են տեսել [[2012]] թվականի [[հունիս]]ին։

[[Shueisha]]-ն հրապարակել է Բլիչի [[ֆիլմ]]երի վրա հիմնված չորս նովելներ.
* Առաջին հատոր՝ «[[Բլիչ։ Ոչ ոքի հիշողությունները]]» ([[2006]] [[դեկտեմբեր]])
* Երկրորդ հատոր՝ «[[Բլիչ։ Ադամանի փոշու ապստամբությունը. այլ հյորինմարու]]» ([[2007]] [[դեկտեմբեր]])
* Երրորդ հատոր՝ «[[Բլիչ։ Գունաթափիր սևը. անունդ եմ կանչում]]» ([[2008]] [[դեկտեմբեր]])
* Չորրորդ հատոր՝ «[[Բլիչ։ Դժոխքի գլուխ]]» ([[2010]] [[դեկտեմբեր]])

=== Այլ ===
Բլիչի առաջին արտագիրքը ` «[[Բոլոր գույները` բացի սևից]]», լույս էր տեսել [[Ճապոնիա]]յում, [[ԱՄՆ]]-ում ու [[Եվրոպա]]կան մի շարք պետություններում։ Արտագիրքն իր մեջ պարունակում էր [[մանգա]]յի առաջին 19 գլուխների գունավորումը։ Երկրորդ արտագիրքը ` «[[Բլիչ։ Պաշտոնապես անթույլատրելին. ԿարաԲուրի]]» լույս տեսավ [[2007]] թվականի [[օգոստոս]] ամսին։ Բացի ուղեցույցներից ու հոդվածներից՝ արտագրքում կան նաև կարճ [[ծաղրաշար]]եր։ «[[Գունավոր Բլիչ։ Պաշտոնապես անթույլատրելին]]» լույս տեսավ [[Անգլիա]]յում [[2010]] թվականի [[օգոստոս]]ին։

Բլիչի մասին լույս են տեսել նաև վեց տեղեկատվական [[գիրք|գրքեր]].

* «[[Բլիչ։ Հոգիների պաշտոնական բնութագրիչ գիրք]]» ([[2006]] [[փետրվար]])
* «[[Բլիչ։ Պաշտոնական Անիմացիոն գիրք]]» ([[2006]] [[փետրվար]])
* «[[Բլիչ։ Պաշտոնական բնութագրիչ գիրք Երկրորդ։ Դիմակավորված]]» ([[2010]] [[օգոստոս]])
* «[[Բլիչ։ Պաշտոնական հրավիրված գիրք դժոխքի հատվածից]]» ([[2010]] [[դեկտեմբեր]])
* «[[Բլիչ։ Պաշտոնական բնութագրիչ գիրք երրորդ։ Չդիմակավորված]]» ([[2011]] [[հունիս]])
* «[[Բլիչ։ Արձակված հոգիներ]]» ([[2012]] [[հունիս]])

== Ընդունումը ==
[[2013]] թվականի տվյալներով՝ Բլիչ [[մանգա]]ն վաճառվել է ավելի քան 82 միլիոն օրինակով, [[Weekly Shōnen Jump]]-ում այն վեցերորդ ամենավաճառված մանգան է։ [[2005]] թվականին [[Shogakukan]] [[Մանգա]] մրցանակաբաշխության ժամանակ Բլիչը ճանաչվեց լավագույն [[շոնեն մանգա]]։ [[2008]] թվականին [[մանգա]]յի 34-րդ հատորը [[Ճապոնիա]]յում վաճառվեց 874 հազար 153 օրինակով՝ դառնալով տարվա 12-րդ ամենավաճառված [[կոմիքս]]ը։ 33-րդ և 35-րդ հատորները համապատասխանաբար դարձան տարվա տասնյոթերորդ ու տասնութերորդ ամենավաճառված հատորները։ [[2008]] թվականին միայն [[Ճապոնիա]]յում [[մանգա]]ն վաճառվել է 3 միլիոն 161 հազար 825 օրինակով՝ դառնալով տարվա 5-րդ ամենավաճառված [[մանգա]]ն։ [[2009]] թվականի առաջին կեսին Բլիչը դարձավ տարվա երկրորդ ամենավաճառվող [[մանգա]]ն ավելի քան 3.5 միլիոն վաճառված օրինակներով։ 36-րդ հատորը իր հեռարձակման տարում 927 հազար 610 վաճառված օրինակներով գրավեց 7-րդ հորիզոնականը, 37-րդը ` 8-րդը` 907 հազար 714 վաճառված օրինակներով, իսկ 38-րդը 822 հազար 238 վաճառված օրինակներով գրավեց տասներորդ հորիզոնականը։ [[Հյուսիսային Ամերիկա]]յում [[մանգա]]յի ամեն գլուխ վաճառվում էր 1.2 միլիոն օրինակով։

[[Դեբ Աոկի]]ն Բլիչը համարում է [[2007]] թվականի լավագույն շարունակվող [[շոնեն մանգա]]ն` նշելով, որ այն ունի «ազդեցիկ պատմություններ, ապշեցնող գործողությունների շրջադարձներ ու կերպարների հրաշալի զարգացում»։ Նա նաև մանգան ավելացնում է այն 10 [[շոնեն մանգա]]ների ցուցակին, որոնք [[օտակու]]ներն ուղղակի պարտավոր են ընթերցել։ Բլիչի [[արտագիրք|արտագրքերն]] ու կերպարային [[դիզայն]]ները բազմիցս արժանացել են [[IGN]]-ի քննադատների գովասանքներին։ [[Ա. Է. Ափարրոու]] անունով քննադատը համարում է, որ գործողություններին համընթաց երկրորդական կերպարների [[մանգա]]յում հայտնվելն ուղղակիորեն շատացնում է [[մանգա]]յի երկրպագուների քանակը։ [[ComicBookBin]]-ից [[Լորեյ Դոուրեսսյուն]]ը համարում է, որ Բլիչի մարտական տեսարաններն արժանի են [[ֆիլմ]]երի տեսարանների հետ համեմատվելու։ Ըստ [[Ջարեդ Փայն]]ի` [[ժանր]]ային կախվածությունը [[մանգա]]ն ուղղակի ձանձրալի է դարձնում։ Նրա համար շատ կոպիտ էր [[մանգա]]ն սկսել ոչ տպավորիչ կռիվներով, չափազանց շատ խաբեություններով ու Իչիգոյի կերպարը որպես «մռայլված երիտասարդ» ներկայացնելով։ Չնայած այս ամենին՝ Փայնը սիրում է [[մանգա]]ն, բայց միայն իր սիրելի կերպարների համար։

|}
{{Արտաքին հղումներ}}
[[Կատեգորիա:Մանգաներ]]
[[Կատեգորիա:Անիմեներ այբբենական կարգով]]
[[Կատեգորիա:Մուլտսերիալներ]]
[[Կատեգորիա:2001 մանգաներ]]