Անհաղթները
Երկիր | ![]() |
---|---|
Թվական | 2003 |
Լեզու | ռուսերեն |
Ռեժիսոր | Ալեքսանդր Լյուտենկով |
«Անհաղթները» (ռուս.՝ «Непобежденные», անգլ.՝ The Stalingrad Apocalypse. No-win situation., գերմ.՝ Apocalypse Stalingrad - Die Hölle des Krieges), 2003 թվականի ռուսական ֆիլմ, որը նկարահանել է ռեժիսոր Ալեքսանդր Լուտենկովը[1]։
Սյուժե
[խմբագրել | խմբագրել կոդը]Վավերագրական ֆիլմն ստեղծվել է Ստալինգրադի ճակատամարտի 60-ամյակի կապակցությամբ։ Պատմության կենտրոնական թեման դառնում է խաղաղ բնակչության ողբերգական վիճակը, որն, ըստ էության, պատանդ է մնացել մարտի դաշտում՝ կրակի գծում։ Գերմանական օդուժի կողմից քաղաքի ռմբակոծման առաջին իսկ օրը միայն պաշտոնական տվյալներով զոհվել է ավելի քան 46 հազար մարդ, մոտ 150 հազարը վիրավորվել են։ Ավերակներում բնակչության հետագա կյանքը վերածվել է իսկական մղձավանջի։
Մինչև վերջին պահը այդպես էլ չկար քաղաքացիական բնակչության տարհանման հրաման, թեև դրա համար նախատեսված էշելոնները կանգնած էին պահեստային ուղիների վրա։ Նախապես փրկել էին ամեն ինչ, բացի մարդկանցից։ Դուրս էին տարել արխիվներն ու առավել արժեքավոր սարքավորումները, հացը, մետաղները, շաքարը, թուղթը։ Մարտի սկզսվելուց առաջ քաղաքի իշխանությունները որոշում են կայացրել տարհանել անասուններին։
Բնօրինակ տեքստ (ռուս.)До самого последнего момента так и не было приказа об эвакуации гражданского населения, хотя предназначенные для этого эшелоны стояли на запасных путях. Заблаговременно спасали всё, кроме людей. Вывозили архивы и наиболее ценное оборудование, хлеб, металлы, сахар, бумагу. Перед самым началом битвы власти города приняли решение об эвакуации скота.
— «Сталинградская битва. Непобежденные». Телеканал «Россия 1». Արխիվացված է օրիգինալից 2019 թ․ փետրվարի 22-ին. Վերցված է 2021 թ․ մայիսի 7-ին.
Նկարահանող խումբ
[խմբագրել | խմբագրել կոդը]- Սցենարի հեղինակ և կադրում հաղորդավարուհի՝ Տատյանա Դոնսկայա
- Ռեժիսոր՝ Ալեքսանդր Լուտենկով
- Բեմադրող օպերատոր՝ Կոնստանտին Միրոմանով
- Կոմպոզիտոր՝ Վլադիմիր Դաշկևիչ
- Պրոդյուսեր՝ «Ռոսիա» հեռուստաալիք
Գեղարվեստական առանձնահատկություններ
[խմբագրել | խմբագրել կոդը]Ֆիլմում գլխավոր պատմողները տեղի բնակիչներն են, որոնք Ստալինգրադում ապրել էին պատերազմի ժամանակ։ Նրանք ներկայացնում են իրենց անձնական հիշողություններն ու տպավորությունները այդ ողբերգական իրադարձությունների մասին։ Պատմողներից շատերը այդ ժամանակ երեխաներ էին, սակայն, չնայած դրան, նրանցից ոմանք ստիպված էին զենք վերցնել և սպանել թշնամիներին։
Ֆիլմի հեղինակներն ուշադրության են արժանացրել նաև այն զինվորներին, որոնք կռվում էին Ստալինգրադի համար ճակատային գծի երկու տարբեր կողմերում․ հարցազրույց են տալիս ինչպես խորհրդային վետերանները, այնպես էլ գերմանացիները։
Ֆիլմում ներկայացված է բացառիկ խորհրդային և գերմանական կինոժամանակագրություն, շատ կադրեր արխիվային պահոցներից առաջին անգամ փոխվել են հեռուստատեսային ֆորմատի։
Լրացուցիչ փաստեր
[խմբագրել | խմբագրել կոդը]Ֆիլմը բազմիցս ցուցադրվել է Ռուսաստանի Ռոսիա 1, Ռոսիա 24, ՌՏՌ Պլանետա, Հինգերորդ ալիք հեռուստաալիքներով, ինչպես նաև Գերմանիայի Discovery Channel Geschichte հեռուստաալիքով։ Համաշխարհային վարձույթի (բացառությամբ ԱՊՀ և Ֆրանսիա) իրավունքհը պատկանում է Discovery Communications Inc-ին։
Հետաքրքիր փաստեր
[խմբագրել | խմբագրել կոդը]Ֆիլմի հեղինակ Տատյանա Դոնսկայան հայտնի է նաև որպես դրամատիկ դերասանուհի։ Նա գլխավոր դեր է խաղում Բոնավենտուրայի «Գիշերային հսկումներ» պիեսում (Մոսկվայի «Человек» դրամատիկական թատրոն, բեմադրությունը՝ Լյուդմիլա Ռոշկովանի) ։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Телеканал Россия: Документальное кино(չաշխատող հղում)
- Государственный регистр фильмов(չաշխատող հղում)
- The Stalingrad Apocalypse. No-win situation.(չաշխատող հղում)
- Премьера документальных фильмов ТК «Россия» в Германии
- Смотреть фильм on-line. Первая серия.
- Смотреть фильм on-line. Вторая серия.
- Apocalypse Stalingrad — Die Hölle des Krieges (2 DVDs) на Amazon.de
- Discovery Communications Inc.(չաշխատող հղում)
|