2024 թվականի հունվարի 15-ին Վիքիպեդիան բոլորում է իր 23-ամյակը։ «Վիքիմեդիա Հայաստանն» առաջարկում է տարեդարձին նախորդող մեկ ամսում՝ դեկտեմբերի 15-ից սկսած, ստեղծել նվեր հոդվածներ։ Ձգտելու ենք ստեղծել առնվազն 10․000 բայթ ծավալով 23 հոդված։ Հնարավոր է նաև քիչ թվով նվեր-հոդված ստեղծել, բայց 23 և ավելի հոդված ստեղծած մասնակիցները հատուկ կնշվեն և կարժանանան հատուկ հավաստագրերի, իսկ լավագույնները՝ նաև հուշանվերների։
Խմբագրաթոնը սկսվելու է դեկտեմբերի 15-ին և տևելու է մեկ ամիս։ Արդյունքները կհայտարարվեն Վիքիպեդիայի ծննդյան օրը՝ հունվարի 15-ին։ Հոդված ստեղծելուց առաջ հարկավոր է գրանցվել մասնակիցների էջում։ Ստեղծված հոդվածների քննարկման էջում հարկավոր է տեղադրել խմբագրաթոնի կաղապարը։ Կարող եք նաև Ձեր մասնակցային էջերում դնել խմբագրաթոնի մասնակցի կաղապարը։
