Վիքիպեդիա:ՎիքիԹիմ 1+3
Մայիսի 10, 2020 - մայիսի 25, 2020
Ի՞նչ մրցույթի մասին է խոսքը
Վիքիմեդիա Հայաստանը վիքիմարզիչների, փորձառու խմբագիրների միջոցով նոր մասնակիցների ներգրավելու, փորձառու խմբագիրների ակտիվությունը բարձրացնելու, նոր որակյալ հոդվածներ ստեղծելու համար, նախաձեռնել է «Վիքիթիմ 1+3» խմբագրական մրցույթը։ Առաջարկվելու է փորձառու խմբագիրներին երեք նորեկների կամ փորձառուների ներգրավել, առավելագույնը չորս հոգով միավորվել և միասին հոդվածներ ստեղծել։ Դառնալ խմբի ավագը, սովորեցնել խմբի մասնակիցներին հոդվածներ ստեղծել, հետևել հոդվածների որակին։ Տարիքային սահմանափակում չի լինի։ Մրցույթի ավարտին ընտրվելու է լավագույն խումբը, լավագույն խմբագիրը, լավագույն հոդվածը և լավագույն ավագը։ Մրցույթի տևողությունը երկու շաբաթ է։ Հաղթողները Վիքիմեդիա Հայաստանի կողմից կստանան մրցանակներ։
Ինչպես մասնակցել
Յուրաքանչյուր ակտիվ խմբագիր մինչև մայիսի 9-ը ներառյալ հավաքում է առավելագույնը 3 հոգանոց թիմ կամ թիմեր և լրացնում մրցույթի հայտը։ Մրցույթը տևելու է 15 օր՝ մայիսի 10-25-ը, որի ընթացքում յուրաքանչյուր թիմ խմբագրելու է նախապես պատրաստված ցանկերից հոդվածներ, ըստ ցանկության։ Թիմերի հետ կունենանք տեսազանգ, որի ընթացքում կմանրամասնենք բոլոր կանոնները։
