Աղթամարի կղզում
| Աղթամարի կղզում | |
|---|---|
| Տեսակ | բանաստեղծություն |
| Ժանր | բանաստեղծություն |
| Ձև | բանաստեղծություն |
| Հեղինակ | Հովհաննես Թումանյան |
| Բնագիր լեզու | հայերեն |
| Գրվել է | 1915 |
| Հրատարակվել է | 1915 |
| Վիքիդարան | Աղթամարի կղզում |
«Աղթամարի կղզում», Հովհաննես Թումանյանի բանաստեղծություններից՝ գրված 1915 թվականին[1]։
Պատմություն[խմբագրել | խմբագրել կոդը]
Թումանյանն այս բանաստեղծությունը գրել է 1915 թվականի հունիսի 16-ին, Աղթամար կղզում[1]։
Եղիշե Չարենցի անվան գրականության և արվեստի թանգարանի Թումանյանի ֆոնդի № 71-ում պահվում է ուրիշի արտագրված մի օրինակ, որի քսաներեքերորդ տողը Թումանյանն է ուղղել։ Այն եղել է «Սերը որ մեռավ», իսկ Թումանյանը փոխել է «Սիրտը որ մեռավ»[1]։
Առաջին անգամ տպագրվել է 1915 թվականի հունիսի 24-ին Վանում լույս տեսած «Աշխատանք» շաբաթաթերթի № 27-ում, այնուհետև՝ Երևանում՝ 1940-1959 թվականներին լույս տեսած Հովհաննես Թումանյանի երկերի ժողովածուի գիտական հրատարակության առաջին հատորում (էջ 177-178)[1]։
Հովհաննես Թումանյանի երկերի լիակատար ժողովածուի 1-ին հատորում արտատպվել է «Աշխատանք» շաբաթաթերթից։
