Պիդակալայի պատերազմ
| Պիդակալայի պատերազմ Pidakala War | |
|---|---|
| Տեսակ | տոն |
| Տոնվում է |  Հնդկաստան |
| Ավանդույթներ | հինդուիզմ |
Պիդակալայի պատերազմ (նաև հայտնի է որպես Պիդակալա Սամարամ կամ Պեդդանուգուլատա[1][2]), կովի թրիքով ամենամյա մրցամարտ, որն անցկացվում է Ասպարիի Կայրուպալա գյուղում, Հնդկաստանի Անդհրա Պրադեշ նահանգի Կուրնուլ շրջանում Այն անցկացվում է Ուգադի փառատոնի հաջորդ օրը, որի ժամանակ նշում են Հին հնդկական օրացույցով նոր տարին[1][3]։
Մրցամարտը հիմնված է հին հնդկական բանահյուսության վրա, որտեղ ասվում է, որ այն բանից հետո, երբ վեճ է ծագել երկու աստվածների ամուսնության վերաբերյալ, կռիվ է սկսվել՝ իրար վրա կովի թրիք շպրտելով։ Ասում են, որ կովի թրիքի ամենամյա մրցամարտը գյուղին բերում է առողջություն, ինչպես նաև անձրև ու բարգավաճում։ Մենամարտն այնքան է թեժանում, որ կռվի ժամանակ որոշ մասնակիցներ վիրավորվում են։
Ավանդություն[խմբագրել | խմբագրել կոդը]
Ըստ հնդկական բանահյուսության, նախքան աստվածուհի Բհադրակալի և Վիրաբհադրա աստծո միջև ամուսնությունը վեճ է եղել։ Աղբյուրներում վեճի տարբեր պատճառներ են նշվում. The Hans India-ն նշում է, որ Բհադրակալին զայրացել է Վիրաբհադրայի անսպասելի հաջողությունները և սպառնացել է կովի թրիքը նետել նրա վրա[1], մինչդեռ The New Indian Express-ը նշում է, որ զույգը որոշ ժամանակով բաժանվել է դավաճանության պատճառով[4]։
Բհադրակալիին աջակցող գյուղացիները սկսել են կովի թրիքը նետել Վիրաբհադրայի վրա, և Վիրաբհադրային աջակցող գյուղացիները նույնպես պատասխանել են կովի թրիքով[1]։ Կռիվը տևել է մոտ մեկ ժամ, մինչև գյուղի ղեկավարները կարգավորել են իրավիճակը և տեղի է ունեցել երկու աստվածների ամուսնությունը[1][5]։
Փառատոն[խմբագրել | խմբագրել կոդը]
 Արտաքին մեդիաֆայլեր
| |
|---|---|
| Պատկերներ | |
|
Մրցամարտի համար թրիքի կույտ է հավաքվել |
|
|
Ամբողը մրցամարտի պահին |
| Տեսաֆայլեր | |
|
Տեսարան 2021 թվականի փառատոնից |
Կայրուպալայի բնակիչները ավանդաբար դիտում են կովի թրիքով մրցամարտը և երկու աստվածների միջև ամուսնությունը Ուգադիի հաջորդ օրը՝ տարվա առաջին օրը հինդու լուսնային արևային օրացույցով[5][6]։ Գյուղը բաժանված է երկու ճամբարի՝ Դալիթ, Կուրուբա և Յադավա համայնքները մի կողմից, որոնք ներկայացնում են Բհադրակալին և Լինգայաթ, Ռեդդի և մուսուլմանական համայնքները մյուս կողմից, որոնք ներկայացնում են Վիրաբադրային[1][2][5]։
Մրցամարտին հարյուրավոր մարդիկ են մասնակցում[1][7]։ Փառատոնին մեծ թվով ոստիկաններ են ներկա լինում՝ լուրջ անկարգություններից խուսափելու համար[1]։ Վնասվածքներ լինում են, բայց բողոքներ չեն ներկայացվում։ Կռվի ավարտից հետո գյուղը միասին նշում է Վիրաբհադրայի և Բադրակալիի ամուսնությունը[5]։
Տեղացիներն ասում են, որ կովի թրիքի մրցամարտը կարող է օգտակար լինել բոլորի առողջության համար, և որ ամենամյա ծեսը գյուղին բերում է բարգավաճում, ինչպես նաև տեղումներ և եղանակային այլ բարենպաստ պայմաններ[6]։
Վերջին տարիներ[խմբագրել | խմբագրել կոդը]
2012 թվականին մոտ 15 մարդ տուժել է, սակայն բողոքներ չեն ներկայացվել։ 2022 թվականին տեղի պաշտոնյան հայտնել է, որ մինչև 50 մարդ վնասվածքներ է ստացել, սակայն ոստիկանությունը բողոք չի ստացել[8]։
2021 թվականին, կորոնավիրուսային համաճարակի ժամանակ, չնայած Հնդկաստանը տառապում էր աշխարհի ամենածանր բռնկումներից և այն ժամանակ հիվանդության դեպքի վերջին աճ էր, փառատոնն անցկացնելու հատուկ թույլտվություն է տրվել[2][3][5]։ Համացանցում վրդովմունք է առաջացրել մի տեսանյութ, որտեղ երևում է, թե ինչպես են համաճարակի ժամանակ անցկացվող փառատոնի առանց դիմակի մասնակիցները գոմաղբ նետում միմյանց վրա[7]։ Ոստիկանության պաշտոնյան հայտարարել է, որ տուժել է մոտ 100 մարդ, սակայն ոչ ոք չի բողոքել[3]։
Նմանատիպ փառատոներ[խմբագրել | խմբագրել կոդը]
- Իվրեայի կառնավալ – նարնջով մրցամարտ Իտալիայում
- Գորեհաբբա - կովի թրիքով մրցամարտ, որը հաջորդում է Դիվալիին Հնդկաստանում
- Հարո գինու փառատոն - գինու մրցամարտ Իսպանիայում
- Տոմատինա – լոլիկով մրցամարտ Իսպանիայում
- Սոնգկրան (Թաիլանդ) – փառատոն, որի ժամանակ Թաիլանդում ջրային մարտեր են անցկացվում
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 1,7 «With no Covid fear, Andhra villagers hold 'Pidakala War' in Kurnool». Deccan Herald. 2021 թ․ ապրիլի 15. Արխիվացված է օրիգինալից 2023 թ․ մայիսի 28-ին.
- ↑ 2,0 2,1 2,2 «Cow dung fight fest denotes social harmony». The Hans India. 2023 թ․ մարտի 24. Արխիվացված է օրիգինալից 2023 թ․ մայիսի 28-ին.
- ↑ 3,0 3,1 3,2 «Ushering in Ugadi by hurling cow dung». The Hindu. 2021 թ․ ապրիլի 14. Արխիվացված է օրիգինալից 2023 թ․ մայիսի 28-ին.
- ↑ «AP: Villagers fight with dung cakes». The New Indian Express. Արխիվացված է օրիգինալից 2023 թ․ մայիսի 28-ին.
- ↑ 5,0 5,1 5,2 5,3 5,4 «Andhra villagers throw cow dung at each other to mark Pidakala War». Inshorts. Արխիվացված է օրիգինալից 2023 թ․ մայիսի 28-ին.
- ↑ 6,0 6,1 «Violating COVID Protocols, Thousands Fling Dung at AP Ugadi Fest». The Quint. 2021 թ․ ապրիլի 15. Արխիվացված է օրիգինալից 2023 թ․ մայիսի 28-ին.
- ↑ 7,0 7,1 «Amid COVID-19 Spike, Hundreds Assemble And Hurl Cow Dung Cakes In Andhra Pradesh Village As Part Of Ugadi Celebration». Mashable India. 2021 թ․ ապրիլի 16. Արխիվացված է օրիգինալից 2023 թ․ մայիսի 28-ին.
- ↑ «Cow dung fight, donkey parade mark Ugadi in Andhra's Kurnool». The New Indian Express. Արխիվացված է օրիգինալից 2023 թ․ մայիսի 28-ին.