Շապոկլյակ (կերպար)

Անվան այլ կիրառումների համար տե՛ս՝ Շապոկլյակ (այլ կիրառումներ)

Շապոկլյակ Шапокляк
Տեսակ	գեղարվեստական անձ, գրական հերոս և անիմացիոն կերպար
Հեղինակ	Էդուարդ Ուսպենսկի
Ստեղծագործություն	Կոկորդիլոս Գենան և իր ընկերները
Ներկայացված է	Կոկորդիլոս Գենան և ընկերները, Կոկորդիլոս Գենա և Շապոկլյակ
Սեռ	իգական
Դերը կատարել են	Վլադիմիր Կենինգսոն Վլադիմիր Ռաուտբարտ Իրինա Մազինգ Յուրի Անդրեև Դմիտրի Ֆիլիմոնով (Ճապոնական տարբերակ)
Old Lady Shapoklyak Վիքիպահեստում

Շապոկլյակ կամ Պառավ Շապոկլյակ (ռուս.՝ Шапокляк), մանկական պատմվածքների և մուլտֆիլմերի բացասական հերոսուհի, Չեբուրաշկայի և Կոկորդիլոս Գենայի հակառակորդը։ Անվանվել է հնաոճ շապոկլյակ գլխարկի անունով։

Նկարագիր

Համաձայն «Կոկորդիլոս Գենան և իր ընկերները» գրքի՝ Շապոկլյակի զբաղմունքը «չարիք հավաքելն է» (ռուս.՝ «собирать злы»), մուլտիպլիկացիոն կինոնկարում նրա երգի բառերն են՝

Ով օգնում է մարդկանց՝ նա զուր ժամանակ է ծախսում։ Լավ գործերով հռչակվել չես կարող։ Բնօրինակ տեքստ (ռուս.)   Кто людям помогает — тот тратит время зря. Хорошими делами прославиться нельзя.

Շապոկլյակը իր ռիդիկյուլում ապրող Լարիսկա առնետի օգնությամբ քաղաքի անմեղ բնակիչների գլխին դաժան խաղեր է սարքում։ Շփվելով Կոկորդիլոս Գենայի և Չեբուրաշկայի հետ՝ կամաց-կամաց ուղղվում է, սակայն մուլտֆիլմի յուրաքանչյուր սերիայի սկզբում էլի խուլիգանություն է անում։

Նախատիպ

Շապոկլյակի առիթով իր հարցազրույցներից մեկում Էդուարդ Ուսպենսկին խոստովանել է, որ հերոսուհուն ստեղծելուց առաջնորդվել է իր առաջին կնոջ կերպարով, իսկ նկարիչ Լեոնիդ Շվարցմանը, ով ստեղծել է կերպարի արտաքին տեսքը, ասել է, որ նկարել է իր զոքանչին։

Կերպարով մուլտֆիլմեր

• «Կոկորդիլոս Գենան» — 1969
• «Չեբուրաշկան» — 1971
• «Շապոկլյակ» — 1974
• «Չեբուրաշկան դպրոց է գնում» — 1983