Մարդահարույց փոփոխություններով լանդշաֆտ

Մարդահարույց փոփոխություններով լանդշաֆտ, մարդու գործունեությամբ խիստ փոխված և վերակազմավորված լանդշաֆտ՝ իր ագրոհամակեցություններով, բնակելի, տեխնիկական, տրանսպորտային և այլ ենթակառուցվածքներով։ Մարդն ակտիվ միջամտում է բնության երևույթներին, օգտագործում բնության տարրերը և նյութական բարիքներ ստեղծում։ Հասարակության և բնական միջավայրի միջև ստեղծվել է հակասություն, որն արդի փուլում ընդունել է վիթխարի չափեր։ Մարդը գիտակցված կամ չգիտակցված խախտում է բնական շարժընթացների հավասարակշռությունը, որից տուժում է աշխարհագրական թաղանթը։ Այդ ճանապարհով բնությանը պատճառած վնասը նվազագույնի հասցնելու համար մշակվում են բնապահպանական ծրագրեր՝ մարդկային միջամտությունը թույլատրելով միայն այդ ծրագրերի շրջանակներում։

Տես նաև

• Բնապահպանության օրենսդրություն

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։