Մանկական սղարան

Պրահայի մանկական լեռներով խաղահրապարակ

Մանկական սղարանը թեք հարթությամբ և փոքրիկ սանդուղքով մի կառույց է, որը թույլ է տալիս բարձրանալ դեպի վերին հարթակ և իջնել ներքև։ Նախատեսված է երեխաների ժամանցի և սպորտային զարգացման համար, տեղադրվում է մանկական խաղահրապարակներում, զբոսայգիներում և մանկական հանգստի այլ վայրերում։

Պատմություն

Վարկածներից մեկի համաձայն՝ ժամանակակից տիպի առաջին սղարանը կառուցվել է Չարլզ Ուիքստիդի կողմից։ Այն պատրաստված է եղել փայտե տախտակներից և տեղադրվել է բրիտանական Քեթերինգ քաղաքի Ուիքստիդ այգում 1922 թվականին։ Ընդ որում՝ տղաների և աղջիկների համար նախատեսված էին տարբեր թեքություններ։

Տեսակներ

• Մանկական սղարանները կարող են պատրաստված լինել պլաստմասսայից, փայտից կամ մետաղից։
• Թեքահարթակի մակերևույթը կարող է լինել ինչպես ուղիղ, այնպես էլ ալիքաձև։
• Թեքությունը կարող է լինել նաև պարուրաձև՝ ուղղահայաց առանցքի շուրջ պտտվող։
• Սղարանի թեքությունը կարող է լինել ինչպես հարթ, այնպես էլ խորդուբորդ կամ ծալքերով։
• Երբեմն թեքությունը ամբողջությամբ փակ է և իրենից  ներկայացնում է խողովակ. վերջին տարատեսակը հաճախ օգտագործվում է Ակվապարկի ջրային սղարաններում։
• Մեծ զվարճանքի զբոսայգիներում կարող են տեղադրվել խոշոր տարատեսակ սահուղիներ՝ մի քանի զուգահեռ թեքություններով։

Պատկերասրահ

• 
  Հին տիպի սղարան (Լեյպցիգ)
• 
  Սառցե սղարան Ռումյանցևսկի այգում (լուսանկար 1959թ.)
• 
  Մետաղական սղարան
• 
  Մետաղական փակ սղարան
• 
  Պարուրաձև փակ սղարան
• 
  Պարուրաձև սղարան
• 
  Ժամանակակից պլաստմասսե սղարան
• 
  Պլաստմասսե պարուրաձև սղարան
• 
  Խողովակաձև փակ սղարան
• 
  Զուգահեռ իջվածքով մեծ սղարան
• 
  Փայտե ուղիղ սղարան

Տես նաև

Ճոճանակ

Մանկական խաղահրապարակ