Հայաստանի Հանրապետության դիվանագիտական աստիճան
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Հայաստանի Հանրապետության դիվանագիտական աստիճաններ՝ հատուկ դասային աստիճաններ են, որոնք դիվանագետներին շնորհվում են դիվանագիտական ծառայության անցնելիս և ծառայության ընթացքում։ Դիվանագիտական աստիճանները բնութագրում են մասնագիտական գիտելիքներին և աշխատանքային ունակություններին համապատասխանող որակավորումը։
Հայաստանի Հանրապետության դիվանագիտական աստիճանները լինում են բարձրագույն դիվանագիտական և դիվանագիտական։ Դիվանագիտական աստիճանները շնորհվում են ցմահ։
Բարձրագույն դիվանագիտական աստիճաններ[խմբագրել | խմբագրել կոդը]
Հայաստանի Հանրապետության բարձրագույն դիվանագիտական աստիճանները շնորհում է Հայաստանի Հանրապետության Նախագահը։
- Հայաստանի Հանրապետության արտակարգ և լիազոր դեսպան (դիվանագիտական աստիճան)
- Հայաստանի Հանրապետության արտակարգ դեսպանորդ և լիազոր նախարար։
Դիվանագիտական աստիճաններ[խմբագրել | խմբագրել կոդը]
Հայաստանի Հանրապետության դիվանագիտական աստիճանները շնորհում է Հայաստանի Հանրապետության արտաքին գործերի նախարարը՝ արտաքին գործերի նախարարության մրցութային-ատեստավորող հանձնաժողովի եզրակացության հիման վրա։
- առաջին դասի խորհրդական
- երկրորդ դասի խորհրդական
- առաջին դասի առաջին քարտուղար
- երկրորդ դասի առաջին քարտուղար
- առաջին դասի երկրորդ քարտուղար
- երկրորդ դասի երկրորդ քարտուղար
- երրորդ քարտուղար
- կցորդ։