Ինվերնեսի պաշարում (1649)
 | |
|---|---|
 | |
| Թվական | 22 փետրվարի, 1649 թվական |
| Մասն է | Երեք թագավորությունների պատերազմ (Շոտլանդական քաղաքացիական պատերազմ) |
| Վայր | Ինվերնես, Շոտլանդիա |
| Արդյունք | Ռոյլիստների հաղթանակ |
| Հակառակորդներ | |
 Ռոյալիստներ
|  Դաշնակիցներ |
| Հրամանատարներ | |
| Գնդապետ Հաֆ Ֆրեյզեր Ջոն Մունրո Թոմաս Մաքքենզի Սըր Թոմաս Ուրգուհարթ | Նյուարքի լորդ Դեյվիդ Լեսլի |
| Կողմերի ուժեր | |
| Հայտնի չէ | Հայտնի չէ |
| Ռազմական կորուստներ | |
| Անհայտ | Անհայտ |
| Ընդհանուր կորուստներ | |
Ինվերնեսի պաշարում, 17-րդ դարի Շոտլանդական քաղաքացիական պատերազմի մաս, որը տեղի է ունեցել 1649 թվականին․ այն իր հերթին Երեք թագավորությունների պատերազմի մասն էր[1]։
1649 թվականի փետրվարի 5-ին իր հոր մահապատժից հետո Չարլզ II-ը հռչակվել էր թագավոր։ Որոշվել էր, որ Չարլզը և իր աքսորված դաշնակիցները պետք է նորից փորձեն վերականգնել թագավորությունը՝ թագավորական բանակի առաջնորդ, Մոնտրոզի 1-ին մարքիզ Ջեյմս Գրահամի կողմից առաջնորդվելով։ Սրան ի պատասխան, Շոտլանդիայի հյուսիսում գեներալ Հաֆ Ֆրեյզերի ղեկավարությամբ տեղի է ունեցել ապստամբություն, որին միացել էին Ջոն Մունրոն Լամլերից, Թոմաս Մաքքենզին Փլասքարդինից և սըր Թոմաս Ուրգուհարթը Քրոմարթիից։ Փետրվարի 22-ին նրանք մտել են Ինվերնես, որտեղ նախ հեռացրել են Ինվերնես ամրոցի կայազորը, հետո քանդել պարիսպներն ու ամրությունները։ Փետրվարի 26-ին ռազմական խորհուրդ է անցկացվել։ Այստեղ նրանք հստակեցրել են գործողությունների որոշակի շրջանակ, որով Շոտլանդիայի հյուսիսային վեց կոմսությունների մաքսերն ու հարկերը վերցրել են իրենց ձեռքը։ Շուտով Նյուարքի լորդ, գեներալ Դեյվիդ Լեսլին ուղարկվել է հյուսիս՝ նրանց վրա հարձակվելու համար։ Դաշնակիցները շուտով հետ են նահանջել Ինվերնեսից դեպի Ռոսշայր։ Լեսլին կայազոր է տեղադրել Չանոնրի օֆ Ռոս ամրոցում, և անձնատուր լինելու ժամկետներ են սահմանվել նրա և բոլոր դաշնակիցների միջև, բացի Մաքենզիներից։ Հենց որ Լեսլին մեկնել է հարավ, Մաքենզիները հարձակվել ու վերանվաճել են Չանոնրի օֆ Ռոս ամրոցը։
Մոնտրոզի 1-ին մարքիզ Ջեյմս Գրահամը հասել է Ռոս-շայր 1650 թվականին՝ ակնկալելով այն կլանների աջակցությունը, որոնք ապստամբել էին 1649 թվականին։ Սակայն մինչ այդ նրանցից շատերը փոխել էին իրենց դիրքորոշումը և Քարբիսդեյլի ճակատամարտում դեմ են դուրս եկել նրան։
Ծանոթագրություններ[խմբագրել | խմբագրել կոդը]
- ↑ «Inverness Castle | Highlands | Castles, Forts and Battles». www.castlesfortsbattles.co.uk. Արխիվացված է օրիգինալից 2019 թ․ ապրիլի 8-ին. Վերցված է 2019 թ․ մարտի 26-ին.
Արտաքին հղումներ[խմբագրել | խմբագրել կոդը]
- Mackenzie, Alexander. (1896). History of the Frasers of Lovat, with genealogies of the principal families of the name: to which is added those of Dunballoch and Phopachy. Inverness: A. & W. Mackenzie. pp. 186–187.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ինվերնեսի պաշարում (1649) կատեգորիայում։ |