Բրոշյուրավորում

Բրոշյուրավորում, հրատարակության տպված էջերն ու կազմերը միավորելու, շապկելու կամ կազմելու գործողությունների ամբողջություն։

Կախված գրքի հրատարակչական կառուցվածքից (շապկով կամ կազմակողով), ծավալից, արտաքին ձևավորման պահանջներից՝ բրոշյուրավորման տեխնոլոգիական գործողությունների (մամուլների ծալում, առանձին տպված ներդիրների և կողաթերթերի տեղադրում, բլոկի համալրում, շապկում, դրվագում և այլն) քանակն ու կազմությունը տարբեր են։ Շապկով հրատարակությունների կառուցվածքը համեմատաբար պարզ է։

Գրքի բլոկի բրոշյուրավորումը ներառում է նաև պահպանակների սոսնձումը բլոկի առաջին և վերջին տետրերին, ծածկափակումը, կռնակի մամլումը, կլորացումը կամ մակաշերտումը, ամրացնող տարրերի սոսնձումը և այլն։

Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։