Արայիկ Հարությունյան

Վիքիպեդիայից՝ ազատ հանրագիտարանից
Արայիկ Հարությունյան։ Լեռնային Ղարաբաղի Հանրապետության վարչապետ։ Նկարը`2014 թվական

Արայիկ Վլադիմիրի Հարությունյան, Լեռնային Ղարաբաղի Հանրապետության վարչապետ, Ազատ Հայրենիք կուսակցության նախագահ, տեխնիկական գիտությունների թեկնածու։ Ծնվել է 1973 թվականի դեկտեմբերի 14-ին, Ստեփանակերտ քաղաքում։

Կրթություն[խմբագրել]

1990 թվականին ավարտել է Ստեփանակերտի ֆիզմաթ դպրոցը և նույն թվականին ընդունվել Երևանի ժողտնտեսության ինստիտուտը։ 1994 թվականին տեղափոխվել և 1995 թվականին ավարտել է Արցախի պետական համալսարանի տնտեսագիտական ֆակուլտետը։ 1996 թվականին ընդունվել և 1998 թվականին ավարտել է ԱրՊՀ ասպիրանտուրան՝ տնտեսագիտություն մասնագիտությամբ։ 2013 թվականին պաշտպանել է ատենախոսությունը և դարձել տեխնիկական գիտությունների թեկնածու։

Գործունեություն[խմբագրել]

1992 թվականին Արայիկ Հարությունյանը անդամագրվել է ԼՂՀ ինքնապաշտպանության ուժերին և ակտիվ մասնակցություն ունեցել պատերազմական գործողություններին։ 1995-1997 թվականներին աշխատել է ԼՂՀ էկոնոմիկայի և ֆինանսների նախարարությունում՝ որպես նախարարի օգնական։ 1997-1999 թվականներին նա աշխատել է Հայագրոբանկի Ասկերանի մասնաճյուղում՝ որպես կառավարիչ։ 1999-2004 թվականներին զբաղեցրել է Հայագրոբանկի Ստեփանակերտի մասնաճյուղի կառավարչի պաշտոնը։ 2005 թվականին ընտրվել է ԼՂՀ ԱԺ պատգամավոր, մոտ երկու տարի նախագահել խորհրդարանի ֆինանսաբյուջետային և տնտեսական կառավարման հարցերի մշտական հանձնաժողովում, Միաժամանակ եղել է Հայրենիք խմբակցության ղեկավարը։ Ազատ Հայրենիք կուսակցության համանախագահը, ապա և՝ նախագահն էր 2005-2007 թվականներին։ Պատգամավորական գործունեությունը դադարեցրել և կուսակցապետի պաշտոնը թողել է ԼՂՀ վարչապետ նշանակվելու կապակցությամբ։ Արայիկ Հարությունյան Արայիկ Հարությունյանը ԼՂՀ նախագահի հրամանագրով վարչապետ է նշանակվել 2007 թվականի սեպտեմբերի 14-ին։ Արայիկ Հարությունյանը 2009 թ. հոկտեմբերից վերընտրվել է Ազատ Հայրենիք կուսակցության նախագահ։ ԼՂՀ նախագահի հրամանագրով 2012թվականին վերանշանակվել է ԼՂՀ վարչապետ։

Այլ տեղեկություններ[խմբագրել]

Արայիկ Հարությունյանը պարգևատրվել է «Շուշիի ազատագրման համար » մեդալով, «Մարտական Խաչ» II աստիճանի շքանշանով։ Ամուսնացած է, ունի երկու զավակ։

Աղբյուրներ[խմբագրել]