Ավրորա (մուլտֆիլմ)

Ավրորա; Аврора
Տեսակ	մուլտֆիլմ
Ռեժիսոր	Ռոման Կաչանով
Սցենարիստ	Ռոման Կաչանով,; Արկադի Տյուրին
Հնչյունավորում	Վյաչեսլավ Տիխոնով; Ալեքսեյ Կոնսովսկի; Մարիա Վինոգրադովա; Կլարա Ռումյանովա; Վիկտոր Ֆիլիպով
Բեմադրող նկարիչ	Լեոնիդ Շվարցման
Երաժշտություն	Վլադիմիր Շաինսկի
Օպերատոր	Թեոդոր Բունիմովիչ
Հնչյունային օպերատոր	Գերոգի Մարտինյուկ
Երկիր	ԽՍՀՄ
Լեզու	ռուսերեն
Ընկերություն	«Սոյուզմուլտֆիլմ»
Տևողություն	17:30
Թվական	1973

«Ավրորա» (ռուս.՝ «Аврора»), Ռոման Կաչանովի տիկնիկային մուլտիպլիկացիոն ֆիլմը, որը լիակատար կերպով բացահայտում է նրա ձևակերպած ստեղծագործական հավատամքի առաջին մասը՝ «Դաստիարակել սեր հայրենիքի, ծնողների, ռոմանտիկայի աշխարհի, օտար երկների բնակիչների, բնության հանդեպ»^[1]։

«Ավրորա» հածանավի պատմությանը նվիրված ֆիլմում առաջին անգամ հնչել է Վլադիմիր Շաինսկու՝ Միխայիլ Մատուսովսկու բանաստեղծության հիման վրա ստեղծված «Ավրորա» երգը («Что тебе снится, крейсер Аврора…», հայ.՝ «Ի՞նչ ես տեսնում դու երազում, հածանավ Ավրորա...»), որը դարձել է Լենինգրադ քաղաքի ոչ պաշտոնական հիմներից մեկը։

Սյուժե[խմբագրել | խմբագրել կոդը]

Լենինգրադյան սովորական բակում երեխաները խաղում են «նավաստիներ», սակայն նրանց մանկական խաղը տղաների միջև վերածվում է լուրջ վեճի այն մասին, թե ինչպես անվանել մանկական հրապարակում գտնվող փայտե նավակը։ «Հերոս» նավի նավաստու հագուստով տղան գիտի և երգում է մի գեղեցիկ երգ՝ «По морям, по волнам» (հայ.` «Ծովերով, ալիքներով») և նավակողին վստահ գրում է «Հերոս» գրությունը։ Իսկ «Ավրորա» հածանավի նավաստու հագուստով և անհովար գդակով մյուս տղան ոչինչ չգիտի իր հածանավի պատմության մասին, առավել ևս որևէ երգ նրա մասին, այդ պատճառով էլ հեռանում է ամոթով...

Վիրավորանքը և զայրույթը նրան տանում են կոմպոզիտորի մոտ։ Բայց պարզվում է, որ կոմպոզիտորը նույնպես համարյա ոչինչ չգիտի «Ավրորայի» պատմության մասին, և երգեր նավի մասին ևս գոյություն չունեն։ Եվ որպեսզի այդպիսի երգ հայտնվի, մեծահասակը տղային տանում է թանգարան հածանավի տախտակամածին։

Նրանց առջև ներկայանում է փառավոր առագաստավոր ֆրեգատ «Ավրորայի» պատմությունը XIX դարի Ղրիմի պատերազմի ժամանակներից մինչև 1903 թվականի հզոր հածանավը, որն ստացել է այդ անվանումն ի հիշատակ այն նավի, որը մասնակցել է 1905 թվականի Ցուսիմյան ճակատամարտին Ռուս-ճապոնական պատերազմում, Պետրոգրադի պաշտպանությանը, Հոկտեմբերյան հեղափոխությանը, Լենինգրադի պաշտպանությանը Հայրենական մեծ պատերազմի ժամանակ։ «Ավրորայի» պատմության բոլոր այդ հերոսական դեպքերն օգնում են կոմպոզիտորին ստեղծել երաժշտական ստեղծագործություն, որը միանգամից փոխում է փողոցի երեխաների գիտակցությունը։ Լսելով երգը՝ նրանք որոշում են մյուս նավակողին գրել «Ավրորա»՝ ի պատիվ ռուսական և սովետական լեգենդար հածանավի։

Նկարահանող խումբ[խմբագրել | խմբագրել կոդը]

Սցենարի հեղինակներ - Ռոման Կաչանով, Արկադի Տյուրին
Երգի տեքստը - Միխայիլ Մատուսովսկու
Ռեժիսոր - Ռոման Կաչանով
Բեմադրող-նկարիչ - Լեոնիդ Շվարցման
Օպերատոր - Թեոդոր Բունիմովիչ
Կոմպոզիտոր - Վլադիմիր Շաինսկի
Հնչյունային օպերատոր - Գեորգի Մարտինյուկ
Նկարիչ-մուլտիպլիկատորներ - Յուրի Նորշտեյն, Ելենա Լիվանովա, Օլգա Պանոկինա
Խմբագիր - Նատալյա Աբրամովա
Մոնտաժող - Նադեժդա Տրեշչյովա
Խորհրդատու - II աստճանի կապիտան Բորիս Բուրկովսկի
Տիկնիկները և դեկորացիաները պատրաստել են - Վլադիմիր Ալիսով, Ա. Բարտ, Պավել Լեսին, Լիլիանա Լյուտինսկայա, Օլեգ Մասաինով, Գալինա Ֆիլիպովա, Սեմյոն Էտլիս, Ռոման Գուրովի ղեկավարությամբ
Ֆիլմի տնօրեն - Նաթան Բիտման

Դերակատարներ[խմբագրել | խմբագրել կոդը]

Վյաչեսլավ Տիխոնով — Կոմպոզիտոր
Ալեքսեյ Կոնսովսկի — կարդում է տեքստը
Մարիա Վինոգրադովա — «Ավրորա» անհովար գլխարկով տղա
Կլարա Ռումյանովա — տղա և աղջիկ
Վիկտոր Ֆիլիպով — նավաստի
Թամարա Դմիտրիևա — «Հերոս» անհովար գլխարկով տղա / բուդյոնովկայով տղա (տիտրերում նշված չէ)

Տեսահոլովակի հրատարակություն[խմբագրել | խմբագրել կոդը]

1990-ականներին Ռուսաստանում թողարկվել է VHS տարբերակով «Սոյուզ Վիդեոյի» կողմից որպես սովետական լավագույն մուլտֆիլմերի հավաքածուում։ 2000-ականներին թողարկվել է VHS տարբերակով նույն ստուդիայի կողմից «Պիոներիայի երկիր» հավաքածուում։