«Bound to You», ամերիկացի երգչուհի Քրիստինա Ագիլերայի երգն է, որը «Ծաղրանկար» (անգլ.՝ Burlesque) ֆիլմի սաունդթրեքերից մեկն է։ Երգը թողարկվել է 2010 թվականի դեկտեմբերի 17-ին, RCA Records լեյբլի կողմից։ Երգը գրվել է Քրիստինա Ագիլերայի, Սամուել Դիքսոնի և ավստրալիացի երգչուհի-երգահան Սիա Ֆուրլերի կողմից։ 2010 թվականին «Bound to You» երգը առաջադրվել է Ոսկե Գլոբուս մրցանակաբաշխության «Լավագույն օրիգինալ երգ» անվանակարգում։
Երգի խոսքերի գրվել են Քրիստինա Ագիլերայի, ավտսրալացի երգչուհի-երգահան Սիա Ֆուրլերի և Սամուել Դիքսոնի կողմից, ով վերջինս նաև երգի պրոդյուսերն է։ Նրանք նախկինում նաև աշխատել են Քրիստինայի «Bionic» (2010) ալբոմի «You Lost Me» սինգլի վրա։ «Bound to You» երգը նաև «Burlesque: Original Motion Picture Soundtrack» ալբոմի այն 3 երգերից մեկն է, որի համահեղինակներից մեկը հենց Քրիստինան է։ Billboard-ի հետ հարցազրույցում երգչուհին նշել է որ «Bound to You» երգը ալբոմի իր ամենասիրելի երգն է[1]։ Երգը իր բովանդակությամբ մի երիտասարդ կնոջ մասին է, ով իր կյանքում առաջին անգամ սիրահարվել է։
2010 թվականի հոկտեմբերի 7-ին Քրիստինա Ագիլերան երգը առաջին անգամ կատարում է Բևերլի Հիլզ քաղաքում։ Նույն տարվա նոյեմբերի 18-ին նա նաև այն կատարում է The Jay Leno Show հեռուստածրագրի ժամանակ[2]։