Քլիֆորդ Նոե

Քլիֆորդ Նոե;
Ծնվել է	1930
Ծննդավայր	Օկլահոմա, ԱՄՆ
Մահացել է	2004
Մասնագիտություն	գործարար

Քլիֆորդ Դիքսոն Նոե (անգլ.՝ Clifford Dixon Noe, Դոկտոր Նոե, 1991 թվականից հետո՝ Քլիֆ Գոլդշտայն, 1930, Օկլահոմա, ԱՄՆ - 2004), միջազգային խաբեբա և խարդախ։ Նա մասնագիտացած էր կեղծ ընկերությունների, կեղծ արժեթղթերի և կեղծ օֆշորային հաշիվների օգտագործման գործում՝ ներդրողներին խաբելու նպատակով։ Նոեն ներառվել է Fortune ամսագրի 1988 թվականի 25 ուշագրավ գործարարների ցանկում։ Պարբերականը նշել է, որ Հետաքննությունների դաշնային բյուրոն Նոեին դասել է «երբևէ եղած ամենահայտնի սպիտակօձիքավոր հանցագործների շարքում»։ Անգլիայում դատավճիռ կայացնող դատավորը նրան բնութագրել է որպես «ամենաբարձր մակարդակի միջազգային խարդախի»^[1]։

Կենսագրություն և գործունեություն[խմբագրել | խմբագրել կոդը]

Քլիֆորդ Նոեն ծնվել է Օկլահոմայում, դագաղագործի ընտանիքում։ Բարձրագույն կրթություն է ստացել Տեխասի Դենիսոն քաղաքի պետական դպրոցներում, սակայն նա պնդել է, որ ստացել է մի շարք կեղծ կրթական վկայականներ, ներառյալ՝ մի քանի դոկտորական աստիճաններ։ Նրա եղբայրը՝ Փոլ Հոու Նոեն (նաև՝ Փոլ Նոե Ռանդել, ծնված՝ մոտ 1927 թվականին) ներգրավված է եղել Քլիֆորդի մի շարք սխեմաներում։ Իր ողջ կարիերայի ընթացքում Քլիֆորդ Նոեն դատապարտվել է կապի էլեկտրոնային միջոցների կիրառմամբ խարդախության, փոստային խարդախության և փաստաթղթեր կեղծելու համար Տեխասում, Իլինոյսում, Ալաբամայում, Փենսիլվանիայում և Անգլիայում։ Փոլ Նոեն դատապարտված է եղել Ֆլորիդայում, Տեխասում և Ջորջիայում։

1963 թվականին եղբայրները Տեխասում բանկ են գնել այն գումարներով, որոնք պարտք էին վերցրել՝ օգտագործելով անարժեք ընկերությունների բաժնետոմսերը, ապա թալանել են բանկը։ Նրանք դատապարտվել են բանկային հափշտակության, փոստով խարդախության և կապի էլեկտրոնային միջոցների կիրառմամբ խարդախության համար և դատապարտվել հինգ տարվա և երեք տարվա պայմանական ազատազրկման։ 1970 թվականին Նոեն փորձել է գնել բրիտանական E.H. Marley & Partners առևտրային բանկը՝ որպես գրավ օգտագործելով կեղծ ավանդային վկայագրեր։ Հաջորդ տարի Անգլիայում նա դատապարտվել է յոթ տարվա ազատազրկման։ 1972 թվականին Նոեին մեղադրանք է առաջադրվել 150 միլիոն դոլարի կանխավճարային խարդախության համար (այդ գործում ներգրավված էր նաև միջազգային խարդախ Ֆիլիպ Մորել Ուիլսոնը)^[2]։

1973 թվականին Նոեն վկայություն է տվել ԱՄՆ-ի Սենատի մշտական ենթահանձնաժողովում՝ միջազգային բանկային և հիփոթեքային սխեմաների վերաբերյալ հետաքննության գործով։ 1977 թվականին նա դատապարտվել է փոստի օգտագործմամբ խարդախության, 1978 թվականին՝ կեղծ արժեթղթերի միջպետական փոխադրման և 1982 թվականին՝ չեկերի կեղծման համար^[3]^[4]^[5]։

1986 թվականին Նոեն ձերբակալվել է Նյու Ջերսի նահանգի Պարամուս քաղաքում Integrity Insurance Company ապահովագրական ընկերությունը 10 միլիոն դոլարի կեղծ արժեթղթերով գնելու փորձի համար։ Մեղադրանքները հանվել են, սակայն 1987 թվականին նա նույն մեղադրանքով մեղադրվել է, բայց հետո փախել Կոստա Ռիկա։ Նոեն ձերբակալվել է Նոր Օռլեանում 1988 թվականին և բանտարկվել Փենսիլվանիայում, որտեղ դատապարտվել է խարդախության համար և դատապարտվել հինգ տարվա ազատազրկման^[6]։

2002 թվականի փետրվարին Արժեթղթերի և բորսաների հանձնաժողովը երկու եղբայրներին մեղադրանք է առաջադրել իրենց ընկերության՝ Great American Trust Corp-ի մասնակցությամբ հիմնական բանկային սխեմայով խարդախության մեջ^[7]։ Քլիֆորդն իրեն մեղավոր է ճանաչել կապի էլեկտրոնային միջոցների կիրառմամբ խարդախություն կատարելու մեջ և 2003 թվականի դեկտեմբերին դատապարտվել է 46 ամսվա ազատազրկման։ Քլիֆորդի եղբայրը՝ Փոլը, մեղավոր է ճանաչվել կապի էլեկտրոնային միջոցների կիրառմամբ խարդախության, գողացված արժեթղթերի տեղափոխման և խարդախության նպատակով դավադրության մեջ և դատապարտվել 78 ամսվա ազատազրկման^[8]։

Քլիֆորդ Նոեն մահացել է դատավճռից որոշ ժամանակ հետո^[9]։

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

Kwitny, Jonathan. The Fountain Pen Conspiracy. Alfred A. Knopf. 1973. 978-0394479354

[1] Biggest Catch Clifford Noe b. July 17, 1930 Fortune January 2, 1989

[2] Huge Mail Fraud is Charged to 22 New York Times January 26, 1972

[3] Brothers Bilked Victims For Decades, Authorities Say Sun Sentinel February 26, 2002

[4] Arrests Signal Return of 'Fountain Pen Conspiracy' South Florida Business Journal February 18, 2002

[5] Son of Super Swindler SF Weekly September 10, 2003

[6] Swindler Arrested in Integrity Case Journal of Commerce September 15, 1988

[7] The SEC and Prime Bank Securities Frauds: Past, Present and Future Securities Regulation Law Journal Spring 2003

[8] Judge Sentences Florida Brothers in Fraud Scheme Spartanburg Herald-Journal December 5, 2003

[9] SEC Settles Case Against Four Individuals Charged With Conducting High-Yield Investment Scheme. SEC. April 28, 2004

[1]

[2]

[3]

[4]

[5]

[6]

[7]

[8]

[9]