Քիմ Քաշքաշյան

Քիմ Քաշքաշյան
Հիմնական տվյալներ
Բնօրինակ անուն	անգլ.՝ Kim Kashkashian
Ծնվել է	օգոստոսի 31, 1952 (71 տարեկան), Դետրոյթ, Միչիգան ԱՄՆ; Դետրոյթ, Միչիգան, ԱՄՆ
Երկիր	ԱՄՆ
Ժանրեր	դասական երաժշտություն
Մասնագիտություն	երաժշտության ուսուցիչ, համալսարանի դասախոս, վիոլինահար և chamber musician
Գործիքներ	ալտ
Աշխատավայր	Նոր Անգլիայի կոնսերվատորիա, Հանս Այսլերի անվան բարձրագույն երաժշտական դպրոց և Ֆրայբուրգի բարձրագույն երաժշտական դպրոց
Լեյբլ	ECM Records
Կրթություն	Պիբոդիի համալսարան և Interlochen արվեստի կենտրոն
Անդամակցություն	Արվեստների և գիտությունների ամերիկյան ակադեմիա
Կապված	Gidon Kremer, Yo Yo Ma, Vienna Philharmonic, Nikolaus Harnoncourt
Կայք	ecmrecords.com/artists/1435046124/kim-kashkashian

Քիմ Քաշքաշյան (անգլ.՝ Kim Kashkashian, օգոստոսի 31, 1952(1952-08-31)^[2]^[3]^[4], Դետրոյթ, Միչիգան, ԱՄՆ^[1]), հայազգի ամերիկյան ալտահար։

Կենսագրություն[խմբագրել | խմբագրել կոդը]

Ծնվել է Դեթրոյթում, ալտ է սովորել Քարեն Թաթլի և լեգենդար ալտահար Ուոլթեր Թրամփլերի մոտ՝ Բալթիմորի Փիբոդի երաժշտական կոնսերվատորիայում։ Քաշքաշյանն իր գործիքի համար նոր երկերի ստեղծման երդվյալ կողմնակիցն է։ Քաշքաշյանը հաճախակի մասնակցում է ԱՄՆ-ի և Եվրոպայի խոշոր փառատոներին, այդ թվում՝ Մարլբորոյի, Զալցբուրգի, Լոքենհաուսի և Սթավանգերի փառատոներին։ Նա համագործակցել է Ֆելիքս Գալիմիրի, Ռոբերտ Լևինալի, Քիթ Ջարեթի, Գիդոն Քրեմերի, Դանիել Ֆիլիպսի, Յո-Յո Մայի հետ։ Քաշքաշյանը ձայնագրվել է ՙՍոնիի՚ համար և երեք տասնամյակ տևող համագործակցություն ունի Գերմանիայի ECM ֆիրմայի հետ։ Բրամսի սոնատների նրա ձայնագրությունը Ռոբերտ Լևինի հետ 1999-ին արժանացել է Էդիսոն մրցանակին։ 2000-ի հունիսին թողարկվել են Բարտոկի, Էոտվեոշի և Կուրտագի նրա ձայնագրությունները և արժանացել 2001 թ. Կաննի դասական մրցանակին՝ նվագախմբի հետ մենակատարի պրեմիերային ձայնագրության համար։ Քաշքաշյանի լայնածավալ մանկավարժական աշխատանքներն ընդգրկում են դասավանդումը Բլումինգթոնի Ինդիանա համալսարանում և Ֆրայբուրգի ու Բեռլինի կոնսերվատորիաներում (Գերմանիա)։ 2000-ի սեպտեմբերին նա սկսել է ալտ և կամերային երաժշտություն ուսուցանել Նոր Անգլիայի կոնսերվատորիայում (Բոստոն)։

Որպես մենակատար հանդես է գալիս Նյու Յորքի, Բեռլինի, Վիեննայի, Լոնդոնի, Միլանի Մյունխենի և Տոկիոյի ճանաչված նվագախմբերի հետ՝ Ռիկարդո Շայիի, Քրիստոֆ Էշենբախի, Ռիկարդո Մուտիի և այլ հայտնի դիրիժորների ղեկավարությամբ։ Մենահամերգներ է ունեցել Նյու Յորքում (Metropolitan Museum և 92nd Street "Y"), Բոստոնում, Վաշինգտոնում, Ֆիլադելֆիայում, Փիթսբուրգում, Սան Ֆրանցիսկոյում, Քլիվլենդում և Լոս Անջելեսում։

Համագործակցել է կոմպոզիտորներ Գուբայդուլինայի, Պենդերեցկու, Գիա Կանչելիի, Կուրտագի, Տիգրան Մանսուրյանի, Պյարտի, Բերիոյի և Էթվոշի հետ։

Նրա կամերային համերգների գործընկերներն են դաշնակահար Ռոբերտ Լևինը և հարվածային գործիքների հայտնի կատարող Ռոբին Շուլկովսկին։ Հանդես է եկել the Tokyo, Guarneri և Galimir Quartet-ների հետ, ինչպես նաև եզակի կազմ ունեցող՝ Գիդոն Կրեմեր, Դանիել Փիլիպս, Քիմ Քաշքաշյան և Յո-Յո Մա քառյակով։

2013 թվականին արժանացել է Գրեմմի մրցանակի՝ «Լավագույն դասական գործիքային սոլո կատարում» կատեգորիայում։ ^[5]^[6]^[7]

Ընտրյալ ձայնասկավառակներ[խմբագրել | խմբագրել կոդը]

1975 Asturiana
1986 Elegies
1995 Ulysses' Gaze Soundtrack
2000 Hommage à Robert Schumann
2000 Lachrymae
2000 Bartok / Eötvös / Kurtág
2001 Mozart - Kremer / Kashkashian / Yo-Yo Ma
2002 Voci, Naturale
2003 Hayren
2004 Monodia
2009 Neharot

Քաշքաշյանը կինոյում[խմբագրել | խմբագրել կոդը]

Քաշքաշյանը նկարահանվել է Ժան Լյուկ Գոդարի «Գերմանիա։ 9 - 0» կինոնկարում (1991)։
Քիմ Քաշքաշյանը Թեոդորոս Անգելոպուլոսի «Ուլիսի հայացքը» կինոնկարի (1995) երաժշտության կատարողներից մեկն է։

Մրցանակներ[խմբագրել | խմբագրել կոդը]

Կանի դասական երաժշտության մրցանակ (2001).
Էդիսոնի երաժշտական մրցանակ (Նիդերլանդներ, 2003).

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Deutsche Nationalbibliothek Record #131933337 // Gemeinsame Normdatei (գերմ.) — 2012—2016.
↑ FemBio տվյալների շտեմարան (գերմ.)
↑ Բրոքհաուզի հանրագիտարան (գերմ.)
↑ Munzinger Personen (գերմ.)
↑ Ամերիկահայ Քիմ Քաշքաշյանը հաղթել է «Գրեմմի» երաժշտական մրցանակաբաշխությանը Առավոտ
↑ Հայազգի Քիմ Քաշքաշյանն արժանացավ Գրեմմի մրցանակի PanArmenian
↑ «Քիմ Քաշքաշյանը Գրեմմի մրցանակաբաշխության ժամանակ հաղթող է ճանաչվել (տեսանյութ)». Արխիվացված է օրիգինալից 2014 թ․ հուլիսի 14-ին. Վերցված է 2013 թ․ փետրվարի 22-ին.

Արտաքին հղումներ[խմբագրել | խմբագրել կոդը]

Լրատվություն ՀՀ մշակույթի նախարարության կայքում (հայ.)
Քիմ Քաշքաշյանը NPR կայքում (անգլ.)
Հարցազրույց Արխիվացված 2012-04-25 Wayback Machine (գերմ.)

[_fcf6bbd8a583aaab-1] 1,0 ^1,1 ^1,2 Deutsche Nationalbibliothek Record #131933337 // Gemeinsame Normdatei (գերմ.) — 2012—2016.

[_48fbd3b8800c936b-2] FemBio տվյալների շտեմարան (գերմ.)

[_9fb45eecdb3d305c-3] Բրոքհաուզի հանրագիտարան (գերմ.)

[_075bd140518c0a1b-4] Munzinger Personen (գերմ.)

[5] Ամերիկահայ Քիմ Քաշքաշյանը հաղթել է «Գրեմմի» երաժշտական մրցանակաբաշխությանը Առավոտ

[6] Հայազգի Քիմ Քաշքաշյանն արժանացավ Գրեմմի մրցանակի PanArmenian

[7] «Քիմ Քաշքաշյանը Գրեմմի մրցանակաբաշխության ժամանակ հաղթող է ճանաչվել (տեսանյութ)». Արխիվացված է օրիգինալից 2014 թ․ հուլիսի 14-ին. Վերցված է 2013 թ․ փետրվարի 22-ին.

[1]

[2]

[3]

[4]

[5]

[6]

[7]